جماعة عمان اهل الغيرة أنخاكم نخوة عربية ... ساعدوني بخبرتكم الله يسهل امركم

[صحفي عراقي]

السلام عليكم ...
إخواني وخواتي بعمان ... إن شاء الله تكونون بخير وصحة طيبة ...
أخوتي الأكارم آني صارلي بسوريا سنتين خلال هاي الفترة طلعتلي فنلندا وحصلت رفض من عدهة ...
مع العلم فايلي قوي بكل ما تحمله الكلمة من معنى ومع كل هذا تم رفضي من فنلندا ...
تدرون لازم هسة ابدي من جدة وجديد وما ادري شوكت اتحول ... آني بصراحة كاعد هنا لا شغلة ولاعملة ... وبعمان اكدر احصل فرصة عمل بمكاتب إحدى القنوات الفضائية ... السؤال هو :
1- هل تنصحوني أترك ملفي بسوريا واجي لعمان وابدي من جدة وجديد وشنو رأيكم اطول الشغلة لو مطول ( يعني بعد سنة من التسجيل وعلى هالملف يبين شي لو لا ) .
2- في حال جيت لعمان وكلولي صارلك سنتين بسوريا فتحت ملف يمهم ؟؟؟ اكلهم اي فتحت ملف هناك لو لا .

أترجاكم لا تبخلون علية بالجواب ... محتاج عونتكم اهل الغيرة

[ــــ{{{ABADY}}}ـــــ]

بعد التحيه زميلى الصحفى

صحيح  صارلى 3 ايام ماداخل ومو ناوى ادخل بس شفت موضوعك ان يستحق ادخل واجاوبك....والباقى على الله


اخى رحمه الله على الوالد ........اولا



اخى انا برايى عمان احسن من سوريا.........لماذا

فرصه العمل متوفره عندك وجاهزه هنا اما سوريا ما اعتقد......


عمان قضيه اللجوء اسرع من سوريا بكثير وخصوصا انت عندك كل الاثباتات اللى ذكرتها ((اثباتات قويه))



اذا الله راد انت امورك فى السليم وشغلتك ماراح تتطول بحدود السنه وبكل الحالات احسن من سوريا 2 سنه وماكو شى


وتقدر تنقل ملفك من سوريا لعمان



فى النهايه......لك كل الموفقيه واللى فى خير يقدمه ربنا

[صحفي عراقي]

أشكرك حبيبي عبادي على سرعة جوابك ... بس آني ملفي ممتحول IOM ... فكلولي متكدر تحول ... لأن فنلندا تختلف عن أمريكا يعني احنة قابلنة توطين والوفد واستلمنة النتيجة كلهة عن طريق الun  .... فبصراحة ما اتوقع اكدر احول ملفي ... لكن إذا اريد اختصر هذا الطريق كلة وافتح ملف من جديد بعمان بدون الإشارة إلى الملف السابق ... ترهم لو لا ؟؟؟؟

[غزوان الاعظمي]

 السلام عليكم

طبعا اخويه عبادي ما قصر كلشي فهمك بس احب اضيف انو صديقي اجا من سوريا و قدم على اليو ان من جديد كللهم انو هوه مقدم بسوريا و حسبوله الفتره مال سوريا


تحياتي


غزوان الاعظمي عمان \ الاردن

[ــــ{{{ABADY}}}ـــــ]

زميلى الصحفى اخ غزوان اعطاك الاجابه....بس تعقيب على كلام الاخ غزوان ((الفتره ))او المده الزمنيه ما لها علاقه بالقضيه فى ناس اشهر وناس سنوات.......هى الشغله على سرعه الاجراءات وانا اشوف عمان اسرع من سوريا



وخليهم يعلمو على تقديمك اللى بسوريا ما فى اى ضرر

[صحفي عراقي]

والله إخواني ما اعرف شلون اشكركم على سرعة أجابتكم ودعواتكم الطيبة ... أشكركم شكر جزيل ...
بس بلة زحمة عليكم ....
بالنسبة لجيتي لعمان أكيد من سوريا صعبة لأن جربت قبل من السفارة الأردنية بسوريا وشلعوا كلبي ... فاكيد لازم أروح للعراق ... فالسؤال ... منين أقدم من العراق ؟؟؟ وأشكد برايكم اطول الشغلة يالله تطلعلي الموافقة ... ؟؟؟
والشغلة الثانية بيا مكان تنصحوني اسكن بعمان واشكد الإيجارات طبعاً اول شهرين أكيد راح اكعد مؤثث بعدين راح أكعد فارغ وأثثة على كيفي ...

شاكر الكم فضلكم يا طيبين والله يسهل امرنة وامركم

[/b]

[angie-dawood]

اخي صحفي اقراه هذا الموضوع للاخوة الاعضاء كاتبين شون قدموا فيزا من بغداد الى عمان انشاءلله تفيدك تجاربهم
ربي يوفقك


http://www.ankawa.com/forum/index.php/topic,478045.0.html

[صحفي عراقي]

أشكركج اختي آنجي ... انت وردة ومليانة طيب ... أشكركم إخواني ... والله يسهل امركم

[فـلـونـا]

اخي بالنسبة لمناطق السكن بعمان فتتوقف حسب امكانيتك
مناطق عمان الغربية اغلى بكثير من الشرقية
لكن ممكن ان تسكن في الجاردنز اني برأيي هية من افضل المناطق ولو اني مساكنة بيها
لان ايجاراتها مناسبة وهي منطقة نظيفة ومرتبة جدا ومتوفرة فيها كل الخدمات والاسواق كلشي قريب منك يعني متحتاج للكثير من المواصلات
وهي تعتبر بالوسط يعني قريبة من كل المناطق الاخرى

تحياتي وامنياتي بالتوفيق

[ــــ{{{ABADY}}}ـــــ]

اخى عندك الملكيه الاردنيه ....وعندك شركه جت


والشغله ما تطول اسبوع



الايجارات .....عمان الشرقيه من 150 وفوق....وعمان الغربيه من200 وفوق


الله يسهل امرك

[شيري روم]

السلام عليكم اخونا ...طبعا اني متابعه قضيتك من البدايه ..والله يكون بعونك يا اخي ...

وبالنسبه لكلام الاخوان فاني وياهم اكيد عمان افضل من سوريا ..

وبخصوص طريقة لحصولك الفيزا باسرع وقت فأكيد من مكتب الملكية بفندق فلسطين صدك اني قدمت يوم اثنين وبس كتبت بالاستمارة علاج لا اكثر ووره 5 أيام اتصلوا عليه وخبروني بحصولي ع الفيزا ..

وانت بعد بقت يمك اذا تريد تقدم ع الجت ..

والله يوفقك ان شاء الله

[muter30]

السلام عليكم  جميعا بالنسبه للموضوع الاخ صحفي العراقي  انا نفس قصتك  انا كنت بسوريا قبل 3 اشهر شفت سوريا تتاخر  راسن فكرت اجي الى عمان اول شي  اذا جيت عمان  انشاء الله راح من اتقدم على UN راح يسئلوك انته مقدم على قبل راح ادكوله اي بسوريا راح يكولولك راح نتصل بيهم  نسد ملفك اهناك  هذا الي صار معي الان بالاردن   اذا اتريد تجي عمان  لا اتروح للعراق سوي  مثلي  انا  بسوريا عانيت من شغلة الفيزه بس اسهل طريقه  انته بسوريا سويه  اي واحد عندك بغداد  يروح على شركة الطيران الملكيه الاردنيه الي فندق فلسطين  يقدملك على فيزه علاج  ياخذ ويا  جوازك مصور يملي استماره ينطي  الهم 120 دولار تامينات  اذا طلعت الموافقه  تقطع منها 20 دولار وتبقى 100دولار تنضاف الى تكت الطائره الطائره سعره 360 ذهاب وعوده حصرا على الملكيه الاردنيه  اول ماتطلع الموافقه راح يخابرون الشخص الي مشى امورك في بغداد  يروح يدفع 260 دولار مال التكت يسحب الاوراق  يدزه الك الى سوريا عن طريق الاميل  للعلم انته اتحدد موعد سفرك راسن اول متسحب الاوراق  راسن باي لحظه اتسافر ولا اتفكر ترجع للعراق  انته بسوريا سافر انا هيجي سويت  اي شي استفسار اني حاظر اذا ماعندك احد بغداد اني حاظر اكلف اقربائي يمشون بيه الك ودلل ولا اتشيل هم احنه اخوتك

[بغداد بقلبي]

اخي صحفي اتمنالك الموفقيه وافضل فكرة على الاطلاق مال الاردن اتوكل على الله وماشاء الله على اخلاق اخواني الافاضل والاخ muter30 الله ايبارك فيك يارب وايسهل امرك وامر كل الاخوه واخ صحفي اني كنت ساكن في الاردن لمدة 8 سنوات وطبعا من ناحية الراحه افضل بكتير من سوريا


بالموفقيه للكل

[aliz]

السلام عليكم ...
إخواني وخواتي بعمان ... إن شاء الله تكونون بخير وصحة طيبة ...
أخوتي الأكارم آني صارلي بسوريا سنتين خلال هاي الفترة طلعتلي فنلندا وحصلت رفض من عدهة ...
مع العلم فايلي قوي بكل ما تحمله الكلمة من معنى وعندي صور تعذيب ووثائق أصولية ووالدي تعرض للقتل من قبل المليشيات الطائفية ( رحمه الله ) ... وحالياً مصاب بكسور بالفقرات ولا زالت أثار التعذيب على جسدي وعندي وثائق أصولية كومة ... المهم مع كل هذا تم رفضي من فنلندا ...
تدرون لازم هسة ابدي من جدة وجديد وما ادري شوكت اتحول ... آني بصراحة كاعد هنا لا شغلة ولاعملة ... وبعمان اكدر احصل فرصة عمل بمكاتب إحدى القنوات الفضائية ... [color=maroon]السؤال هو :[/color]
1- هل تنصحوني أترك ملفي بسوريا واجي لعمان وابدي من جدة وجديد وشنو رأيكم اطول الشغلة لو مطول ( يعني بعد سنة من التسجيل وعلى هالملف يبين شي لو لا ) .
2- في حال جيت لعمان وكلولي صارلك سنتين بسوريا فتحت ملف يمهم ؟؟؟ اكلهم اي فتحت ملف هناك لو لا .

أترجاكم لا تبخلون علية بالجواب ... محتاج عونتكم اهل الغيرة

   


الاخ صحفي عراقي اني راي مثل الاخرين لا تنتظر سوريا وقدم من عمان  بالنسبه للاجارات حسب انت عائله لو بوحدك ؟ اذا بوحدك اول عشر ايام اكو شقق فندقيه رتب امورك وشوف السكن بعمان الشرقيه او الغربيه  وبمحافظة الزرقاء لا تبعد كثير اصور اقل من ساعه بالباص وارخص من عمان وانشاء الله الله يفتحه بوجهك ماعندك شي تخصره اذا اجيت وجربت الوضع هنا واي سؤال احنا حاضرين وانشاء الله الشباب مايقصرون وياك باي استفسار

[muter30]

مرحبا شباب بالنسبه الى مؤضوع الايجار لا اتشيل هم  بس نصيحه  اول شي لا اتروح على مكاتب الدلالين  لانهم  مراح يفيدوك بشي بس ياخذون منك عمولتهم الي هي 10 دنانير   لا ادكول الى ابو تكسي  اريد شقه لانه احتمال مو كلهم  راح يفر بيك اخر شي يكولك 20 دينار  انته كل شي مافتهم اول شي توصل بسلامه اهنا اتروح بوجهك للفندق  اتبلغنه حتى انساعدك اسهل طريقه شفته هي عن طريق جرايد الصحف الي هي  جريدة الوسيط  بيه كل الشقق الايجار  تختار بيكفك انته اتخابر عليهم شوف الي يناسبك حتى اتكون انته مترهي عليهم للعلم النظام اهنا مو مثل سوريا شهر بشهر  مو مال 3 اشهر مثل سوريا  الاكثر الكهرباء عليهم والماي  الاسعار  مختلفه اي استفسار اني حاظر

[بلا امل]

اخي اني اشوف تجي وتقدم من عمان عادي شغله طبيعيه وروتينيه وكللهم اني جنت ابسوريه وجنت امقدم بلكي الله ايسهلك امرك واخي حاول اتصلي صلاه استخاره وشوف ربك شيسهلك

[muter30]

ماشاء الله الربع كله كانوا بسوريا مثلي  تعالو قدموا منا افضل بهوايه اخوان

[ــــ{{{ABADY}}}ـــــ]

الصحفي المحترم........صار واضح الموضووووع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


قول يارب...............

[avalon]

الاخ صحفي عراقي المحترم.
السلام عليكم .

- للعلم ان ملفات اليو ان سواء في مصر او عمان او تركيا او دمشق هي واحدة لانها مركزية ومحفوظة في شبكة كوميوتر واحدة. يعني اذا انت رقم جوازك 123456 مثلا فعندما تأتي الى يو ان عمان بمجرد ما يتم ادخال رقم جوازك ستظهر لهم كل معلوماتك وتفاصيلها من يوم قدمت ولغاية اخر مقابلة او اخر اجراء تم على ملفك.

ومن تجي لعمان ماكو شي اسمه ابدي من جديد . راح تبدي من حيث انتهيت في سوريا.

الا في حالة تغيير جوازك فهذه بداية جديدة وقصة جديدة.

- اعتقد ان عمان من ناحية السكن والمعيشة أغلى من سوريا خاصة اذا كانت لديك عائلة.

مع خالص التمنيات بالتوفيق.

[صحفي عراقي]

السلام عليكم إخواني وخواتي ...
أشكركم جميعاً على تفاعلكم واخلاقكم الطيبة ودعواتكم الصادقة وهذا ان دل على شئ فيدل على طيب اصلكم وحسن اخلاقكم ...

أشكر كل اخ اطلع على الموضوع ونور الصفحة بردودة الطيبة ... وأشكر كل من قدملي النصيحة ...

السلام عليكم اخونا ...طبعا اني متابعه قضيتك من البدايه ..والله يكون بعونك يا اخي ...

وعليكم السلام اختي شيري روم شكراً على هذا الشعور الطيب ...

هسة عيني الله يحفظكم ولو ضوجتكم بس اتحملوني منا لما اطلع لبلد اللجوء ... 

أخوية muter30 اشكرك أبو الغيرة على عرضك وممنون منك ... بس كلي الشغلة اكيدة إن شاء الله حالياً حتى ابلغ أخوية يمشيلي بيهة من بغداد عالملكية الي بفندق فلسطين ... ومن تصير إن شاء الله أراجع مكتب الملكية الي بسوريا حتى ترتبلي إجراءات السفر مو  ... وبالنسبة لتذاكر السفر شكد ياخذون على ابني هو عمرة سنة ونص ...

وأخوية الورد avalon كلي يعني نفس الملف راح ينفتح بعمان ؟؟؟ لأن آني بصراحة اريد أضيف شغلات وأشيل شغلات ... لونفسة الملف يتحول لعمان ( كوبي بست ) ...

وحبيت أستفسر منكم عن الإقامة آني اعرف اول ما أدخل ينطوني شهر وبعدين امدد شهرين حسب حالتي وبعدهة يحسبولي تجاوز عن كل يوم دينار ونص ... زين في حالة مراجعتي للدوائر الرسمية او أستوقفوني جهة رسمية هل فعلاً يتم ترحيلي لعدم إمتلاكي الإقامة ... وبالمناسبة شنو هي شروط الإقامة بعمان ...

عذروني تعبتكم وياية بس والله العظيم آني وعائلتي ما عدنة غير الله ثم انتو

[ــــ{{{ABADY}}}ـــــ]

اخى شروط الاقامه 50 الف ....25 مسترده بس تطلع الاقامه و25 تظل وديعه تكدر تسحبها من تخلص او تسحب الاقامه




اما احد يعترضك اخى مافى واحد يقولك ثلث الثلاثه كم؟؟؟؟؟؟؟؟مادام انت عندك ورقه الحمايه وتمشى صحيح ما تبلش باى شى مخالف للانظمه والقوانين



الله يرحم الوالد برحمته

[الوالي]

سلام عليكم حبي اني نفس قصتك جنت عايش بسوريا وقدمت على اليوان وبقيت سنتين وماكو احد اتصل بية ولكن في 2/5/2009 جيت الى عمان وقدمت على اليوان من جدة وجديد وكتلهم جنت مقدم بسوريا وطيتهم ورقت الحماية مالتي مال سوريا وصارعندي ملف جديد بالاردن وطبعا طلعلي توطين بعد ثلاث اشهر وهسه قبل يومين قابلت بي اي او ام والحمد لله انشاء الله بعدلي مقابلة ثانية وبعدين محافين وان شاءالله ايسرللجميع بس عندي سوال شلون رح دتخل للاردن يعني منو رح يسويلك فيزا واذا تكدر تدخل للاردن فتعال اليوم كبل باجر ولاتتاخر ايشي تريداستفسر مني ولاضيع وقت     اخوكم الوااااااااااااااااااااااااااااااالي

[avalon]

أخوية العزيز ..
الملف كوبي وبيست لا اكثر ولا أقل.
وان شاء الله ربك يجيب الي بيه الخير.
الله يسهل علينا وعليك.

[aliz]

السلام عليكم إخواني وخواتي ...
أشكركم جميعاً على تفاعلكم واخلاقكم الطيبة ودعواتكم الصادقة وهذا ان دل على شئ فيدل على طيب اصلكم وحسن اخلاقكم ...

أشكر كل اخ اطلع على الموضوع ونور الصفحة بردودة الطيبة ... وأشكر كل من قدملي النصيحة ...

السلام عليكم اخونا ...طبعا اني متابعه قضيتك من البدايه ..والله يكون بعونك يا اخي ...

وعليكم السلام اختي شيري روم شكراً على هذا الشعور الطيب ...

هسة عيني الله يحفظكم ولو ضوجتكم بس اتحملوني منا لما اطلع لبلد اللجوء ... 

أخوية muter30 اشكرك أبو الغيرة على عرضك وممنون منك ... بس كلي الشغلة اكيدة إن شاء الله حالياً حتى ابلغ أخوية يمشيلي بيهة من بغداد عالملكية الي بفندق فلسطين ... ومن تصير إن شاء الله أراجع مكتب الملكية الي بسوريا حتى ترتبلي إجراءات السفر مو  ... وبالنسبة لتذاكر السفر شكد ياخذون على ابني هو عمرة سنة ونص ...

وأخوية الورد avalon كلي يعني نفس الملف راح ينفتح بعمان ؟؟؟ لأن آني بصراحة اريد أضيف شغلات وأشيل شغلات ... لونفسة الملف يتحول لعمان ( كوبي بست ) ...

وحبيت أستفسر منكم عن الإقامة آني اعرف اول ما أدخل ينطوني شهر وبعدين امدد شهرين حسب حالتي وبعدهة يحسبولي تجاوز عن كل يوم دينار ونص ... زين في حالة مراجعتي للدوائر الرسمية او أستوقفوني جهة رسمية هل فعلاً يتم ترحيلي لعدم إمتلاكي الإقامة ... وبالمناسبة شنو هي شروط الإقامة بعمان ...

عذروني تعبتكم وياية بس والله العظيم آني وعائلتي ما عدنة غير الله ثم انتو

الاخ الصحفي المحترم اولا حسب علمي الفتره بعد الشهر  ما اصور تنحسب الك غرامات لان قبل فتره ناس رجعو  وكانوا متاخرين شهر ما اخذو منهم غرامات ثانيا انت من تدخل ليش تطلع بعد ؟ ولعلمك اكو كثير عالم واناس دا تشتغل بس ماتبين عيني عينك  انا اشخصيا اعرف جماعه قبل ما يسافرون كانو يشتغلون بمكه مول الرجال ومرته فاتوكل على الله وانشاء الله تدبر بس انصحك لازم عند مبلغ يكفيك مال 3 اشهر الى ان تحصل عمل لان هنا الاجار والكهرباء والسولار والماء لازم تحسب حسابهم والباقي يهون

[مهاجرين بلا حدود]

اخي الكريم
باستطاعتك تعديل ملفك وكتابة الاحداث كما تريد وكما حدثت لابد انك نسيت احداث قبل سفرك وتستطيع اضافتها او الغائها
ملفك الجديد هو سيحدد وجودك واستحقاقك للتوطين احذر من الاخطاء السابقة وذكر التواريخ والقصة والتهديد .
انا قدمت في سوريا 2006 وحصلت على توطين ولكن تم رفض الملف بعد المحلفين لاخطاء خاصة بالملف
سافرت للعراق وبقيت اربعة اشهر وبالاخير اتيت الى عمان للتقديم من جديد وملفي القديم تم الغائه نهائي والموظفة المسؤولة مزقت الاوراق امامي .
يعني بداية  جديدة ومن الصفر والحمدالله على كل شي
ابومحمد
عماااااااااااانـــــــ

[صحفي عراقي]

السلام عليكم ... أشكركم يا طيبين وأشكر فضلم علية بعد فضل الله ...
آني بعد مشورتكم الطيبة راح أقدم عالخطوط الملكية الي ببغداد بس قبلهة أخلي أخوية يسألهم يصير أسافر من سوريا لو لا ... لأن بس بقت هاي الشغلة مدوختني بصراحة ... 
أشكركم شكر جزيل مرة ثانية ... وما عندي غير أغلى من دعواتي الصادقة لحضراتكم إخواني وخواتي بالموفقية والحفظ والسلامة والتوفيق والله يحفظكم واهلكم من كل سوء ... آمين ...

أخوكم الصغير
صحفي عراقي