الى العراقين في سوريا,,سوال من فضلكم

[DarKnight]

انا عراقي مقيم في سوريا,,اريد اروح سفرة الى لبنان شلون اقدم واحصل visa من سوريا
واذا اريد اروح الى الاردن فكيف تقديم و الحصول على visa من سوريا
شكرا مقدما

[العزاوي 55]

حبيبي اي مكتب نقليات تروحله راح يحجيلك بالتفصيل واتصور لبنان بالحدود البنانيه تدفع 20 دولار الاردن ما اعرف المهم اي شي تريد تستفسر روح للنقليات بالسيده بجرمانا بالقدسيه بالمساكن وين ما تكون ساكن

[زهرة الصبار]

حبيبي اي مكتب نقليات تروحله راح يحجيلك بالتفصيل واتصور لبنان بالحدود البنانيه تدفع 20 دولار الاردن ما اعرف المهم اي شي تريد تستفسر روح للنقليات بالسيده بجرمانا بالقدسيه بالمساكن وين ما تكون ساكن

اخي فينزة ماكولا لبنان ولا اردن مينطون
بس اكو رحلات سياحيه الى لبنان ام ال 3 ايام او 5ايام يعني جماعيه هاي ممكن تروح وياهم وترجع وياهم يعني متكدر تبقى وحدك اما اردن فماكو ابد الا اذا تقدم من العراق بتقريرطبي وتحصل فيزة مناك

[العزاوي 55]

عيني زهرة الصبار شلونج
هو الاخ يريد يروح سفره للبنان وكتله تروح لاي مكتب نقليات بسورية اما الارن ما اعرف تحياتي

[زيد الصقر]

اخي العزيز من سوريا اكو بدمشق بالبحصه مكاتب اربعه او خمسه جوه الجسر كلهه يسوون رحلات للبنان لمدة اربع ايام وثلاث ليالي بس الباسبورت يبقى يمهم يعني متكدر مثلا تراجع سفاره او تبقى بلبنان بشكل غير قانوني لانه الدخول يكون بوصل مثبت بي اسماء كل المسافرين  والخروج نفس الشي  التكاليف تقريبا ميه وخمسين دولار مع وجبة افطار وعشاء  وتدفع بالدخول اظن عشرين دولار للبنان وخمسين دولار للحدود السوريه عند العوده اما الاردن فلازم دعوة من الاردن وشغلتهه صعبه شويه من سوريا تحياتي

[فاعل الخير]

تحية طيبة :
  أذا عندك أقامة سنوية أم الكارت ( بطاقة أقامة مؤقتة ) يمكنك الذهاب الى السفارة اللبنانية في منطقة المزة - فيلات غربية وتأخذ أستمارة طلب الفيزا وتقدمها مع المستمسكات المطلوبة وما يوم ألى أسبوع تطلع الفيزا وتسافر بيها برا الى لبنان ... أما المكاتب اللي ديحجون عنها الأخوان فهاي تروح ضمن كروب سياحي لمدة يومان أو ثلاثة أيام أي ثلاث ليالي أو أربع ليالي بس بيها يبقى جوازك في الحدود اللبنانية ومن ترجع الدليل السياحي يرجعلك الجواز على الحدود ....
 أرجو أن تكون الصورة قد توضحت لك وللعلم صديقي راح بأسلوب التقديم المباشر للسفارة وحصل فيزا هو وعائلته لمدة ثلاثة أشهر بس هو بقى عشر أيام و رجع .
.......... مع التحيات ....
أخوكـــم ............ فاعــــــــــــــل الخيــــــــــــــــر ...............