المحرر موضوع: حلمانه الثامن ُ من آذار ِ ... يومك ِ يا واهبة َ الحياة ِ  (زيارة 312 مرات)

0 الأعضاء و 1 ضيف يشاهدون هذا الموضوع.

غير متصل محمد المنصـور

  • عضو
  • *
  • مشاركة: 19
    • مشاهدة الملف الشخصي
    • البريد الالكتروني
حلمانه
الثامن ُ من آذار ِ ... يومك ِ يا واهبة َ الحياة ِ

                      محمد المنصور
 
حلمانه ... ليلة دخلتي
أوثوب العرس .. أسودْ
مرسوم بيه نجمه وگمر
اُوفوگ الصدر .. معبدْ.
 
وعند الخصر .. منقوش
چف ومُكْحَله ومرودْ.
اُونگطات دم .. عالذيل
مرشو شه فلا تنعدْ.
 
على يميني .. شفتْ تابوت
منّه إيد إلي تمتدْ
على يساري .. ضوه شمعه
واصل للسمه وأزودْ.
 
***
 
گدامي ... شفتْ شباچ
صليب إعليه ومبسّمرْ
سندانه .. إنچفت ليغاد
واُمطشر ورد أحمرْ.
 
معاضد ذهب .. ومحابس
يمها العين تتحيرْ
على التابوت حطوها
ولفوها .. بعلم أصفرْ.
 
بدله إمزرّفه زرگه ...
ودم بالگاع متخثرْ
وبالحايط .. شفتْ تصوير
شاب إمعدّل وأسمرْ.
***
ردتْ أصرخ .. فلا أگدر
چنی إبصوتي مخنوگه
گلت أمشي .. وأحسن
بالأرض رجليّ مدگوگه
 
وأنه بحيرتي وخوفي ...
أنفتح باب .. اُوشفتْ جوگه
يجرون أبشخص مجروح
من دمه .. أنترس ثوبهْ
 
أظن ... فلاح يا يمه
فقير وحاله مسحوگه
اٌوفزيتْ .. وطلع كابوس
بس الشمعه معلوگه ...!
 
***