مطلوب جواب من اهل الخبرة

[عراقي1000]

اخوان السلام عليكم
عندي سؤال راجي التفظل بالاجابة
توجد عائلة عراقية مقدمة على الاي او ام - عمان والربط بين افراد الاسرة كان ربط قوي وهسة يردون يسو ربط ضعيف
السؤال شكد يتاخر هذا الربط وياثر على المعاملة من حيث التاخير والسرعة

والسؤال الاخر احد ابناء الاسرة ما زال ملفه في المفوضية رغم انه انهى مقابلة التوطين قبل شهور
ماذا يفعل لكي ينتقل ملفه الى الاي او ام ويلتحق بافراد اسرته

شكرا لكم

[بغداد بقلبي]

اخي بالنسبه لعمل الربط ضعيف هو ايفيد بشيء واحد وهو انه لمن تكمل الامنيه مال واحد منهم ايسافر والبقيه ينتظرون ولكن ليس له دخل بسرعه انجاز الموافقه الامنيه

اما بالنسبه للفرد الي من نفس العائله واتوطن وملفه ما وصل للهجره فهاي السالفه تاخذ وقت مرات بسبب اللود الي بالمفوضيه او بالهجره

احسن شيء يتصل بالهجرة ويسالهم هل ملفه وصل يمهم وهمه ايجاوبوه وطبعا ياخذون رقم ملفه باليو ان وايجيكون وينطوه رد وبالموفقيه للكل

[ريحـــانه]

اخ عراقي

مثل ما اتفضل الاخ بغداد بقلبي مجدر يكولون نريد نسوي الربط ضعيف و ما بيها اي اجراءات و لا معامله و لا شي و بهيج حاله اول ما واحد توصل امنيته و يحددوله موعد سفر يسافر و ما اله علاقه بالبقيه

بالنسبه للي ملفه باليو ان بعده هاي كلشي ميكدر يسوي غير المناشدات يعني ما باليد حيله مثل ميكولون

انشاء الله الجميع موفقين

[hamada2]

تغير الربط من الضعيف الى القوي او العكس ايضا يتراوح مابين 6 - 8 اسابيع

اما بخصوص احد افراد العائلة اكيد العائلة الي انهت مقابلات الهجرة ذاكرين اسمة واكيد هوة هم ذاكر للمفوضية انه اهلة

اكملوا اجراءاتهم بدائرة الهجرة , بقة شغلة وحدة انتة تكلمت انه اكمل مقابلة التوطين ؟ ( هل فعلا تم توطينه ووقع على اوراق في المفوضية ) ؟ ام فقط قابل التوطين وحكولة روح واحنة نتصل بيك ؟