السلام عليكم اخواتي اخواني العين كاويين
لقد تمت مقابلة SIV بالسلام والتمام والحمد لله اما ماجرى معي فأليكم التفاصيل
طبعا حضرت الى بغداد قبل يوم وتشرفت بزيارة باب الحوائج موسى الكاظم وجواد الائمه سلام الله عليهم اجمعين وعند الصباح توجهت الى ساحة الفردوس وخرجت قبل ساعة ونصف واستاجرت تكسي وقلت له الى ساحة الفردوس مقابل برج صدام وتوجهنا على حب الله وكوني كنت افكر بالمقابله ومايجري فيها فلم انتبه الى الطريق وبنظره سريعه شاهدت برج صدام اصبح خلفنا وضننت ان السائق يحاول ايجاد طريق مختصر فلم اعر الاهتمام والتزمت الصمت وبعد مسافه طويله من القياده واذا السائق يقول تفضل هذه ساحة الاندلس فضحكت كثيرا وقلت ياستار من هذا البدايه وكتله اشبيك اخويه انت متريك لولا يااندلس تحجي عليه عمي برج صدام يمعود راح ادمرني ويروح عن موعد اذا ما اجيت بيه ينعل والديه فضحك السائق وقال لاتهتم الخطأ خطئي وسار بي بسرعه فائقه لاجد الطابور عند المدخل صاير لحم فقلت يمعودين شنو الفلم واذا الحرس العراقي مطنكر ويكول سره كلنه يمعود موعدنه بثمانيه كال سره سره سره وقفنه بالسره وبعدين كالو ياهو على GLS فصحنه احنا وجذب طبعا انا مو ياهم بس خليت نفسي وياهم وتم التفتيش وصعدنا بالباص الرايح بالسفاره ولما هلم الباص بالتحرك واذا بامرأه تريد الركوب معنا وطبعا هي عده موعد ايضا ويانه لكن الطريف ان المرأه تركت الباص وتوجهت الى احد الحراس واشار اليها بيده فتوجهت المراءه الى مكان مجهول ليقود الحراس والاسكورت حمله في الشوارع المجاوره للاستعلامات للبحث عنها(هاي شلونه ورطه اخرتنه) وبعد فتره وجدوها متوجهه الى السفاره سيرا على الاقدام هههههههههههه ههههههههههه مو هي وي المالكي هههههههه
على العموم وصلنه وجيكوه اسمائنا وجلسنه طويلا حتى استدعوني فتوجهت الى المقابله
اخواني كل مايدور هو عملية تاكيد المعلومات والتواريخ الموجوده بالاستمارت 260 و 230 اضافه الى الاوراق والمستمسكات الاخرى لذا ارجو ان تحفظوا التواريخ بصوره جيده
اما الاسئله في ليش تركت العمل ومنو هددك وليش تريد تروح لهاي الولايه طبعا الجواب الاحسن هو عندي صديق
اما في مايخص الترجمه والقرفصه الموجوده في بغداد فاقسم بالله ان السفاره لاتهتم بالمكاتب المرخصه كل مايريدون هو ترجمه للوثائق وانا ترجمت اوراقي بيدي وكتبت عليهم اسم صديقي ابتداء من التقديم وحتى المقابله ولايحتاج تصديق اي وثيقه حتى عقد الزواج المهم ترجمه ووياها ستيتمنت تقول انا مترجم واتعهد بالترجمه اعلاه مع وضع اي اميل للطوارئ فقط فلا يكذبون عليك وتخسر اموال ببلاش
واي شخص طلبوا منه مليء استمارة 260 عليه ايضا ان يملىء استمارة 230 لان جاي يطلبونه وملوا الاشخاص الماجايبينها واخروهم ببلاش فخذ الحيطه والحذر وامليهم حبيبي وتكون نفس معلومات 260 ولاتنسون تجيبون كل الوثائق والشهادات التقديريه الاصليه والمستنسخه لان الما جايبهم راح يطلبونهن منك ولازم تدزهم بال DHL مره ثانيه فانت شلك بهل الدوخه
واي تفاصيل انا بالخدمه
