فحص طبي IOM بغداد.... مساعدة اهل الخبرة

[Dollar]

شلونكم شباب شابات عين كاوه.

خابروني البارحة انطوني موعد فحص طبي الاسبوع القادم يوم الثلاثاء, اي او ام بغداد مستشفى ابن بيطار..الشبكة جانت حيل عاويه كوه افتهمت من الشخص الي خابرني و ما كدرت اساله و استفسر منه على التفاصي.
.
رحم الوالديك جاوبني على اسئلتي.

1- الخابرني ما حدد وقت الذهاب و الفحص بيا ساعه ...فالمفروض من وكت الصبح انروح لو عادي براحتنه حته لو قريب وقت الظهر؟

2- نروح بدون فطور علمود تحليل الدم لو لا عادي؟

3-  الفحص عبارة عن شنو و شنو ؟ فحص دم و اشعه صدر و فحص بصر؟؟؟ .

4- الفحوصات تكمل بيون واحد من الصبح للظهر لو لتطول للعصر مثل حالة المقابلات؟

5- اكو مفروض بعد موعد اخر للفحص بيوم اخر. لو هو بس هذا اليوم و نخلص؟

اشكر الاجابات الدقيقة و ممنون منكم.

تحياتي

Dollar

[ريم عبد]

الف الف مبروك اخي دولار
الحمد لله هاي هم خطوه على الطريق
الفحص الطبي صباحي وعادة ينطون موعد بحدود ال10 بس انت روح قبلها
تدخل بالاستعلامات وياك الجوازات
اكو شاب واكف دكوله على الفحص الطبي مالت ال اي او ام
يطلع اسمك بالاستماره ويكولك شوكت موعدك(روح قبل الموعد احسن متروح متاخر)
لان اكو هوايه اجراءات لازم تلحك تخلصها
اولا تدخلون  بغرفه يحجولكم محاضره عن مرض السفلس وتوقعون على ورقه بقبول التحليل
الايدز اختياري
ياخذون منكم دم للتحليل وميهم اذا متريك او لا
فص بصر واذا احد يلبس مناظر ياخذها وياه

يقيسون الضغط والوزن والطول
وهناك فحص سريري
عباره عن اسئله عن تاريخك الصحي
اذا كان هناك اي تقارير طبيه او اي ادويه تستعمل باستمرار وامراض مزمنه
اي تقارير لعمليات سابقه
كلها هاي تكون معاك
هاي تخلص من الصبح للضهر
والعصر تروح لعيادة الحارثيه تاخذ اشعه في عيادة ابن البيطار اول دخول الحارثيه من جهة المعرض على  اليمين
وتخلصها ان شاء الله بالخير

[Dollar]

تاج على الراس.

اشكر جوابج.

بس سوال صغيرون اضافي مال كهوه على السريع.

-الي يلبس نظارات يفحصون نضره بدون نظارات و يشوفون درجة الضعف؟ لو ويه النظارات ؟
- هم يقيسون درجة العدسة الطبية مالة المناظر لو لا؟ يعني ياخذ ورقة الفحص مال النظارات وياينه الي بيه الدرجة؟لو هم يفحصون المناظر بالجهاز؟

تحياتي

[ريم عبد]

اخي دولار يسلم راسك

اخي طريقة فحص النظر هي هاي الطريقه الكلاسيكيه تنضر للوحه بالمرايه وتبين اتجاه الاشكال
واذا متوفق بيها يعيدوها مع المناظر
لان عادة الي عنده (بعد نظر) يكدر يقره اللوحه بدون مناظر
اما قصر النظر.. والستكماتيزم  فيحتاج يشوف اللوحه بالنظارات

الفحص بدون جهاز
اخي دولار هوه فحص ارتجالي بس لرفع عتب وتسقيط فريضه
مو تصور فد فحص طبي متطور ودقيق

[Dollar]

Copied 5 by 5

شكرا على الاجابه

طبعا اني عندي فد غايه من هذا السوال وردت اعرف الخطوات و التفاصيل مال فحص النظر . لان اريد ارتب الامور مقدما لاشخاص ويايه بالملف.

تحياتي

[ريم عبد]

اخي دولار
الافضل انه كلشي يكون طبيعي مثل ماهوه
وخلي يسجلون الحاله الي عدكم
لان اي حاله مرضيه بالسجل تنفعكم  هناك
اما باستحصالكم على الدوه او العوينات واي شي تحتاجوا هناك

[Saqar]

عيي بالضبط مثل ماكالتلك الاخت
تروح بال 8:30 الصبح تكون بباب المستشفى
اذا تاكل عادي ماله علاقة
والفحوصات تخلص بنفس اليوم اني خلصت قبل ال 12 الظهر

تحياتي

[ريم عبد]

الي مسوين فحص طبي مؤخرا ديسوون الاشعه في عياده مقابل المستشفى وايسوها اولا قبل الفحص السريري