مساعدة في اختيار الولاية

[besho0o]

  السلام عليكم

اول شي اشكر هذا المنتدى لمساعدة للعراقيين في كل الاستفسارات

بلنسبة الي ما اعرف شختار يا ولاية ولمشكلة ماعدي احد هناك

ياريت احد يساعدني

اني متزوج او ماعندي اطفال

او اريد ولاية زينة بلنسبة بلأيجارات او الشراء ولعيشة

او احب  احد ينصحني اول ما اوصل شسوي ماريد اغلط بشي ولا اريد يفوتني شي

او اريد اعرف بلنسبة للمساعادت اني مقدم اعادة توطين امريكا من عمان

لان جنت اشتغل وية القوات الامريكية فأكو شي بي اختلاف عن المقدم هجرة او المقدم بدون شغل وية القوات

ياريت الكة الاجوبة الكافية

مشكور الكم

[شموسه123]

مساعده

[الاسد الجامح]

اخوي العزيز  مرحبا بيك ويانة

بالنسبة للي مقدم توطين وجان يشتغل ويا الامريكان
احسن من ناحية وحدة فقط وهي انه اول ما يوصل ياخذ الاقامة بينما توطين iom
ينتظر سنة يلا ياخذها

توطين iom  السفر على حساب المنظمة
وينطوه مساعدات من 6 ال 8 اشهر حسب الولاية بينما الي جان يشتغل وياهم
يطلع على حسابه الشخصي وهو يدبر روحه هناك

اما اي ولاية احسن فاكو هواية ولايات زينة اني اسمع انه اريزونا ممتازة للعوائل
ولاية منيسوتا
وان شاء الله الاخوان ميقصرون

[y3soob]

مرحبا اخوية العزيز،
حسب ما سامعين احذر من الذهاب الى كاليفورنيا و ميشيغن لان ما بيهم شغل و الاوضاع الاقتصادية زفت و كومة عراقيين..
حسب ما سامعين ايضاً الولايات الشماليه الشغل اقل بيها..

مثل ما تفضل الاسد الجامح اريزونا و مينسوتا زينة و كذلك تكساس حسب ما نسمع..

و ان شاء الله موفق

[besho0o]

مشكور الردودكم وللنصيحة

اولصراحة اني حاير لان اني بلمقابلة اختاريت ماريلاند او بس مرة سألوني يا ولاية تريد وبعد غلسو حتا بمقابلة المحلف مسألوني وين تريد

وهنا من اسأل علا ماريلاند محد يعرف بيها ولا احد ساكن بيها

وبلنسبة للمساعدات اني من سألت المحلفة كالت نطيك قرض اول متوصل او تسددة بعدين

فياريت احد يعرف التقاصيل مال المساعدات

وبلسنبة للأخ الجامح كال انت الفرق مالك توصل مقيم ....

يعني شلون اول ما اوصل ينطوني كرين كارت لو بعد فترة استلمة

اذا السالفة اول ما اوصل فهاي ايدي بلدهن وتسوا حتا لو ابقا بلا مساعدات


مشكور الكم مرة لخ