سؤال عندي واريد مساعده

[عراقيه وافتخر]

مرحبا
اني عندي استفسار
اني مقدمه على اي او ام عمان وداانتظر بس يحددولي موعد السفر لان ليهسه مجاي السكيورتي جيك مالتي
واريد بهاي الفتره اروح اسبوع لبغداد وارجع لعمان بس سمعت اشاعه بلجديد طالعه انو علساس الاي او ام من ياخذون جوازي ديحددولي موعد السفر ويشوفوني رايحه للعراق يلغون موعد السفر ويرجعوني علمحلفين ويسولي اعادة بصمات يعني ينعاد عليه السكيورتي جيك مره ثانيه  ... ماادري هاي المعلومه صحيحه لو ماكو هيجي شي
سمعت علساس هذا الشي صاير بجديد هلسنه يعني
اتمنى اذا احد عنده اي معلومه يساعدني بيهه
وشكرا للكل

[ألن في بلاد العجائب]

انت و حظك اكو ناس سوولهم هيجي و اكو ناس عبرت

[عكعك التطوى]

هذا الكلام صحيح في حاله كشفوا انه رايحه للعراق او اخبرتيهم بانك رايحه للعراق
ولكن هناك الكثير من سافر خلال التجيك الامني للعراق وسافروا بعدها بدون مشاكل
وهذا الكلام ليس بجديد ... وانا لااقول هذا بدافع الحث على السفر وانما من تجارب حقيقيه
حصلت امامي

تحياتي

[علي النعيمي]

كلمن وحظة

[عراقيه وافتخر]

ههههههههههههه اذا كلمن وحظه جان اني مسافره من زماااااااان لامريكا
على كل شكراا الكم

[ريم عبد]

اختي العزيزه
قبل كم يوم احدى الصديقات في عمان اتصلت بال اي او ام وطلبت منهم الذهاب الى العراق لبعض الشغلات الضروريه لمدة اسبوع
فجاوبوها انه لا يجوز  واذا سافرتي راح ينغلق ملفك وهي ايضا في مرحلة انتضار الامنيه
فاذا تحبين انتي هم تجربين وتسالين من المصدر
او تريدين تجازفين وتروحين بدون مدكوليلهم
فهذا الموضوع راجع الج لان محد من المنتدى راح يتحمل مسؤلية الرفض اذا صار لاسامح الله بسبب السفر
فاخذي الموافقه منهم يله تتحركين

[hussam2010]

اختي العزيزة
اني رجعت الى بغداد  قبل مقابلة المحلفين وضليت شهرين في بغداد ومن رجعت الى عمان وقابلت المحلفين سألني المحلف على سبب رجعتي فكتلة رجوعي علاج زوجتي والعلاج في عمان غالي فمشى الامور واني الحمدالله هسة في امريكا بس بعد مقابلة المحلفين ما ادري بس مرة سمعت احد الاشخاص رجع على بغداد وماطول يمكن بس اسبوع وراها حددولة موعد سفر وعند تسليم الجوازات وخطية ثاني يوم اثناء انتضار السفر في المطار موضف الـ iom كلة انلغى سفرك بسبب رجوعك الى العراق وقابل المحلف بهذاكة الاثناء وما ادري هل هو سافر ام لا وعندي اخوية كذالك رجع الى بغداد 3 مرات قبل مقابلة المحلف مرة كان عذره امتحان ابنه في السادس علمي ومشاها المحلف  وبعد مقابلة المحلف مرتين وماندري هذا الشي يأثر عليه ام لا والله يستر هذا كل الي اكدر افيدج بيه