سؤال الي يعرف مدى مدة صلاحيه الفحص الطبي

[basma_mazen]

مرحبا  اخواني  حبيت  اسئل  عن  مده  صلاحية  الفحص  الطبي  ولقاحات  ماقبل  السفر  وشكد المدة  ولازم  تنعاد  وهل  كل  الدول  تعيد  الفحص   ياريت  الي  عنده  معلومه  يفيدنه

[ألن في بلاد العجائب]

6 اشهر

[basma_mazen]

شكرا  لكprado1
بس  احنه  راح  نكمل  6  شهور  ولسه  ما  اخذنه  رد  المحلف يعني  لازم  نعيد  الفحص  بهيج  حالة  لو  شنو ياريت  اذا  اكو  معلومه

[احمد عباس]

شلون يعني ماخذتو رد المحلف ؟
هوه الفحص الطبي مو وره موافقه المحلف ؟

على العموم هوه 6 اشهر ومن يخلص همه وره فتره يخابروكم اعاده الفحص الطبي

[Saqar]

شلون يعني ماخذتو رد المحلف ؟
هوه الفحص الطبي مو وره موافقه المحلف ؟

على العموم هوه 6 اشهر ومن يخلص همه وره فتره يخابروكم اعاده الفحص الطبي

لا اخي العزيز مو شرط
اني مسوي فحص طبي واصلا بعد اني ممقابل المحلف لي سهة
وللعلم ماخذ الدورة التثقيفية همين
تحياتي

[(prince)]

حبيبي فحص طبي 6 اشهر واذا صار اكسباير اتسوي واحد جديد

[ريم عبد]

اخت بسمه
صلاحية الفحص الطبي الى ان همه يتصلون بيكم على الاعاده
لان هذا يحدده الطبيب بالتقرير شكد تحتاجون لاعادة الفحص الطبي
احيانا سنه واحيانا 6 اشهر
واحيانا كل فرد من العائله يكون اله اعاده شكل
احتمال احد اصحاب الكيس ينعاد ب6 اشهر والثاني سنه يله ينعاد
المهم يجي اشعار من السفاره بان الشخص الفلاني عنده اعاده  وهمه يتصلون بيكم
واكيد انتي مقدمه من بغداد لان بس في بغداد يفحصون قبل المحلفين

[basma_mazen]

مرحبا  اخي الكريم  احنه  مقدمين  من  سوريا  وقابلنه  المحلف  بس  النتيجه  لحد  هسة  مجتي  صار  5 شهور  تقريبا
يله  ننتضر  واذا  خابرونه  نعيد  الفحص والله  كريم  وشكرا  لكل  الي  افادونه  بمعلوماتهم

[ALmlahaltaeh]

احنا بسوريا 12شهر وينعاد الفحص
واعتقدبالاردن 6اشهر
وبلية حسد اعدناالفحص لمرة الثالثة
يسرالله امور الجميع للذي فيه خيرا لهم

[لوليه]

  مصيبة اذا كان 6 اشهر هاي انتو على امريكا اما احنا استراليا كما قال النا المحامي فهو سنة واحنا فتنا بالتسع تشهر و عشرة يام ادعلولنا تطلع قبل السنة 

[basma_mazen]

ان  شاء  الله  الكل  تطلع  موافقاتهة  ومواعيد  سفرهة  ومتحتاج  لاعادة الفحص باذن  الله