اعوذ بالله من الشيطان الرجيم , بسم الله الرحمن الرحيم , توكلنا على الله العلي القدير في هذه الساعة وفي كل ساعة
اما بعد,
بعد التشاور والتقييم والتمحيص الدقيقين واستنادا الى تقارير الرفاق والزملاء قرر مجلس قيادة الثورة فرع كاليفورنيا للحزب ان يقترح للاخ تكساسي مجموعة من المقترحات , البلانات , لحل المعضلة التي يمر بيها زميله.
صديقك مبين عليه صارلة تقريبا 3 او 4 سنوات في المانيا , لان هو طلع قبل اخوته , واخوته واحد منهم SIV وسحب البقية بعدين , يعني هاي سنتين بالوجه ورة مسافر هو , وبهاي الاثناء التحقت بيه زوجته , وراها العائلة يرالدلها سنة على الاقل يلا يفيقون من الصدمة الثقافية وصدمة العالم المتحضر ويعرفون هذا المكان ما مناسب الهم ومايكدرون يندمجون وية المجتمع. يعني على الاقل صارلة 3 سنوات بالمانيا واني اتوقع انو صارلة 4 , صححلي اخ تكساسي اذا تواريخي بيها خطا.
البلانات مال صديقك كالتالي:
اولا: PLAN A
هاي البلان العاوية الي لاكفة طين وطريقها اسود ومصخم ودوخة راس بدون اي داعي.
صديقك عنده لجوء سياسي يعني عنده ترافت دوكيمنت الماني , والدليل على هذا انو سحب عائلته بضرف سنه , يعني بهيجي حاله عنده جواز عراقي ما مبيه اقامه في اوربا, ف يروح يدعبل لتركيا ويقدم على اليو ان على ذمه اخوه ال SIV ويخترعلهم قصة ويخلي عنوان وتلفون واحد عرف بحيث كلما يحتاجونه اليو ان يزرك لتركيا ولازم ميعرف اليو ان بأي شكل من الاشكال انو هو مقيم في المانيا لان ينطوه رفض بالكصة ,وهمينة لازم الالمان ما يشمون اي خبر بالموضوع لان اذا عرفوا بيه يسحبون اقامته ويطردوه بليله ظلمة , الالمان من احقر خلق الله , ويرهم الاختام مال الدخول والخروج من تركيا على الترافل دوكيمنت الالماني وليس على الجواز العراقي. بعد فترة سنتين ممكن ان يحصل لجوء في امريكا والاخوة جماعة تركيا اعرف بالموضوع فيما يخص الفترات الزمنية.
ثانيا: PLAN B
We recommended this plan
وتتفرع الى فرعين
PLAN B 1
ينتظر صديقك الى ان يحصل الجنسية الالمانية , وما اعتقد بعدلة مدة طويلة , وراها يجي لاميركا , وهنا نواجه معضلة قانونية , وهية انو راح تكون اقامته في امريكا مؤقته وليست دائمية ف ننصحه نحن مجلس قيادة الثورة والحزب فرع كاليفورنيا ان يبدي يشتغل من هسة ويضملة جم فلس يفتح بيهن اي مشروع زغير في امريكا يحصل من خلاله على اقامه العمل.
PLAN B 2
هم نفس الشي ينتظر الجنسية بس لحل مشكلة الاقامة الدائمية في امريكا لازم يلكه رب عمل امريكي مستعد يسويله عقد عمل دائم على انو هو , صديقك , خبره ضرورية محتاجها رب العمل المعني وما كدر يلكاها محليا.
هاي شوية فاول مو ؟
بس هي دربونه قانونية زغيره من درابين اوربا وامريكا .
ولو تحسب الوقت مال PLAN A والوقت مال PLAN B راح يطلعن يك حساب.
ودمتم للنضال وذخر للامة العربية وعاشت فلسطين حرة عربية من البحر الى النهر.
