خابرنى واحد امريكى

[عمورى 1]

اللة يساعدكم يابة اليوم الساعة 12 الظهر دك التلفون رقم خاص حضرت السيد عمورى نعم اتفضل منو انت جان ايكون انى من منظمة USAGC انت مقدم على المنظمة من سنة 2009 هاى منظمة يانصيب اللوترى وسالنى اسالة شكد عمرك سنكل لو لا شكد صارلك بعمان شمكل دراسة جاوبتة جان ايكولى عندك فيزا كارد او كردت كارد كتلة لا ماعندى كلشى ما عندى كلى انت مؤهل على يانصيب الكرين كارد كتلة وانى منيلى فلوس كلى احنا نادرا ما نتصل باحد بس هى هاى فرصتك واستغلها وهسة راح ادزلك ايميل يفهمك بكلشى وكلاشى بيباى بيباى وفتحت الايميل الى دازلياة ولكيت شلون تدفع عن طريق الكاش مونى او بنك ترنسفير او وسترن يونين ومكتوبة الاسعار كلها مع السنين هسة شنو دينصب علية لو حجية صحيح واللة دوخنى مع تحياتى

[عراقي هواي]

تقفيص وكلاوات احذر

[غزوان الاعظمي]

دير بالك و خابر الشركه و كللهم همه يعرفون الرقم الي اتصل عليك هاي اذا كلاوات

بس اني صديقي طلعله كرين كارت عن طريق اليانصيب و راح بامريكا هسه هوه صار 7 اشهر

بس اني الي صار بيه غير شي جاني مسج و كلي انته ربحت سياره شوفرليه اتصل بنا لتحديد موعد الاستلام اني هم عفت الاكل و فرحت .. بس كلت خلي اخابر الشركة اخاف كلاوات ليش البس الكلاو براسي .. خابرت و كلتلي انتبه هاي كذب و نصب و احنه نبهنه عليها انو لا احد يرد عليهم ولا يتصل بيهم

[Zombie]

صديقي عموري1

الله بالخير عليك

صديقي هذا مو نصب واحتيال بس هوة تقفيص للعجوزية

هاي الشركة تاخذ المعلومات اللي مطلوبة بأستمارة التقديم لليانصيب مال امريكا وتسألك ياها , وانته تجاوبهم , وهمة يترسوها الأستمارة مالتك ويدزوها ويخلوك تشارك باليانصيب مال كرين كارد

بس ما اتصور اكو واحد عجوزي لهالدرجة بحيث ينطي فلوس لشركة تملي اوراق هوة يكدر يمليها بأقل من نص ساعة فنصيحتي اذا تريد تشارك باليانصيب انته املي الأستمارة مالتك ووببلاش , ولا تدفع فلوس لأحد يمليلك الاستمارة

او اذا تريد دزلي معلوماتك وشكد همة طالبين منك جماعة ال USAGC واني انطيك اوفر اقل منهم 50% شنو رأيك خخخخخخ

حبي هذا الموقع مال اليانصيب , بس هسه مقفل , هوة يفتح من شهر ال 10 لل 12 بكل سنة
www.dvlottery.state.gov/

تحياتي

[ISKENDER]

ههههههههههههه اخويه مبينه كلاوات لا وجماله يكول احنا منتصل على احد بس انته هاي فرصتك يعني هوه هيجي حابك
ويريدلك الخير بس انته خابر واتأكد احسن دير بالك تره تقفيص

[war man]

اخي عموري 1

انا هذوله من اضوج العب وياهم تدري لولا
وداعتك من ماعندي شي اروح اسجل بمواقعهم
واحط رقم التلفون ومن اوصل لمرحلة الفلوس
اسد الصفحه
ورى كم ساعه يدكون عليه وتعال اشبع ضحك
ال يكلي مبروك عليك الكرين كارد والي يكلي مبقى
شي وتاخذها  ومن هاي الافلام
شبعت ضحك عليهم تعرف شنو شبعت يمكن مسجل
مية اسم يمهم ونفس الافلام واخر شي اكله اسف ماعندي فلوس وبطلت

هسه شلونك...

[ahmedIraqi]

هذا تقفيص دير بالك

[علي النعيمي]

عمي هاي كلاوت لو اشوفك شيدزون بالايميل تكول اني صرت مليونير

[ISKENDER]

اخوان عندي سؤال بس كوليلي ايصير واحد متجنس امريكي صارله 15 سنه يسحب شخص من العراق على كفالته
يعني هذا الشي موجود ؟؟؟؟؟؟
ارجو من جماعه الخبره يجاوبوني

[زهرة الصبار]

كذابين لاتدز مسج ولاتخابر ترة كلاوات ينصبون حشاك عالقشامر ميدرون العراقيين كلهم مفتحين باللبن ومو مثلهم اغبياء

[Everything]

اخوان عندي سؤال بس كوليلي ايصير واحد متجنس امريكي صارله 15 سنه يسحب شخص من العراق على كفالته
يعني هذا الشي موجود ؟؟؟؟؟؟
ارجو من جماعه الخبره يجاوبوني

ما ادري على الاكثر تكدر تسحب امك يا ريت البقية يجاوبوك او تنزل موضوع خاص بهل المساله

[angie-dawood]

اخوان عندي سؤال بس كوليلي ايصير واحد متجنس امريكي صارله 15 سنه يسحب شخص من العراق على كفالته
يعني هذا الشي موجود ؟؟؟؟؟؟
ارجو من جماعه الخبره يجاوبوني

شنو صلة القرابة بينهم ؟

[Cpt_Ali]

دربالك اخوية ترة هذولة نصابيين, لو دافعلهم فلوس جان أكلتلك واحد من هذني بالصورة اللي جوه

[jan2011]

بس ردت اكلك اني هم استلمت ايميلات من عدهم هاي انت لازم امحاول تدخل على هيج ويب سايت المهم اذ الايميل الجاك نهايتة دوت كوم يعني جذابين اني سالت والمكان الوحيد الي ممكن تربح منة لوتري هوة دوت استست على صفحة السفارة ولازم اتكون دافع رسوم الاشتراك ولادز اي فلوس لان بموقع السفارة من تحول الفلوس متحولها البريطانياو على حساب شخص ةالرقم يمكن الخابروك منة لو تركيا لو لبنان

[عمورى 1]

اشكر كل تعليقاتكم اخوانى واخواتى على هذا المجهود الطيب واليوم هم نفس الشى هم خابرنى ساعة 10 الصبح جلب وياية احنا انريد انساعدك والايميل الى دزلياة ينتهى org وطبعا هو الرقم مالتة برايفت نمبر كتلة ما عندى فلوس ادفع كلى ياعزيزى هاى بس مال اشتراك وهاهية كتلة انت منين دتخابر كلى من امريكا كلى احنا منظمة عالمية كتلة امهلنى افكر منا الى يوم الاحد كلى على راحتك بس احنا الى علينا سويناة وياك وهاى خوش فرصة لا اضيعها من ايديك واحنا انريد انساعدك بحصولك على الكرين كارد والعيش فى امريكا وطبعا هو نفس الشخص عرفتة من صوتة زين هاى شلون هسة كولولى يرحم والديكم

[Cpt_Ali]

اشكر كل تعليقاتكم اخوانى واخواتى على هذا المجهود الطيب واليوم هم نفس الشى هم خابرنى ساعة 10 الصبح جلب وياية احنا انريد انساعدك والايميل الى دزلياة ينتهى org وطبعا هو الرقم مالتة برايفت نمبر كتلة ما عندى فلوس ادفع كلى ياعزيزى هاى بس مال اشتراك وهاهية كتلة انت منين دتخابر كلى من امريكا كلى احنا منظمة عالمية كتلة امهلنى افكر منا الى يوم الاحد كلى على راحتك بس احنا الى علينا سويناة وياك وهاى خوش فرصة لا اضيعها من ايديك واحنا انريد انساعدك بحصولك على الكرين كارد والعيش فى امريكا وطبعا هو نفس الشخص عرفتة من صوتة زين هاى شلون هسة كولولى يرحم والديكم

اذا مستعد توثق بيه وأتورقله فعادي, بس مثل مكتلك حضر نفسك راح تاكل واحد مثل هذني بالصورة اللي جوه, وانت اختار ياهو المنهم اللي تريد تاكله, واذا تريد تاكل فد بوري محترم من غير هذني بالدزايين فهمين موجوده!!! كلشي موجود بهلعالم اخوية, انت بس عليك اختار, بس اهمشي لتندم بعدين, وانت حرررر!!!

[Saqar]

اخي العزيز لالالالالالالالالالالالالالالالالالالا تتورط كذب كذب كذب
اني نفس الشي قبل كم سنة شفت الاعلانات مالتهم كانت على الياهو وهيجي بس دخلت عليها لو تورطت يومية يدوزلك فد 5 او 6 ايملات وبالتالي تكول خلي اجرب حظي وتنطي الرقم مالتك ويشتغلون مخابرات
اني خبروني بيوم من الايام وكلي انت بقيت واحد من 10 اشخاص راح يقع الاختيار على واحد منكم وهاي فرصة ولاتظيعه ولازم تدفع 299$ وبعدين وراها 199$ المهم هو يضل يوجبك بالسعر كلما يخابرك اني كتلة اوكي بس احنة هنا ماعدنة لا ماستر وكردت ولافيزة كارد واصلا احنة بوكته كانت مموجودة بالعراق يعني اذا اتكول هيجي شي الا يضحكون عليك بالعراق المهم مافاد لزك فاني كتلة اوكي انطيني مجال اتصل باحد اخواني الي برة واشوف بلكت همة عدهم كلي اوكي انطيني الرقم هسة اني اربطك بيهم وفعلا حولني اولا عمان وبقيت احجي وية اختي هناك يمكن 20 دقيقة ومن خلصت كتلة ماعده اشو متحاولي على المانيا وهم نفس الشي المهم كظيته تلفونات براسة خابرت الكل وسلمت عليهم وبدل ميلعبوني اني لعبتهم خخخخ
المهم عندي صديق خالته بامريكا وتشتغل بمصلحة الضرائب رحت يمة ودااحجيلة فكام خابر عليه وحجالها الموضوع لان هو بوكته يريد يطلع لامريكا كال اذا اكو هيجي شي اخليه هية تدفعلن من هنا وتتابع الموضوع من يمه وكلله اكو هيجي شي سمعت كلتلة اوكي دزولي الايميل مالتهم المهم ماطوله عليكم الجماعة طلعو نصابة وراها بفترة اجت هية البنية هنا للعراق والتقيت بيها وحجتلي الفلم ورايحة عليهم على المكتب مالتهم ومسويتهم فلم هندي وماخذ وياها حتى شرطة وطلعو الجماعة شركة مال نصب واحتيال ويستهدفون بالذات الشباب والي طبعا حلمهم انه يوصلون امريكا وبالذات منطقة الشرق الاوسط
فاخوية العزيز هذا الموضوع داانقلك اياه بامانة مثل ماصار وياي وهاي كل التفاصيل الي اعرفه عن الموضوع

بالمناسبة اكو موقع مال اللوتري الامريكي مال الكرين كارد الموقع الرسمي وهذا اكو فترة من السنة ينفتح وتقدم عليه وذاك بلية متدفع فلوس والموقع الصراحة ماعندي بس الصراحة موجود يم شخص صديق راح اشوفة اذا موجود راح انزل الرابط مالتة انشاء الله

[حمزاوي]

حبيبي عموري
ارجع خابره
او لالالا ماكو داعي تصرف رصيد
بس دزله مسج
كله هيه مال دروب هي دبدوب
دير بالك حبي تره منتشره سالفة النصب والاحتيال