توضيح بالنسبة لمرحله ما بعد فتره المساعدات 8 اشهر. والضمان الصحي بامريكا... صورة غير واضحة

[Dollar]

سوالي حول العائلة او الشخص الي يوصل الى امريكا وكلهم اقل من عمر التقاعد . يعني شباب.... السوال ما بعد ما تخلص ال 8 اشهر مال المساعدات بكل انواعها...

انكول بعد سنتين... مثلا زوجته حامل ويحتاج مراجعه الاطباء و اجور المستشفى و العمليه ..الخ او لا سامح الله اتمرض ولازم يسوي عمليه جراحيه ما...او اتمرض و راح للدكتور و نطاه ادويه و كورسات حبوب و ابر و ادويه...الخ.

في حال انو عنده ضمان صحي.

- هاي المصاريف كله منو يتحمله؟ يعني اذا الادويه كلفت مثلا 300 دولار...او العمليه اتكلف 20 اف دولار او اقل او اكثر.؟؟؟؟؟

اشو الصورة مو واضحه عدنه احنه الي بعدنه ما جايين لامريكا.

تحيياتي

[angie-dawood]

كلها الحكومة اخي على التامين الصحي في حالت زوجتك حامل يستمر التامين الصحي الها حتى بعد انتهاء فترة المساعدات وكل المصاريف يشملها الضمان الصحي وحتى لا سامح الله الولادة كانت قيصرية هي تكلف هنا 15 الف دولار لكن للي عدهم التامين مايدفعون كلشي

[Dollar]

اشكرج اخت انجي.

بس شنو الدوخني... حجيت ويه صديق اليه بامريكا كال انو زوجته صارها اسبوع مريضه و المصاريف بوري من هذا التمام..كلي بس الادويه كلف 350 دولار .... كتله مو عدكم ضمان..كلي اي الضمان ما يدفعون بس 50 بالميه من المبلغ الكلي... و كال عنده كرايب راح يسوي عمليه و عنده ضمان همينه و العمليه اتكلف 40 الف دولار كال نصه 20 الف هو يتحمله و نص الثاني الضمان............. فاني دخت بصراحه

[angie-dawood]

اخي هو وين باي ولاية

اني احجيلك عن  عائلة بصف بيتنا ابنهم اجه لامريكا يوم 16 بشهر السادس زوجتة جانت حامل وجابت هنا بعملية قيصرية وطفلها جان اجه للدنيا وعنده مشكلة صحية كالوا لازم يبقى بالمستشفى شهر بقوا  كلها المصاريف والادوية على حساب التامين ولا دفعوا درهم مااعرف اي نوع  النظام الصحي يمهم بس الي اعرفه انوا بعد انتهاء مدة المساعدات اذا يستمر التامين الصحي يتغير  غير نوعية ما يكون نفسه الي ياخذه الاجي بعد وصوله  صح النوع الاخر تدفع نسبة 40 او 30 بالمئه من جيبك بس مو للحوامل ينطوه ينطوه مثل عازب او عائلة راتبها ما يساعد تشتري تامين صحي غير الحكومي الهم ينطون هاي الانواع من كارت التامين يجوز هو من هذا النوع عنده اسال اخي اكيد يطلع نفس النوع

[ARMY STRONG]

الله يديمك يارخص

[Dollar]

اشكرج اخت انجي.

هو هذا مقصد الحجي...يعني واحد من يجي لامريكا ..انكول بعد سنتين ( اذا واجه اي مرض سواء كان بسيط ام يحتاج عمليه فبالرغم من الضمان الصحي يغطي مثلا فد 60 بالميه من المصاريف فهو لازم يدفع ال 40 بالميه من مصاريف العلاج من جيبه) .... يعني اذا علاج ويه الادويه كلف 10 الاف دولار . فهو راح يدفع فد 4 الاف دولار من جيبه.

زين الماعنده هالمبلغ شلون؟ يديح؟ هاي مو خوش سالفه مجان بالحسبان...اني عبالي التامين الصحي يتكفل بكل المصاريف.

[vaio]

اخي صاحب الموضوع  حسب معلوماتي  شركات الـتامين الصحي  مختلفة وتقدم خدمات مختلفة  حسب ما انت تريد وكل خدمة لها رسوم محددة تدفعها سنويا او شهريا .

يعني اكو تامين تدفع بيه رسوم بسيطة  ممكن يغطيلك اكثر من نصف تكلفة العلاج واكو  تأمين اخر ممكن يغطيلك 80% من تكلفة العلاج  وهذا طبعا رسومه تكون اكثر  واكو تأمين  يغطي 100% من تكلفة العلاج وطبعا رسومه السنوية بعد اكثر . بس انتة شلون ما تحسبها  يكون الي مسوي تأمين  احسن من الي ما مسوي تأمين ويدفع التكلفة الحقيقة للعلاج .

طبعا الاختلاف مو بس  بنسبة التغطية للكلفة لا وايضا تختلف  بنوع العلاج  يعني اكو تأمين  يشمل الاسنان واكو ما يشمل واكو يشمل العيون واكو ما يشمل واكو يشمل الحمل واكو ما يشمل واكو يشمل الامراض المزمنة  واكو ما يشمل .

ومو بس هاي اخي  اكو تأمين يشتغل فقط في الولاية واكو فقط في الولايات المتحدة واكو تامين  عالمي بأي دولة تروح تكدر تستفيد منه .

هاي معلوماتي المتواضعة  بهذا الموضوع . 
ربنا  ان شاء الله يسلم الجميع وما يحوجهم الى طبيب .

اخوكم فايــــــــــو

[ســـرى]

اخي دولار كلام الاخ فايو سليم ومضبوط

اما بالنسبة لما بعد ال8 اشهر فراح توصلكم رسالة للبيت لغرض مقابلة بدائرة الخدمات الاجتماعية تقابلون وسشوفون مدخولكم شكد وطبعا اذا بعدكم من ذوب الدخل المحدود يستمر التأمين لمدة سنة وهكذا بين فترة واخرى يجدد حسب الدخل الكلي للعائلة وعدد الافراد اما الاعزب فتنقطع عنه بعد ال8 اشهر


نجي للحامل ومصاريفها هاي عالتأمين فلا تقلق

[ديفيد بغداد]

اخوان و القانون الجديد للتامين الي اقرة الكونغرس اسصار منة و هل اغطي كامل لو هم نسبة معينة

[ســـرى]

اخوان و القانون الجديد للتامين الي اقرة الكونغرس اسصار منة و هل اغطي كامل لو هم نسبة معينة

بعده اوباما ديجالش بيه والجمهوريين يريدون يسقطون المشروع.....

[snoopy]

اخوان بعد الثمانية اشهر يتجدد المدكيد للاطفال و للمراة الحامل اما اذا اشتغل رب العائلة فل تايم ينقطع التامين الصحي انا هذا الي صار وياي و اخذت تامين من امكان الي اشتغل بيه بس نهيبة فلوس و اذا صارت عندك حالة صحية يطلعولك مليون بلتيقة حتى ما يدفعولك و اذا رادو يدفعون يدفعون 60 بالمية
كمثال زوجتي شالت المرارة بعملية رفع مرارة تكاليف العملية صارت 25 الف دولار هههه لا تتعجبون صدك و التامين ما راح يدفعلي لانه هستوني اشتركت وياهم لازم على الاقل فد سنة ادفعلهم يله يصير عندي رصيد يله يدفعولي 60 بالمية و انت قيس
و ازيدك من الشعر بيت اذا ما دفعت الي عليك الكردت ينضرب بالضافة الى انه شكو تاكس رترن يرجعلك ياخذونه منك مباشرة الى ان تسدد الي عليك يعني سالفة مطينة بطين
امريكا ام الدنيا

[willpower]

لعد الشخص الي عايش على التقاعد لاسباب صحيه او عوق او اي سبب اخر . هذا يستلم بالشهر 700 دولار وكسور ما ادري اشكد . زين هذا اذ اتمرض و راد يتعالج و علاجه يكلف او راد يسوي فد عمليه و اتكلف 20 الف دولار.... 40نسبة  بالميه هو يدفعه مقروض. يعني 8 الاف دولار.   هذا منين راح يجيبه اذا هو راتبه 700 ؟؟؟؟؟؟ زين على هذا الغله النار والماعنده اهناك شلون ؟ يعوفو يموت او ما يتعالج؟ يعني ماكو مستشفيات او مستوصف حكومي وعلاجه باجور رمزيه... يعني مثل مستشفى العلويه    هههههههههههههههههههههه.

   

[angie-dawood]

لا willpower   المتقاعد كلشي ما يدفع حتى لو كلفت العملية مليون دولار ولا فلس ما يدفع  كلها على التامين

[مغترب بلا وطن]

لعد شعبالكم  هذولة وحوش التامين الصحي وعلا راسهم عملاق التامين كايسر الي تمص دم الامريكيين كلهم مو بس المهاجرين الجدد وهية الي دتضغط علا الجمهوريين حتى ما يقرون مشروع اوباما لان يأثر سلبا علا ارباح الشركة. والله يطيح حظ الجمهوريين الي دمروا العراق وامريكا سوية.