لي وين حيوصل حكم البشر على البشر

[nonolove]

مرحبة شلونكم يارب بخير اني بنية من العراق وعايشة حاليا بالخارج انهزمت  من العراق لانه العالم حكمت عليه حكمت لانه اني ابوية مسلم وامي مسيحية وللاسف مح مدايفتهم انو ابوية الله يرحمه مات وهو مسيحي وصار مسيحي ومقبل اصير مسلمة واتعمذت واخذت تناول وطول عمري بنت الكنيسة حبيت ولد وهل الولد ديعوفني لانه اهله اذا عرفوا بيه حيموتون زين فهموني اني هيجي موزينة واني الكل يكولولي عوفي كلشي ورجعي صيري مسلمة كتلهم اني لو اموت ماصير  لانه اني متربية هل تربية مستحيل اتنازل عن ايماني وحبي ليسوع لمسيح لو شميصير اكثر مما بغداد الكل تعرف بيه وميت الف تهديد ومهتميت كلت الله اللي يحرسني وهسة هل الولد ماخذ فترة بيني وبينه وديشوف نفسه انو  حيكدر يكمل وياية لو حيعوف كلشي فهموني شنو ذنبي ذنبي انو ابقى محد ميقبلني مثل ما اني طول عمري ليش ياناس ياعالم المسيح قبل اشكال انواع عالم انتوا مداتقبلوني ليش كولولي شلون تشوفوني هيجي موخوش بنية او تشوفون انو مراح اكون المرة الزينة اللي حنطي تربية لاولادي تربيه مسيحية خالصة  بايماني اني مجرد اريد رايكم بيه اذا اني رحت عشت بمجتمع مراح يرحمني شراح اسوي

[habanya_612]

     الصبر هو مفتاح الفرج

      بارك الله فيكي على الأيمان في داخلك

     وكل شيء هو بالتفاهم لاغير .

       الصبر والله كريم  ....

[nonolove]

اني اشكرك هواية على نصيحتك واني صابرة واصلي لانه ماعندي غير هل الصبر والصلاة لانه همة اللي حيكوموني من هل المحنة واظل ادعي من ربي يسوع المسيح انو اي شي ميهز ايماني وابقى مثل ما اني لاخر يوم بعمري واثبت للدنيا كلها مسحيتي انو اظل شايله صليبه لحد ماموت

[habanya_612]

    +    سلام الرب معك    +

      تسلمين على موقفك هذا , وهو الصير

    هو هذا الأيمان الحقيقي فعلآ ,

     الصداقة داخل الكنيسة هي زيادة محبة المسيح

    قال المسيح  ( اذا أجتمع أثنان أنا ثالثهم  )