اذا امكن تفسير سبب تأخير الفيزه في siv

[slim1]

السلام عليكم

اتمنى من الكل التعليق على الموضوع بشكل مفيد حته نفتهم شنو السبب وره تأخير الفيزه
ناس اتكول ماكو موظفيين كفايه في السفاره و ناس اتكول تجييك امني وناس اتكول العدد قبط عدهم لسنة 2011
ووووووو اسباب مختلفه بس معرفنه شنو السبب الحقيقي لانه كل هاي الاسباب غير معقوله
زين السفاره اذا تعرف الفيزه لح تتأخر ليش متصير صريحه ويه العالم وتكول يابه ماكو فيزه هاي السنه انتظر في السنه الفادمه أو اكثر ليش الى حد الان كل من يقابل يكولوله من 3اشهر الى 6 ولله مدا افتهم شنو الفلم
اتمنى اذا اكو أي خبر جديد أو سبب افيدونا به
مقابلتي جانت في 13-6 2010 وكو ناس تستلم الفيزه في شهر وعالم صار اكثر من سنه وماكو شي
اكيد الله اله بيها حكمه
مع تمنياتي للجميع بالتوفيق
 

[ARMY STRONG]

يكلك شركه كانون مغليه سعر الحبر مال طابعات ف لهذا التاخير ده يصير

[slim1]

زين مترهم يستخدمون HP لو ميصير
ادري همه ميعرفون المترجم اكثر واحد مهدد و متضرر في العراق العظيم

[steve101st]

تحياتي للجميع اخويه الغالي اني مقيم بالسويد وقدمت على الاس اي في وقابلت يوم 25-1-2011 كالو اليه شهر واحد ولحد الان ماكو شي فأنت لا تحكم على السفاره لانه مو بديها الشغله بيد دائره الله اعلم منو وذوله اعلى من السفاره لانه اني قبل اسبوعين دزيت الهم اميل استفسرت على الفيزا كالو انتظر بعد وكالو احنه منعرف شكد اطول السالفه لانه بعد تحت المراجعه الادرايه المهم حبي جيب واخذ عتابه >

[slim1]

مشكور اخويه ستيف
بس ادري السفاره غير اتسوي تنسيق ويه الدائره المسؤله على تصريحات الفيز مهما كانت الدائره الفلانيه احسن ميخلون العالم بس تنتظر على كل حال اشكرك اخويه ونشاله التوفيق للجميع

[مغترب بلا وطن]

 

[slim1]

مشكور اخويه على هاي الاضافه
بس اكول مرت لخ اذا كانت اي دائرة حكوميه في امريكا المفروض يكون تنسيق بينهم وبين السفاره و اذا المشكله يم اي دائرة department of homeland security and department of state background  بمعنى هي الي لازم تطي الموافقه قبل اصدار الفيزه
ميخالف اجي وياك  على عيني وراسي بس كلي شنو هذا التجيك الي ديسووه يعني غير اكو لسته مالت اسامي وجيكون وعتقد ميطول هذا التجيك ثواني واذا اكو تشابه اسماء ايضا ميطول اهوايه يكدروون يرجعون على معلومات اخرى مثل اسم الام وغير
اقصد من هذا كله مستحيل اكو تجيك يطول 9 اشهر او اكثر
المبرر الوحيد الي اكدر افتهمه اني انه العدد عدهم صار كلش اهوايه وحنه يشدولنه مغذيات بس المفروض يبلغون الشخص من البدايه
طبعا هذا الكلام غير موجه الك اخويه مغترب بس تدري الواحد يريد يحجي ويفرغ الي ابداخله لانه شي مو معقول هذا التأخير واخيرا
اكول كل تأخيره بيها خيره
والتوفيق الى جميع العراقيين يارب 

[big_ez]

حبي سلومي الورد شلونك الاهل شلونهم عساك بخير حبي انت تعرف المقبلات نوعين والفيزا نوعين جماعة الموطا وهاي عا السريع وجما عة البدون موطا وهاي الي ع البطيء حبي لا اتشيل هم عادي بس اني سمعت انه الاجرائات اتغيرت شوية عموما ربي ايوفقك ولا اتفكر ولو مو بيدك وحقك بس ما راح اتقدم ولا اتاخر سلام للاهل وبوسلي ابنك

[slim1]

اشلونك خوه شخبارك لك ولله مشتاقلك كلش اهوايه  اشلون الاهل ان شاء الله مرتاحين جهالك اشلونهم
ولله محد يضحكني غيرك وحجيك دائما صحيح تيسي طلع خلال 30 يوم ورامي هم نفس الشي 29 يوم ف اني اعتقد الشغل شغلة من يذب لو اكثر و انت هم بشرني اشدسوي اشمدسوي وين ما وين

[ivan ali]

حبي اخوية سلومي اني وياك وسام بالهوى سوى الله كريم المشكلة الحالية احنه ماعدنه غير الانتظار لان منعرف شراح يكون مصيرنا  وهم نرجع ونكول حظ ماكو لان اكو غيرنا وانت تعرفهم زين حظهم شلون كاعد واحد حشاك كذاب والثاني الله العالم وما خفيه كان اعظم الله كريم ها بالمناسبة نسيت اهنيك انت كملت التسع اشهر  واني بعدلي 5 ايام الله يسهله عليه ونجيب قبل العاشر  وبالتوفيق للجميع

[مغترب بلا وطن]

مشكور اخويه على هاي الاضافه
بس اكول مرت لخ اذا كانت اي دائرة حكوميه في امريكا المفروض يكون تنسيق بينهم وبين السفاره و اذا المشكله يم اي دائرة department of homeland security and department of state background  بمعنى هي الي لازم تطي الموافقه قبل اصدار الفيزه
ميخالف اجي وياك  على عيني وراسي بس كلي شنو هذا التجيك الي ديسووه يعني غير اكو لسته مالت اسامي وجيكون وعتقد ميطول هذا التجيك ثواني واذا اكو تشابه اسماء ايضا ميطول اهوايه يكدروون يرجعون على معلومات اخرى مثل اسم الام وغير
اقصد من هذا كله مستحيل اكو تجيك يطول 9 اشهر او اكثر
المبرر الوحيد الي اكدر افتهمه اني انه العدد عدهم صار كلش اهوايه وحنه يشدولنه مغذيات بس المفروض يبلغون الشخص من البدايه
طبعا هذا الكلام غير موجه الك اخويه مغترب بس تدري الواحد يريد يحجي ويفرغ الي ابداخله لانه شي مو معقول هذا التأخير واخيرا
اكول كل تأخيره بيها خيره
والتوفيق الى جميع العراقيين يارب 

هاي بعد شتسوي امرنا لله واذا شغلتك يم الجلب سميه حجي جليب 

[slim1]

هههههههههههه الله كريم

[slim1]

تسلم اخوي ايفن ان شاء الله يارب تسهل على الجميع

[steveo]

هلة الجماعة كلهة هنا هههههههههههههههههههه
 هلو سلم اشلونك شخبارك ان شاء الله تجي الفيزا .

[slim1]

تسلم خوه ان شاء الله يوم الي الك وتفرح

[blood_brothers8]

Dear Sir or Madam,
 
At this time, your case is in additional administrative processing, which we must conclude before we can decide to issue your visa.
 
Unfortunately, because of the different circumstances that are involved in each case, we cannot estimate how long this processing stage will take.  However, we will work towards completing our processing of your case as soon as possible, in accordance with U.S. laws and regulations.
 
We will contact you as soon as we have finished this stage.  Until then, we appreciate your patience.
 
Sincerely,
 

[slim1]

مشكور اخويه دم

ولله ادري اخويه والكل يدري يعني اي واحد لح يدس رسالة للسفارة عن استفسار سبب التأخير لح تجيك نفس هاي الرساله
بس الواحد من يفكر بعقله يكول ماكو هيج تأخير لاي سبب كان لانه الواحد تلقائيا هوه امقدم صاره فتره من الجيف اوف مشن الى المقابله جانوه يشتغلون بأوراقك وبعدين هسه سنه كامله ادري شيسون يعني يخمروها اي هسه لو امجيكين الواحد ويه كل دول العالم امنيا هم جان كملوه
خوه اني اعتقد ان الموضوع كله مسألت حظ أو سبب اخر الله اعلم
مشكور اخويه على الاضافه المفيده و بالتوفيق ان شاء الله
ملاحظه مهمه الى الاخوان
معنى كلمة
                             patience = مغذي ابو 2 لتر