شتكولون انتظر على البنفت لو اطلع بوجهي بعد الفيزة

[فيمالاه]

اخوان اطلب من اللي يعرفون واصحاب الخبرة انه ينوروني لان اني محتار
هل انه انتظر البنفت لو اطير كبل؟؟؟؟
اني قابلت بداية السنه ومتفائل انه استلم الفيزة عن قريب (تفالوا بالخير تجدوه)
بس اني محتار
عندي صديقي باحدى الولايات وساكن بشقة وحده وكلي اريدك تجي وياي لان التسهيلات اللي راح اتقدمهه الك المنظمة راح ياخذوهه منك عاجلا او اجلا
فليش تتاخر وانت تكدر تجي لهنانه وبالنسبة للفود استامب تكدر اتطلعه بيومين لمن توصل
الصراحة اذا واحد يكدر يشرحلي اكثر عن طبيعة المنطمة وهل فعلا راح ياخذون القرض اول وتالي من عندي وباقي الاشياء اكون ممنون

[kunda]

لالا احجي الصدق اخاف ماخذ فيزا وخايف من العين 
حبي اللي اعرفة انها قرض السفر براسك براسك ... بس أكو شغلة مامتأكد منها وهي الولكم موني ال1100 دولار يمكن تنعلس عليك اذا رحت على حسابك بس انت همينة بحوش ....بالنسبة الي اني اذا شفت الوضعية تعبانة ويومية ثورات ومظاهرات والسفر متوقف اصير مجبور اروح على حسابي قبل ما تخلص الفيزا وتعال يااونكل شيلني

[علي النعيمي]

اخي جانت البنفت 900 العام هسة 1100 ولاتخليهم يغلسون عليك المبلغ اشتكي عالمنظمة اذا منطوك الفلوس وبالنسبة للقرض براسك لانو همة يستفادون منك ولو علة حجايك جان الكل تسافر بدون وجع راس وتسهل امور المنظمة

[kunda]

حبي راين نصيحتي تأسسلك كروب المستلمين فيزا ومنتظرين التكت ههههههههههههه
وراها تسوي كروب المستلم تكت بس بعده ماصاعد طيارة
وراها تسوي كروب النازلين تراتزيت بالمانيا
وراها تسوي كروب الديسوون اوراق الولفر والفود ستامب
وبعدين انت اوتوماتيكا راح تصير عضو فعال في كروب قديم وأصيل يضم الكثير من العراقيين وأسمه كروب اليحجون على امريكا بالموزين وينصحون المنتظرين ب ((لاتجون وتايبيين))

[owenh79]

قووووووووووووية كوندا ............ و الله متت من الضحك ,,, هاي ليش هيج وين راين. اشلونكم اصدقائي و شخباركم؟ شنو ماكو اخبار عن المعتقلين  .

اخوية راين و كوندا , ممكن رجاءا تفهموني شنو فلم , البنفت و الولكم مني و الفود استامب و العناية ........الخ ؟الاسئلة اجبارية مابيها ترك  . و لازم تكتبهن باللغتين العربية و الانكليزية  .

اخوية كوندا ,اخر الاخبار الاقمار الصناعية التقطت ماتريكس بمحطة القطار ببروكسل  , بس تعرفون ماتريكس يجوز هسه وصل للعراق .راين شنو اخبار  ارمي ,ماكو شي جديد.

تحياتي.........

[عراقي هواي]

كل اللي ذكره راين مضبوط

اذا صديقك يقدر يوفرلك كل الخدمات اللي تساعدك بيه المنظمه وعندك امكانيه تسافر على حسابك توكل بالله واذا لا انتظر والله كريم

واحسن واحد يفيدك بهذة المسأله الكتورة سرى لان هي وزوجها طلعوا على حسابهم ومناك كملوا باقي الاجراءات على ما اذكر تكدر تسأله على الخاص وانشالله متقصر

[عونك يارب]

اخي فيمالاة
اني قبل سنة ونص جيت الى امريكا على حساب المنظمة لان احنا جنا عائئلة3 نفرات وما ردت ابهذل العائلة بالنسبة الشي الوحيد اللي تفيدك بية المنظمة هو السكن والاثاث اللي بعدين تشمرة بالشارع لان ما يسوة  اما بقية الشغلات المنظمة اعتمدت على الكفيل وذبت كلشي براسة والى هسة ادفع اقساط التذاكر بالنسبة للويل كوم موني مو كل المنضمات تسلمة باليد احنا اشترولنا بية الاثاث ودفعو ايجار وكهرباء 3 اشهر وحسبو حتى الشغلات اللي اشتروها من ماكولات  خصم الحجي اتوكل على اللة وروح بلة هاي المساعدات التعبانة مادام عندك احد يساعدك بلاها المنظمة بالنسبة للفود ستامب والمديك ايد تكدر تروح تخلصها انت واذا انتظرت تسافر غلى حساب المنضمة رح يسفروك بعد ما تستلم الفيزا بشهرين واكثر عن خبرة اكلك روح على حسابك

[ريم عبد]

اخي فيمالاه
بالنسبه للسفر على حسابك راح تخسر الويلكم موني اولا وباقي المساعدات تتمتع بيها
ثانيا تدفع تذاكر السفر نقدما ومقدما
ثالثا اذا ردت تستأجر لازم عندك هستري وشخص يكفلك يكون راتبه اما ضعفين او 3 اضعاف حسب شروط المؤجر
رابعا عندما تاجرلك المنظمه راح يكون عقد الشقه باسمك وهذا ينحسبلك بالهستري
مثلا حتى لو انت رحت يم صديقك وافرض مكدرت تستمر وياه وبعد شهرين او 3 تريد تطلع
بهاي الحاله متكدر لان انت اصلا بدون هستري وماكو عقد باسمك ثانيا ماعندك كفيل
اما اذا اجرتلك المنظمه في البدايه والعقد باسمك وره نهاية العقد تكدر تطلع تأجر شقه باي مكان اخر يعجبك لان كونت هستري
خامسا قرض السفر صح انت راح تدفعه بكل الاحوال لكن اولا ميكون كاش والكاش يفيدك بالايام الاولى وثانيا بعد 6 اشهر يستقطع بالتقسيط المريح وينحسبلك بتقوية الكريدت مالتك ورفع نقاطه وتعزيز تاريخك المالي
سادسا تقوملك المنظمه ببعض المساعده في التنقلات الي تتطلبها الايام الاولى مثل المراجعات الرسميه
وتنطيك فكره عن برامج المساعدات وايهما تفضل وكذلك فكره عن الاعمال المتوفره

[ARMY STRONG]

حبي فيمالاه
انته دبلك شلونه صاعد لو نازل
هي تعتمد على دبل

ARMY STRONG
بلاك لست عتيك

[IMMIGRANT2]

                عرب وين وطنبوره وين !!!!!!!!!!!!!!!!!!!!!!!!!!! لا اخي اطلع بظهرك بعد استلام الفيزه

[فيمالاه]

اخواني واخواتي الاعزاء
اشكركم على الرد والمساعدة اللي قدمتوها اللي وهس اكيد راح اتفيد كل واحد من عدنه
والمسالة انشاء الله مسالة وقت للجميع والكل طافرين بدون استثناء حتى جماعة البلاك لست
واني ارجع واكول اني متفائل وانشاء الله شهر الخامس يكون خير علينا
عندي شخص بامريكا خابرني قبل فترة وكالي منانه الى اسبوعين اذا ما طلعت الفيزة اخليلك محامي يتابعهه اذا تريد
وبصراحة ( ولان اني متفائل) كتله لا بعد وقت لان اني ما صارلي ثلاث اشهر من قابلت القنصول
بس الاخ امكرانت ( immigrent2 ) شنو قصدك روح بظهرك لامريكا ... ليش مو بوجهك ...ممكن توضيح