ارجو المساعدة لان انتوا مصدري الوحيد

[اسراء بغداد]

مرحبا

بس عندي سؤال بخصوص الكرين كارد

ايصير اقدم علية قبل ميصيرلي سنة بامريكا و اذا ايصير يعني لازم صايرلي كم شهر بامريكا




مع كامل احترامي الى حضراتكم

[مغترب بلا وطن]

 قانونا ما يصير.

[اسراء بغداد]

شكرا ال حضرتك مغتر بلا وطن

على الرد

[ألن في بلاد العجائب]

يجب اكمال 365 من يوم دخولك لامريكا علمود تكدرين تقدمين على الكرين الكارد ف حالة رايحه لاجئه على IOM

[مشلوع كلبي]

خويه انتى صار كم شهر كملتى بدخولك امريكا

انى قدمت من كملت 11 شهر ودزيت الاوراق واستلمت الكرين كارد بعد اربع اشهر من تاريخ التسليم

[SARA CALIFORNIA]

ميصير اختي,لازم تمر سنة كاملة من تاريخ دخول الاراضي الامريكية....

[مشلوع كلبي]

اختى انى قدمت قبل لا اكمل سنه بشهر

واجانى موعد البصمه بعد اسبوعين وبعد البصمه بثلاثه اشهر استلمنا الكرين كارد انى والعائله

[عكعك التطوى]

كلام الاخ مشلوع كلبي صحيح يوجد هناك من قدم قبل اكمال السنه على الكرين كارد بخلال شهر ال 11
لان فرق اسبوع او اسبوعين متاثر

[SARA CALIFORNIA]

                                                                                                                                                         Eligibility Criteria
You must apply for a green card 1 year after you are admitted to the United States as a refugee if you
Have been physically present in the United States for at least 1 year after being admitted as a refugee
Have not had your refugee admission terminated
Have not already acquired permanent resident (green card) status
 
اخي,صحيح انته قدمت قبل متكمل السنه بس تره فايلك انحفظ الى ان كملت السنة يله مشو المعاملة او منا لما وصل السره لفايلك كملت السنة و يجوز اكثر..و اعلاه هي الشروط مال التقديم
            

[اسراء بغداد]

جزيل الشكر الكم
اخواني الاعزاء واني جدا ممنونة  على ردودكم القيمة

تحياتي لكم

[ISKENDER]

اذا مقدمه على iom  فأصور اقل منه سنه يعني حوالي 9 اشهر تاخذين كرين كارت
بس اذا على اليو ان لازم تكمل سنه ياله تكدرين تقدمين
تحياتي
اسكندر

[SARA CALIFORNIA]

اذا مقدمه على iom  فأصور اقل منه سنه يعني حوالي 9 اشهر تاخذين كرين كارت
بس اذا على اليو ان لازم تكمل سنه ياله تكدرين تقدمين
تحياتي
اسكندر

القانون يكول سنه لاي لاجي سواء اي او ام او يو ان نفس الشي ماكو فرق...

[اسراء بغداد]

اني مقدمة على iom

[SARA CALIFORNIA]

اني مقدمة على iom

تريدين اساعدج بملي الاستمارة؟؟؟تره استمارة الكرين كارد من ابسط الفورمات الموجودة ما بيهه صعوبة ابد..حاولي تمليهه و اذا اكو شي صعب عليج اني بالخدمة سويتهارت بالمناسبة اني سويتهه لحالي محد ساعدني بيهه لا محامي ولا منظمة ولا بطيخ...

[اسراء بغداد]

شكرا اختي العزيزة سارا

بس اني صارلي 6 اشهر بامريكا بس

وحبيت اعرف اذا ممكن اقل من سنة اكدر اخذ الكرين كارد والي هسة مااعرف الجواب الاكيد شنو والاخوة ديساعدوني بردودهم ومعلوماتهم بس ياريت الي عندة معلومات اكيدة وجديدة  يرد علية
والفائدة للجميع

[SARA CALIFORNIA]

شكرا اختي العزيزة سارا

بس اني صارلي 6 اشهر بامريكا بس

وحبيت اعرف اذا ممكن اقل من سنة اكدر اخذ الكرين كارد والي هسة مااعرف الجواب الاكيد شنو والاخوة ديساعدوني بردودهم ومعلوماتهم بس ياريت الي عندة معلومات اكيدة وجديدة  يرد علية
والفائدة للجميع

حبي اسراء معقولة ليهسه معرفتي الجواب؟؟؟اختي الا سنة يله تقدمين على الكرين كارد اخذيهه مني اني داخلة اي او ام مثلج و هم عبالي اكدر اقدم قبل السنة بس كالولي ميصير الا تكمل السنة يله تكدرين تقدمين,,,و اني نقلتلج شروط التقديم على الكرين كارد,,تريدين اترجمهه؟؟؟

[اسراء بغداد]

لا حياتي شكرا

بس اني  اشتاقيت الى اهلي با العراق وكلت عسى ولعلى اكو قرار جديد

[ريم عبد]

حبيبتي اسراء
تكدرين تقدمين على الكرين كارت بعد ال9 اشهر من دخولك امريكا
لكن متمشي المعامله الا بعد اكمال السنه يله تبدي الاجراءات
بس قبلها انتي تسوين الفحص الطبي وتدزوين اوراقك وتنتضرين الفنكر برنت وبعدين تصفنين الى ان تخلص السنه

[abuhatem]

احد الاخوان من اهل التسعينات في امريكا يقول انه كانوا يقدمون بعد 9 اشهر من وصولهم لامريكا ، وطبعا لا يستلمون الكرين كارد الا بعد اكمال السنة. بس طبعا راح تختصر الوقت

[اسراء بغداد]

شكرا جزيلا

على الردود   حبي ريم عبد

والاخ abuhatem