مرحبا شباب ... حالة غريبة بـ IOM عمان صارتلي .. لو الموضوع عادي ؟

[عمار عبد الكريم]

مرحبا احبتي ..
يوم الخميس اتصلو بيه ال IOM في عمان وابلغوني ان اليوم لازم اروح ابصصم .. اني مهتميت بس المشكله ياهو اللي دا اكلله يكوللي انه لازم ينطوك موعد محلفين يالله تروح للتبصيم .
علما انه مقابلتي الاولى جانت يوم 25-1-2011
ولمن اتصلت بيهم اكثر من مرة يكولولي انته منتظر محلفين بس محددولي الموعد ؟
فهل معناها السستم متغير ؟ لو الموضوع صاير وياكم سابقا .

[willpower]

اخويه هم مو كلولك تعال ابصم؟؟؟ شنو ماهتميت . وااله عجيب امور ..

وانت عايف موظف ال IOM الخابرك وبلغك بالبصمه ورايح تسال جماعتك يصير لو لازم وره مقابلة المحلفين.... يعني جماعتك يعرفون اكثر من  المنظمه...لو احنه بالمنتدى نعرف اكثر منهم.

   

[ريحـــانه]

اخ عمار

هذا الموضوع عادي و صاير كلش هوايه يتصلون بيك قبل مقابله المحلفين و الغرض من هذا الشي

اولا حتى يمشون بالامنيه مالتك و ما تضيع وقت تنتظر مقابله محلفين الي هو اقل شي شهرين الى 3 و يجوز اكثر لان انت مسوي المقابله وبعد فتره قصيره سافروا المحلفين يعني لازم تنتظر جيتهم فبهذه الاثناء همه ماشين بمعامله الامنيه و كلش هوايه استلموا نتيجه الظرف وياها الموافقه الامنيه

ثاني شي اذا لا سامح الله امنيتك بيها مشكله رح يكولون لا تجي لمقابله المحلف و انشاء الله تستلم موافقه المحلف ويه الامنيه و تصير الفرحه فرحتين

اني براي السير بالموافقات الامنيه حتى اهم من مقابله المحلف و تفرح اكثر لان اكثر الناس مشلوع كلبها بانتظار الامنيه

بالتوفيق

بالتوفيق

[عمار عبد الكريم]

اخويه هم مو كلولك تعال ابصم؟؟؟ شنو ماهتميت . وااله عجيب امور ..

وانت عايف موظف ال IOM الخابرك وبلغك بالبصمه ورايح تسال جماعتك يصير لو لازم وره مقابلة المحلفين.... يعني جماعتك يعرفون اكثر من  المنظمه...لو احنه بالمنتدى نعرف اكثر منهم.

   

هلو صديقي العزيز .. انته ليش عصبي ؟ هههههههههههههههههههه
حبيبي اني رحت بصمت طبعا اليوم على حسب الاصول , طبعا اني اطبق التعليمات اللي تجيني منهم خطوة خطوة . وقصدي مال مهتميت انه مهتميت عندي موعد محلفين او ماعندي لان اني اصلا مو صاحب خيره او ضليع بشؤون ال اي او ام والهجرة بس الناس اللي سألتهه وصدفت اليوم هم شفت كم واحد ديسلمون جوازاتهم للسفر وعندي اخويه واختي ايضا باميركا وطلعو اي او ام بس مصر كالو يجوز السستم متغير لان عادة ينطون موعد للتبصيم بعد ما ينطوك موعد المحلف .
تحياتي

[عمار عبد الكريم]

اخ عمار

هذا الموضوع عادي و صاير كلش هوايه يتصلون بيك قبل مقابله المحلفين و الغرض من هذا الشي

اولا حتى يمشون بالامنيه مالتك و ما تضيع وقت تنتظر مقابله محلفين الي هو اقل شي شهرين الى 3 و يجوز اكثر لان انت مسوي المقابله وبعد فتره قصيره سافروا المحلفين يعني لازم تنتظر جيتهم فبهذه الاثناء همه ماشين بمعامله الامنيه و كلش هوايه استلموا نتيجه الظرف وياها الموافقه الامنيه

ثاني شي اذا لا سامح الله امنيتك بيها مشكله رح يكولون لا تجي لمقابله المحلف و انشاء الله تستلم موافقه المحلف ويه الامنيه و تصير الفرحه فرحتين

اني براي السير بالموافقات الامنيه حتى اهم من مقابله المحلف و تفرح اكثر لان اكثر الناس مشلوع كلبها بانتظار الامنيه

بالتوفيق

بالتوفيق

والله يامهندستنا العزيزه جوابج بيه وجهة نظر جميلة ومقنعه بنفس الوقت .. تسلمين للرد

[willpower]

اي هسه عاشت ايدك  عبالي ما رايح تبصم.

[عمار عبد الكريم]

اي هسه عاشت ايدك  عبالي ما رايح تبصم.

ههههههههه ..تتشاقة .. ياقوي الارادة ..  لاحبيبي لا ..  اني بال 8 الا عشره الصبح بال اي او ام ومحظرلهم اصابيعي حته اضافيري كصيتهه .
بس تدري وره كل مرحله نسويهه تجينه صفنه ام ال شجم شهر وراها فنكوم ندور سوالف حته هم نتحارش بيكم وهم يجوز نطلع بفائده معينه

[فـلـونـا]

انشاء الله تقابل محلفين عالمرة الجاية من يجون

امنياتي بالتوفيق للجميع

[salih alassifi]

والله مادري بعد اخويه ان شاء الله عادي والله يسهل امرك
احنا اخذو اول بصمات باول مقابلة بتاريخ 28-7-2009 وراه قابلنا المحلفين بتاريخ 16-11-2009 واستلمنا النتيجة بتاريخ 5-12-2009 وكانت النتيجة هي الموافقة وعدنا البصمات بشهر 12 2010 والملف راح يصيرله سنتين بادي وبعدنه ننتظر الموافقة الامنية
تحياتي

[messi10]

لو مرايح باصم جان اني رحت بصمت 

[الاسد الجامح]

اخوي العزيز البصمة  قبل المحلفين