اخوية ابو السويد والله تيهت اسمك وين اعذرني ردت اسوي اقتباس لكلامك بس ما اندليته وينه , على العموم اجاوبك
بين الدول الاسكندنافية وهية , الدنمارك والسويد والنرويج وايسلندا , طبعا ايسلندا مو من ضمن الدول الاسكندنافية بس النرويجيين اشتروا البنوك مالتها وكل مؤسساتها بعد ان اعلن البلد افلاسه التام بعد الازمة الاقتصادية ف صارت تنطبق عليه قوانين الدول الاسكندنافية لانه البلد كله صار ملك للنرويج , المهم , هذولة بينهم اتفاقية اسمها تحالف دول الشمال ,وتنص على انو مواطن اي بلد بيها يكدر يعيش باي بلد ثاني من ضمن هاي الدول وميحتاج لا تصاريح عمل ولا موافقات ولا غيرها.
اما اذا راد مواطن دولة اسكندنافية يعيش في دولة اوربية ثانية او العكس ف هاي يحتاج المواطن بيها الى تصريح عمل دائم من الدولة الي يقيم بيها , وهاي سهلة بمجرد ان يحصل عمل في بريطانيا يقوم رب العمل البريطاني بعمل كتاب للشرطة يوضح بيه احتياجه للشخص المعني ف ينطوه تصريح عمل يكدر من خلاله يعيش بسهولة.
او ان يفتح محل او شغل خاص بيه ممكن يحصل بيه تصريح العمل المطلوب.
اما اذا راد يشيل جوالاته ويعيش في بريطانيا ف محد يحجي وياه ولا احد يكله ليش ووين وشدتسوي بس المشكلة منين يجيب فلوس حتى يعيش؟؟؟ لان مراح يكدر يدخل ضمن برامج الاعانه البريطانية لكونه مواطن من غير بلد.
وبالسنوات الاخيرة اكو هجرة عكسية تصير بالمئات او بالالاف للمهاجرين الي بالدول الاسكندنافية الى بريطانيا ومن ضمنهم العراقيين المجنسين والباكستانيين النرويجيين همة من رواد هاي الهجرة العكسية لان بطبيعة الحال وكما هو معروف انو هاي البلدان هية تعتبر طاردة للسكان نتيجه تعاسة جوها ورتابه وبطئ الحياة الي بيها.
تحياتي
