المحرر موضوع: الى بلاك انجل ايكو ناين (طبق الاصل)  (زيارة 1543 مرات)

0 الأعضاء و 1 ضيف يشاهدون هذا الموضوع.

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
شيعوضني الدمع وانه الخسرته هواي
وعلى رملة امل كل عمري وشلته
وانه الباكو نهاري ورحت ادوره بليل
والمسودن طبع ميعوف سالفته
على نفس الدرب ذبولي بس الصوف
حته ارجع واكول ذياب ماكلته
وانه الماصبر والعطش ماوازاه
دنت نفسه وذبح بالصحره راحلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته
بعد ماهد سهم كون الطريده بعيد
مابيهه فخر لو كول وصلته
وشفت عصفور ميت كل جرح مابيه
حرت هذه المنيه شلون واصلته
شلت راسي وشفت بالشجره عش محروك
كلت هذه السبب والحركه كاتلته
ونفس موته متت والجسد لحد الروح
وحسرات الجفن وبدمعي غسلته
وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته
دبسك ياضمير الصار بيه هواي
بسك هالعمر مايوم جاملته
حذر بسوالفي نكلة جدم صياد
وسال خاطرك مايوم جفلته
كصبه اعلى الجرف يدفعها روج الضيم
ويحنيني الهوى بس طبعي عدلته

للشاعر سمير صبيح


 
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.



غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
وانه الباكو نهاري ورحت ادوره بليل
والمسودن طبع ميعوف سالفته

كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته

وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته

كصبه اعلى الجرف يدفعها روج الضيم
ويحنيني الهوى بس طبعي عدلته

رغم جمالية القصيدة ككل الا انه الابيات اعلاه تدخل للصميم لتابى الا ان تكون مميزة

عمي ابو مصطفى

ماشاء الله على الذوق الراقي اختيار يستحق الاشادة والثناء
ويستحق الفخر ليس فقط لروعة كلماته وانما لانه مهدى الي من
شخص يحمل كل هذه المشاعر والاحاسيس المرهفة 

عمي وية كل قصيدة تختارها تحرك بيه مشاعر لايعلم بها الا المطلع على الاسرار وتخلي حزني يفيض حبر وهمي اوراق

اقرة القصيدة بشوك ملهوف   مثل شوك الحبيب الغايب سنين
وتظل عيوني تناشد الخلان    بكد حروف الشعر وعزف الونيين
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
لا والله مو قصدي الاذية لكن ادري بهذة الكلمات لها نفس الوقع على نفسي فاحببت ان تطلع عليها انت وايكو 9 وهذة اخرى

ايضا طبق الاصل
 اذا ترون بانفعالي ما تظنونه غير لائق
اطمئنكم بحراره بانني متق الله

غم الوكت

تنشد مشتمت لو غاثك حالي
لو مستانس اتهز ايدك اكبالي
حسبالك يكبرك من يرن الصوت
لو ظنك بصوتك ينشده بالي
رن صوتك واسمعه ايلعلع من بعيد
وانه ادري اليلعلع واليرن خالي
والسان النفاهه الباشطات وياه
والحجي بنفاهه خياط شلالي
تتغاضه السوالف جن ولا نشاد
وانت المختنك بحروف موالي
تعدل تجوتك حاير وتثني امخاد
والمتربع الهن كصته اتلالي
حجيت الماتلوك وعتب عالسمعوك
والخفت لجلهم عينة اسلالي
يقاريني من امس يالجربت ممشاي
وانت الما تفوفك خطفة اخيالي
ولك لولا الفشل لولا الصراير بير
لولا حشم وجه اليحشم امثالي
اكول اخت الكلتهه واسهل من الماي
لكن مستحاي امزير احبالي
يسالي شجان وكتك من زهت دنياك
وتريد اليندسك لاتظل سالي
شني الخلاك تطفح وانت مو للزود
والجالي ايعرف سباحة الجالي
ثمن بيعة ضميرك ما تزيدك شان
لو تطلع شمس ما ينطفي هلالي
ولا تفرش شليلك شيص الكنطار
شمراتك يشتن والعثك عالي
يكاسر واهسك جيه قانع بدنياي
هاي الغيرهه شما صحت اشوالي
لجن بي جساره بنارهه اتربيت
حتى الحنظل ويه الصبر يحلالي
ولك غم الوكت عطلني عن ممشاي
ذب اثكاله بي وجمل اثكالي
عرفني شما يجيل اتجلد وما اميل
والكاني اكدر الهن كام يبرالي
تنشدني شاخذ وشخله وكتي وياي
لو حاسب شاخذ تعرف اشخلالي
بعد شتريد اكلك ذاك ؟ لا مو ذاك
لكن ثوبي ذاك ويظل للتالي
يجيل الوكت خله شما يجيل ايجيل
ما املن كبل ما يمل جيالي
اشب مثل النخل بالعطش لو بالزود
جذاب اليكلك يوم تجالي
ذراي ولا ذره احد ما نمت عطال
لا بعت الخشل لا رخصت عالي
لعب بطروكي وكتي وضحكتي على اشفاي
جن مو عالارض امشي على عذالي
اطر ظلمتي اتهمس ما لزمت الراك
واتعطل صباحي وكلت ضوالي
ولك ما كدر مالك يشتري الزينات
وبوجهي اشتريهن لو يشح مالي
انا بروحي الرميثه التكرم من الجوع
شايل طيب اهلهه بطية اعكالي
( والخويه ) امانه وتعني ما تعنيه
وبيهه اتبشر بوجه التعنالي
ولك يالتيهتني مضايف الفرهود
لو ماشفت مني دلالهه دلالي
انا بدنيه غريبه بلايه حتى اشبيك
راهي على المصيبه بحضن جتالي
دفيت بنار شوكي وقانع بوكتي
عباية والدي وملتم على عيالي


كريم الجسار
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
عمي ابو مصطفى

عاشت ايدك تميز في اختياراتك مستمر
وهاانا ذا ادمن مواضيعك

تسلم على الابيات الجميلة
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
you are welcome
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل sandy 88

  • اداري منتديات
  • عضو مميز جدا
  • *
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

ذوق جميل عاشت الايادي

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
يا هلا بالادارة

زارتنه البركة عمي ساندي
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل echo 9

  • عضو مميز جدا
  • *****
  • مشاركة: 2227
    • مشاهدة الملف الشخصي
تنشد مشتمت لو غاثك حالي
لو مستانس اتهز ايدك اكبالي
حسبالك يكبرك من يرن الصوت
لو ظنك بصوتك ينشده بالي
رن صوتك واسمعه ايلعلع من بعيد
وانه ادري اليلعلع واليرن خالي

عاشت ايدك ابو مصطفى . كلك ذوق اخوي الغالي
هذا الزمن يبغاله لسان دلاّل !
من يستحي هالوقت واعزتي له
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله !
المال يابن حنيف ملعون أبو المال
ذل العزيز وعز ناسٍ ذليله !

http://www.youtube.com/watch?feature=player_embedded&v=e9pGCb5Kusw

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
انت الذوق والاحساس شرفني مرورك
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
وهاي وحدة اخرى ماردت انزله بموضوع منفرد انشالله تعجبكم بس لاحظوا  الصور الجميله والتعابير المستقاة من واقعنا المرير


            ايهاب المالكي يقول في قصيدتة الرائعة:

بعد ما جيب جرحي تروفه اليه ردود
انا استجمعت حيلي وبالصبر رفته
امر وتشوفني اشلونه الوكت وياي
ما مهموم وضحك والحزن عفته
ماخليتلك خيط امل تترجاه
دفض حته الخيال امن الجفن شلته
وضعف روحي بدي جريت امثل بيه
كدام اليضدك للصلب جبته
من اتشوفني تعرفني ؟....
لا والله مو ذاك الغشيم المن كبل شفته
اكبالك غير واحد بي شبه من ذاك
ما يشبه هذاك البي جرح عفته
مره التجربه المريت بيهه وياك
مره وعلمتني وحنظلك ضكته
ولو خسران بس الله يعوض الراح
حب راح ابعشرتك ونتهه ابوكته
عفتك دونما تسمعلي وقع اقدام
ماتحجي الشموع وينطفن سكته
عرض كدامي ضلي وعطلت ممشاي
حاجيته ونصحته ومن رفض دسته
وضل حلمك بعيني اعلى الجفن مطروح
جذاب اليكلك من رحت جسته
ولآن ماردت منك شي يضل تذكار
ماردته بحياتي وعالخلك سمته
منو الياخذ حلم من ينطي زايد بي
حلم كلش جديد وماستعملته
ابيعه الغير واحد مثل ماسويت
وياي وحنينك للغرب بعته
مثل سجينتك راح انسحب بهداي
حته اترك حياتك واطلع بسكته
بلا ما تشعر ويكسر قراري الشوك
ورجعلك وكول اتسرعت خذته
ردت ينباك جرحي ورصعت بي ماس
ردت اروي الحرامي ومن رفض لمته
انه الطير النزل للطعم من حطيت
روحك للضحيه ومن نزل صبته
ترك لجلك سمه وراويته المجازات
من كصيت جنحه وللقفص جبته
عفتني ويه الجكاره اثنينه امورثين
محد طفه الاخر ونطفيت انته
كبل جم مره اجيلك مشتري وما بيع
وسمع صوت روحي اتكلي عاذرته
ونكثلك اسراري بحضن لحظة شوك
بس تالي الكه سري الناس سامعته
جنت مثل الهوه موتي ابصفنتي ايصير
يحيني اليكلي الشادهه ابشفته
وحلف كارهك وكتشف يطلع شوك
من ضمن السوالف بالحجي الكلته
ردت جم مره اطلعك كلبي ما بي باب
دورته اعلى كيفي وكل كتر درته
وتعلمت كلشي في سبيل انساك
بس افراك وجهك ما تعلمته
هسه ابسد خريفك حطبت ذكراك
خاف ايرد خضارك ونتشي ابجيته
بعد ماريدك اتضل خيط اجلب بيك
وبقه امتاني جفك يفزع ايعته
اتعوف الدفن حبك مثل سر بالراس
تركض عاليحطك راس سالفته
يالمهدور حبك مني كون اتشيل
لا تفتر بروحي وثاري ما خذته
انه امنوميتلك مو من آلم طعنات
لا بس ردت اكلك كلبي مالحته
ما ينخدع كلبي ابدمعتين ارخاص
تتلطخ بدمه وتقره فاتحته
عالي الجف اذا وكت الزعل ينباس
عكس الجف هذاك البصلح بسته
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل ĈAŃDŶ

  • اداري
  • عضو مميز متقدم
  • ***
  • مشاركة: 6151
  • الجنس: أنثى
  • كيف يكون للمستحيل معنى ؟! ولنا رب يقول كن فيكون
    • مشاهدة الملف الشخصي
عاشت ايدكم وذوقكم على اختيار هذه الاشعار الحلوة


نتمنى المزيد



تحياتي


VOICE     أنـــــــت رح تــــــكون     THE

عذرا لمن لاأعجبهم فمهارة ذو الوجهين لا أتقنها...!!!

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 12979
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=j0rcseea47pa1i6fmj3e72i47o&/board,53.0.html
بلاك انجل غايب من مدة يارب يكون المانع خير
ويرجع ونتطمن عليه
شكرا لمجهودك الجميل عراقي هواي
اسعدني المرور
تحياتي

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
شكرا لمروركم  ماكنتوشة والارمنية

وانشالله المانع خير تحياتي لاخونا بلاك انجل
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
ابو مصطفى حبي وحبيبي

حقه ابو خالد الورده من ايكول ابو مصطفى اصلع  ;D ;D ;D ;D  اذا كل هاي الماسي والكوارث والالام القلبيه نازله عليك يا حبيبي حقك عمي والله وبالله وتالله حفك  ;D ;D ;D


سلمت يداك على ما اخترت وسطرت وبارك الله بك اخا عزيزا دائما ...


اخوكم شمعه

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
ابو مصطفى حبي وحبيبي

حقه ابو خالد الورده من ايكول ابو مصطفى اصلع  ;D ;D ;D ;D  اذا كل هاي الماسي والكوارث والالام القلبيه نازله عليك يا حبيبي حقك عمي والله وبالله وتالله حفك  ;D ;D ;D


سلمت يداك على ما اخترت وسطرت وبارك الله بك اخا عزيزا دائما ...


اخوكم شمعه
شمعة لاتسولكم سالفه مال اصلع الحمد لله بعد ابن اربعطعش لا اصلع ولا شي بس ايكو 9 وطبعا هالسلفة تقريبا من 8اشهر

يريد يطلعني اكبر منه باي طريق مرة يكول اصلع ومرة ما اعرف شنو
هسة انت خليك الحكم
واحكم بالعدل عمي
صح انا مزوج مرتين بس اكبر اطفالي عمره 11 سنه واللي هو مصطفى الله يحفظكم

اوكي
زين ابوخالد عنده حفيد الله ينطيه طولت العمر من هنا وقيس انت اقسم واجمع وشوف منو الاكبر على فكرة مصطفى من زوجتي الاولى حتى لايصير لخبطة بالحساب ههههههههه

ابو خالد تحياتي اخوي الكبير والكبير الله
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
وهاي وحدة اخرى لعريان

لاتجينه لا تجينه



جان كلت : ابو حبه الأبيض 000

غير معشركم لكينه

جينه مشتاكين 000
وبلهفه 000

او تسد بابك علينه

جينه يدفعنه الهوى 00 اودمعاتنه اتكطر بدينه

او جنت اظن عندك وفه 000

او روحيته 000

من فرد طينه
غمكت جرح الجفه 000

او زدت 000

الكلب ونه لونينه

اعتب اعله الروح 00 جي لنها اعله ريحتكم حنينه

واعتب اعله الشوك 000 والعشرة اوسوالفها الحزينه

علمتني اشلون يتبره 000

الخوي 000

او حمل اليكع محد يعينه

عفيه صحبة هالوكت 000

بيها اليجافي 000

اشوكح عينه 00 !!

اولا تجينه 00!!

- ما اجيكم 000

واليدك بابك 0 بعد تنشل يمينه

اوجينه 000

مدري الجدم زل بينه اعله دربك 000

لوعمينه

اوجيت ارد روحي 000

البكت سنتين 000

بديارك رهينه

او جني ضيف !000

اوعادة الينضاف 000

للخطار 000
يرخص ماي عينه

وانته 000
ماجنك ربيت ابماينه 000

او شارب حنانه

وانكرت حتى العرف 000

يوم الوكت 000

بيدك رمانه

عفيه كلبك هلبت ابساعة 000


وفيه 000

وبالك طرانه

اوجينه نشجيلك 000

عذاب اجروحنه 00

او لوعة هوانه

آخ 00 يا دمعك فلا يبطل 000

يهل 000

لمن عمانه

ياعفه اكلوب التشيل 000

الظيم 000

وشنحمل عفانه

اوحتى اعز الناس من طحنه 000

ابهظم 000

جاروا علينه
اومن وصيلنه لدارهم كالوا :

- اشجابك ؟000

لاتجينه 00!

عفيه صحبه هالوكت 000

بيها التجافي 000

اشوكح !00

عينه‬
 

 

لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.