ممكن المساعده الي عنده خبره والي عنده معلومه ايساعدني ويفيدني اخوكم صارله سنه و 9شهور في تركيا واني

[darkway28]

 السلام عليكم اخوان اخوات اني صارلي سنه و 9 شهور  في تركيا اني قايلت المقابله ال 3 مال وفد  وصار عل مقابله 6 شهور لي هسه لا منطيلي قبول ولا فحوصات  وكل ماخابرهم مينطولي اي شي  ولا يتحاجون اني قررت اروح عليهم  واذا اروح عليهم ايحلون مشكلتي اني اهنا اكثر واحد متضايق  وتعبان نفسيا   ممكن الي عنده معلومه او خبره ينصحني اروح عليهم لو شنو ولو شنو الي اسويه  واكون شاكر الكم

[حدوشه]

اخي العزيز صاحب الموضوع
الاجراءات بتركيا جدا مضبوطه وموظفين ال اي او ام   اي شيء جديد يدخل الى ملفك يضبفوه,,قصدي من الكلام لاتروح ولاتسأل لان تاخيرك معناه الموافقه الامنيه لحد الآن مواصله لل اي او ام,,اني اجيت الى امريكا عن طريق تركيا وشفت  الموظفين مال اي سي ام سي شكد دقيقين بعملهم وعانيت نفس معاناتك,, ف لاتتعب ولاتشغل بالك همه من يكمل ملفك يتصلون بحضرتك,,تركيا حلوه وحاول تتمتع بالمناظر الطبيعيه الخلابه الموجوده بيها ,,لاتشغل بالك اخويه العزيز شغلتك من تخلص همه يخابروك.

[darkway28]

اخي العزيز  شكرا على كلامك بس ماعتقد انته عانيت نفس معاناتي لان اني سنه يله حصلت عل فسفوره   والي جانو متاخرين عل فسفوره ويايه استلموها وقابلت المقابله ال 3 همه جانو ويايه همه صارلهم 3 شهور بامريكا وبس اني ضليت ماعرف شنو مصيري  ولي هسه لا منطيلي قبول ولا اي شي  وثاني شي انته اتكول ماكو ادق منهم اكولك انته غلطان لان همه امخربطين اكو واحد عنده طيران وممخابريه لحد ماراح عليهم كلوله احنه اسفين جان ملفك ضايع وانته عندك طيران بعد اسبوعين وين التدقيق  وكل ماخابرهم واحد ايكولي شكل اخابر الاخ ايكولي شكل وين المصداقيه وشكرا الك اخي

[AROMATICS]

اخي العزيز عند التأخير بمعرفه النتيجه يبعثولك رساله تبلغك بأنك سوف تتأخر باستلام النتيجه اي يكون ملفك قيد التحقيق او قيد الدراسه فهل استلمت مثل هذا الظرف؟

[darkway28]

اخي العزيز اجاني ضرف والضرف اول مره يجي هيج وماكو بس اني اجاني هيج ضرف مكتوب بالضرف صعب اتخاذ القرار الان لان القرار صعب  يؤجل القرار الى  اشعار اخر هيج مكتوب بالقرار يعني من اخابرهم مينطولي اي جواب مره ايكولولي ملفك بالتحقيق ومره ايكولولي ملفك قيد الدراسه اشكال والوان ايكولولي دوخوني واني صارلي سنه و 9 شهور بتركيا

[الذكي]

حبيبي كاتب الموضوع اني كنت بتركيا وبقيت بيها 10 اشهر واجيت امريكا حبيبي ما اريد اشدلك مغذي واكولك انتضر يطلع قبولك وبنفس الوقت ما اريد اهبط معنوياتك لانه ملفك لامريكا مرفوض اي واحد يجيلة هيجي ظرف انرفض من امريكا ورة فترة همة راح يخابروك ويحولوك علة استراليا او احد الدول بس هية هاي الحقيقة مع الاسف بس انت لازم تضغط عليهم وتروح عليهم هاي مو شغلة تليفون همة ميكولولك انت مرفوض همة مخربطين ويخلوك تنتضر ويشدولك مغذي لحد متخلص فلوسك وترجع لبلدك فاخي حاول روح عليهم بلكي يحلوها الك ويكولولك القرار النهائي لانه الانتضار مو بمصلحتك

[darkway28]

شكرا اخويه وكلامك على عيني راسي وكلامك جاد منطقي اني همين اكول هيج بس شنو اهنا ولد يمنه همين جايبيله  نفس الضرف وقبلوه وسوه فحوصات  بس الكاتلك اهنا ماكو عداله  ولا مصداقيه ايكولون حقوق انسان يا حقوق انسان راحت هاي الشغله من وكت الانبياء  اذا حقوق انسان حتى حاله نفسيه صارت بينا وفلبنا ديوجعنا اخابرهم اكوللهم يابه كلبنا ديوجعني وصاير بيه حاله نفسيه ايكولولي كلشي منكدر انسويلك انتضر وينها حقق الانسان شكرا اخي على مشاركتك 

[ابو روزا]

يرفع للفائده