للذين لديهم الجواب الأكيد ... هذا السؤال...

[العراق بدمي]

بعد التحية والسلام...
أريد أن أعرف بخصوص الدورة التثقيفية هل هي إجبارية أم إختيارية بالنسبة لل أي أو إم من بغداد ...لأنه الكثير من أهل المحافظات صعب عليهم الحضور لبغداد عدة أيام وبهذه الظروف مع عوائلهم... وكنت قد سمعت من بعض الأخوة أن الدورة إختيارية ... فيا ريت لو أحد يخبرنا الجواب الأكيد وهل الأطفال مشمولين بالدورة...مع الشكر...

[ريم عبد]

اخي الدوره التثقيفيه في بغداد اختياريه
والي ميكدر يحضر للدوره من المحافضات مو شرط عليه الحضور
واذا اتصلوا بيك على الدوره التثقيفيه كلهم اني بالمحافضات وصعب عليه الحضور

[العراق بدمي]

اخي الدوره التثقيفيه في بغداد اختياريه
والي ميكدر يحضر للدوره من المحافضات مو شرط عليه الحضور
واذا اتصلوا بيك على الدوره التثقيفيه كلهم اني بالمحافضات وصعب عليه الحضور

شكرآ أخت ريم على الجواب بس أكيد إختيارية ليش أكو قسم من متصلين بيهم كالولهم إجبارية الحضور..... ياريت تكون أختيارية أختي وشكرآ ريم على الجواب

[ابو الحسن]

عمي الله يساعدهم اغاتي
انه ابن اخوي سافر قبل شهر ونص من بغداد
ولاخابروه على دورة ثقافية واجروب سفروا لامريكا
ابو الحسن
فري بورت

[غزوان الاعظمي]

السلام عليكم

طبعاً اني راح اسأل ابطن الموضوع

شباب زين بعمان اختياريه لو اجباريه ؟؟
و اذا الواحد ما راح شنو يصير ؟؟

تحياتي لكم

[العراق بدمي]

شكرآ أخ أبو الحسن وأخ غزوان...
يعني ما أدري أكو ناس تطلعهم دورة تثقيفية وأكو لا ؟
وبعدين قسم كالو إجبارية وقبل أيام تصلوا بجماعة وكالولهم عدكم دورة تثقيفية ( طبعآ بغداد ) والحضور إجباري!!! أشو ناس كايليهم إختياري...
ما فتهمنا ... أحنا وضع العراق صعب وجماعة المحافظات ولازم نحضر مع عوائلنا لبغداد وفد 3 أو 4 أيام هواي صعبة...
ياريت لو الكلام الأكيد...
تحياتي

[ام يس]

السلام عليكم
اني الي سمعته اختياري بس شوكت تصير اشو احنه سوينه مقابله المحلفين ومحد حجه عنه يعني هيه بعد المقابله يتصلون بينه ؟

[Saqar]

عيني هية الدورة اختيارية مو اجبارية على كلامهم
وثانيا الاطفال الصغار ميحتاج تاخذهم
وثالثا انا الي اشوفة انه الي يخابروه على مود الدورة افضل انه يروح لايعتذر ( هذا رأي الشخصي)

تحياتي

[العراق بدمي]

السلام عليكم
اني الي سمعته اختياري بس شوكت تصير اشو احنه سوينه مقابله المحلفين ومحد حجه عنه يعني هيه بعد المقابله يتصلون بينه ؟

أختي أم يس الدورة بعد المقابلة بس محد يعرف يمتى يتصلون ألله أعلم ... تحياتي

[العراق بدمي]

عيني هية الدورة اختيارية مو اجبارية على كلامهم
وثانيا الاطفال الصغار ميحتاج تاخذهم
وثالثا انا الي اشوفة انه الي يخابروه على مود الدورة افضل انه يروح لايعتذر ( هذا رأي الشخصي)

تحياتي

شكرآ صقر على الجواب لكن لماذا البعض أخبروهم إنها إجبارية شنو حسب الدولة ال أنتا بيها لو ناس وناس لو شنو...
تحياتي

[kunda]

اني هم سمعت انه سكان المحافظات مايلحون عليهم
احنا انطونا سيدي وكتيب وصور واعتقد هاي كافية

[Saqar]

اخي العزيز اني رحت للمقابلة الاولى وقبل المفابلة كالولنة على الدورة التثقيفية وكالو انه اختيارية ومو اجبارية ومتاثر لا سلبا ولا ايجابا على سير القضية
اني سالت هية هاية الدورة مو بعد ماواحد يكمل كل الاجراءات وتحصل الموافقة يلة واحد ياخذ الدورة
جوابني لا مالها اي علاقة وماتثار لا سلبا ولا ايجابا على سير القضية
كتلة اوكي اني ممكن اخذه باجر لان اني مو من بغداد وماكدر اروح واجي كل يوم كال ماكو باجر هية تبداء بعد كم يوم كتلة مو صعبة علية اروح واجي كل يوم لبغداد عادلي نفس الجواب وانه هية متاثر
الصراحة اني هاي الملحة مالت مال ماتاثر خلتني اشك في انه تاثر ويريدون يشوفون منو الجدي بالموضوع ولهذا اني كتلة اوكي اريد

هذا الي صار وياي بالتفصيل اخي العزيز في بغداد ولهذا كلت انا راي الخاص انه محد يرفض المقبلة
تحياتي
الصقر

[الناسك]

السلام عليكم جميعاً
انتي مقابل محلف بغداد الشهر الثاني
وبالمقابلة بالاستراحة خبرونة بالدورة الي هي كان اول يوم الهة 1 -آذار وكالوا اختيارية مو اجبارية
بعدين يوم 25-آذار اتصلوا بيه من عمان حتى يخبروني بالدورة بعد يومين وطبعاً كلتلهم ما اريد الدورة خبرتني الموظفة انها اجبارية .... صارت اجبارية ورحت طبعاً وخلصتهة يوم واحد بالازدهار .... وموظفة الايوم كالت هاي الدورة صارت اجبارية على كل العراقيين في ايوم بغداد ومراح يسافر واحد دون ما يروح للدورة ...
تحياتي

[مراد البغدادي]

حلو خبر تازة اني شو كلشي خلصت واجاني موعد سفر وكلشي ماكو من الدورة التثقيفيه احتمال يخابروني حتى اروح لو يغلسون اخوكم مراد

[العراق بدمي]

الصقر ... Kunda ‎‏ ‏... الناسك ... مراد بغدادي شكرآ لكم ... يعني هسا حسب تصوري إنها أصبحت إجبارية الأن ... بس إذا تكضي بيوم واحد هم زين ...
لكن لا تشمل الجميع لأنه قسم وصلوا لأمريكا بدون دورة تثقيفية ... أني بالنسبة إلي نطوني بأخر مقابلة كتاب ( العيش في أمريكا ) جائز هذا يغني عن الدورة التثقيفية...
تحياتي

[عكعك التطوى]

اخويه العزيز ماكو شي اجباري ابد همه يحثون عليها ولكن ميجبروك ... واذا مرحت مراح يترتب اي شي عليك
واني متاكد من الجواب مليون بالميه .. والمعلومات بلدوره التثقفيه لاتشكل فد شيء بالنسبه للمعلومات والتجارب
الموجوده بالمنتدى


تحياتي

[العراق بدمي]

اخويه العزيز ماكو شي اجباري ابد همه يحثون عليها ولكن ميجبروك ... واذا مرحت مراح يترتب اي شي عليك
واني متاكد من الجواب مليون بالميه .. والمعلومات بلدوره التثقفيه لاتشكل فد شيء بالنسبه للمعلومات والتجارب
الموجوده بالمنتدى


تحياتي

جزيل الشكر لك أخي للمعلومات وإنشالله خير ... تقبل تحياتي

[اريد اطلع]

السلام عليكم
اخي الدوره التثقيفيه هي مو اجباري يعني الي ميحضر ينطو موعد ثاني الدوره مثل المقابله وهي يوم واحد فقط من الساعه الثامنه الى الرابعه وهي عباره عن شرح من الوصول الى المطار الغاية الوصول الى امريكا وشرح المساعدات والسكن وطريقة البحث عن عمل وكافة الامور المتعلقه بلهجره وخير شي ينطوك شهاده تقديريه .

[العراق بدمي]

السلام عليكم
اخي الدوره التثقيفيه هي مو اجباري يعني الي ميحضر ينطو موعد ثاني الدوره مثل المقابله وهي يوم واحد فقط من الساعه الثامنه الى الرابعه وهي عباره عن شرح من الوصول الى المطار الغاية الوصول الى امريكا وشرح المساعدات والسكن وطريقة البحث عن عمل وكافة الامور المتعلقه بلهجره وخير شي ينطوك شهاده تقديريه .

تسلم عزيزي لعد إذا يوم واحد زين نروح نفضها إذا رادونا بس الأطفال ظروري يجون لو لا ...تحياتي

[ÐŗệăMÝ]

لا اخويه الاطفال مو ضروري

[ابومريومة]

السلام عليكم
اعتقد اخي ان الدورة ليست اجبارية ووليست بنفس الوقت اختيارية وتعتمد على نوع الكفيل اللي راح يستقبلك يعني اذا صديق فقط اعتقد تكون اجبارية الك حتى لو كان قريب من بعيد او ما كان عندك كفيل واذا كان الكفيل اخوك او والدك او ابنك وهكذا اعتقد انها تكون اختيارية ومراح يلحون عليك لان المعلومات راح تكون معلومة عندك قبل لا توصل امريكا واكرر هذا مجرد رأي الشخصي مجرد تحليل


تحياتي
ابومريومة البغدادي

[العراق بدمي]

شكرآ أخي دريم وشكرآ لأخي أبو مريومة ... يعني داشوف همه هسه سووها  إجبارية ولو الحالات غير متشابهة بس أكو ناس وصلت بدون دورات ... وأكو كالولهم إجبارية ... أني كفيلي من العائلة يعني إحتمال مايستدعونا ...؟