تأجيل موعد استلام نتيجة المحلفين

[راسم2010]

السلام عليكم

اليوم اتصلوا بيه الـ IOM وخبروني بتأجيل موعد استلام نتيجة المحلفين المصادف يوم 26-3-2011...علمآ انني لحد الآن لم يتصلوا بي بخصوص الفحص الطبي..سؤالي هو : هل تأجيل الموعد معناه رفض القضية او هل هي قيد  الدراسة؟؟ وهل يوجد احد اتصلوا بي واجلوا موعده؟

تقبلوا تحياتي

[راسم2010]

تسلم اخوية العزيز ورحم الله والديك
ان شاء الله الموفقية للجميع

[/color]

[ريحـــانه]

انشاء الله مقبول و لا تقلق بس ردت اكولك اكو جمعيه مال الاخ الن الي ينتظرون نتيجه المحلف لو تشارك بيها حتى هم تستفاد من تجارب الغير خصوصا كلكم نفس المرحله

و حضرتك صار وياك شي بالمقابله يعني خربطه بالتواريخ او مثلا ارتبكت او شي او ما عندك قصه تهديد اذا كل هاي الشغلات ماكو انشاء الله مقبول و توكل على الله

بالتوفيق

[jack black]

الاخ راسم 2010 اطمئن ولاتقلق انشالله خير وتسافر بسرعه  صديقي قبل 3 سنين خبروه ان ميحضر لاستلام المغلف حتى اشعار اخر ولكن بعد اسبوعين سافر وهسه هو بامريكا  بالتوفيق تحياتي تقبل مروري jack black

[nawary]

إطمئن اخي راسم موشرط تكون النتيجة سلبية لاسمح الله

[غزوان الاعظمي]

  بالتوفيق اخويه و ان شاء الله مقبلو و تسافر باقرب وقت

ياربي التوفيق للجميع

تحياتي

[اريج الراوي]

اخي راسم متى اعطوك الموعديوم الاثنين لو الثلاثاء؟لان اكو شخص اخر اعطوه تاجيل ليوم الثلاثاء
وان شاء الله التسهيل والخبر الايجابي لصالحك

[راسم2010]

تم تاجيل موعدي الى يوم الاثنين وتسلمون أخوان وبارك اللة فيكم وانشاءللة خير

[Cpt_Ali]

أذا يوم الاثنين معناها قيد الدراسة (هاي بالنسبة لجماعه عمان), ليضل بالك اخوية احسب شهر او شهرين بالزايد تجيك الموافقة مال المحلف, ونسبة الرفض بعد قيد الدراسة اتكون 10%, فليضل بالك, اهمشي منطوك يوم الثلاثاء او الاربعاء لانه هذولة الايام بس للرفض.

[saiyf]

حسبي الله ونعمه الوكيل حسبي الله ونعمه الوكيل اني انطوني موعد يوم الثلاثاء  يعني مرفوض  والله يا اخواني اني صدك مصدوم او ما اعرف شحجي يعني سبع سنوات اشتغل وياهم وتهدد وجيت لعمان صارلي سنه ونص او كاعد ابيت خرابه  وعندي اطفال وتبهذلنه الله واكبر وعفت بيتي راح حواسم وردنه انموت هسه شنو راح اسوي ماكدر بعد ابقه في عمان  شنو الحل ما اعرف اكو دول غير امريكا تقبل بينه شسوي وين اروح اني وعائلتي 

[الرافدين8]

السلام عليكم اخواني
الله كريم انشاءالله ماكو رفض بالنسبة لتاجيل
ماعليكم الا ان تصبرو وتخلوا عينكم بعين الله
الرافدين8

[nawary]

من مشاهداتي صار عائلتين اجلوهم ع الاثنين و3 أشخاص على الثلاثاء
 الله يسهل للجميع ويكتبلنا مافيه خيرنا وصلاحنا لان هو وحده أعلم بماينفعنا

[(COBRA)]

ربي اجعل عليهم بردا وسلاما

[اريج الراوي]

من مشاهداتي صار عائلتين اجلوهم ع الاثنين و3 أشخاص على الثلاثاء
 الله يسهل للجميع ويكتبلنا مافيه خيرنا وصلاحنا لان هو وحده أعلم بماينفعنا

ا
ضيف الها عائلات اجلوها اليوم الاحد ؟؟؟؟؟؟؟؟؟

[مؤمل]

شباب السلام عليكم انتي اليوم اتصلوا بيه وتأجل الموعد يوم الاحد وهاي جديده وللعلم اني بعدني مفاحص فحص طبي اذا اكو احد يكدر يفيدنه شنو معناتهه دخيل الله راح نتخبل

[Everything]

اني هم حولوني احد ومفاحصة فحص طبي
بصراحة ها هية وضحت الرؤيا وكلش خايفة بعد
بقت على الحظ 
ومنين اكو حظ للي ما عنده

[اريج الراوي]

اخ راسم 2010 بالنا يمك وين صرت وشنو كانت النتيجه خبرنا وان شاء الله خير وخلي في بالك (وعسى ان تكرهو شيئا وهو خير لكم  )
جميع الاخوه يسالون عليك بالمنتدى وايريدون اطمنهم عنك وتنقلنا الي صار اليوم باالي او ام
مع تحياتنا

[Everything]

الله يساعدك ويصبرك
وان شاء الله انته ممرفوض
واذا لا سامح الله مرفوض
بالاستئناف يقبلوك

[راسم2010]

السلام عليكم

اشكركم على سؤالكم...
والله يا جماعة نتيجتي جانت يوم الاثنين رفض ومع الاسف وجانوا وياية تقريبا 20 عائلة انرفضوا وهسه ناوي اقدم استئناف
و منكول غير الحمد لله وعسى ان تكرهوا شيئآ وهو خير لكم

تحياتي للجمييييع

[nawary]

الله يهون عليك أخي راسم
تذكر دائما الخير فيما اختاره الله
ان شالله تقدم الاستئناف وينقبل