أسأل اي شئ بخصوص السويد واني حاضر من اللجوء &

[steve101st]

السلام عليكم حبيت انزل هذا الموضوع بخصوص المراحل المهمه في السويد وخفايا الامور اسأل او استشير وليس ضرر بالموضوع واني حاضر لكل الطيبين الموجودين تحياتي للجميع .

[ARMY STRONG]

كدها ستيفو ما تقصر و الله

هسه صار عدنا مراسل بل سويد
عفيه عليك

ARMY STRONG
على عناد كل مدسوس

[steve101st]

بالخدمه حبي اني حاضر خلي انغطي جزء بسيط من اوربا وبعدين نسوي قناة كامله

[ألن في بلاد العجائب]

اهلا و سهلا بمراسلنا من السويد عشت متقصر ان شاء الله
شخبار اللجوء بالسويد اكو للحالات الفرديه لو هم قفلوا 100 بالميه 

مراسلكم من مطار عاليه
الن

[owenh79]

اخوية ستيف ,شنو للفلم بالسويد حاليا؟اكو لجوء لو لا؟

[البزعااااانه]

مرحباااااااا
أحيييك على هذا الموضوع المهم جدآ لان هوايه من اهلنا عاصيين هناك
كولي بلا زحمه ديسمعون الاهل هناك أنو بهاي الفتره أحتمال يكون اكو أخبار جديده وحلوه بخصوص العفو والاقامه
هل صحيح أكو هيجي بوادر لو لا ؟؟؟؟
اشكرك مقدمآ على الأجابه وجزاك الله كل الخير

[matrix iraq]

ذهب مولاي

واذا انرفضت من السويد اني حاضر على بلجيكا 

[steve101st]

طبعا اللجوء مفتوح لحد الان لكن المشكله مو باللجوء في الاقامات يعني اني اعرف كثير من الناس الي ادمرت نفسياتهم بسبب الانتظار ومن الرفض بس هل السنه قليل جدا دخلو الى السويد ودائرة الهجره دينطون لجوء بس تقطير وسنه واحد فقط حمايه ينطون بس صدكوني المشكله مو بالسويدين المشكله في بعض الشباب والعوائل الي ما يستحقون ان يعيشون هنا اولا الكذب على الحكومه هاي عادي صارت وثانيا بس استلم اقامه رجع للعراق وهذا اكبر سبب على الاقامات بس والله يعني مع كل الاسف على هيج ناس يصيحون احنه متهددين والحكو بس يستلمون اقامه رجع للعراق بس الحياة بالسويد مو صعبه سهله والناس يكلون الجو بارد وماكو شغل على اساس العراق الشغل مكوم لو الكهرباء لو النظافه لو الاحترام من قبل الحكومه لو الرشاوي المهم هوايه شغلات وطويله السالفه اني حاضر للطيبين ها نسيت اكلكم شغلت هاي المحكمه الدوليه الاوربيه حتى تنضر بقضية العراقيين الي مرفوضين لو ديرجعوهم للعراق قسرا والمحكمه تساعدهم كله كذب بس مجرد يرجعون الهم بس الهويه مالت اللجوء فقط .

[steve101st]

الاخبار غير جيده هنا بخصوص الاقامات في الوقت الحالي بس فد معلومه حلوه الكم كل بلد اوربي تنزل قوانينه في شهر السابع من كل سنه بعني احتمال هل السنه ينفتح اللجوء احتمال بس مو قوي لانه هيه خربت من وره المالكي انقفلت بس اكو حالات خاصه وطبعا ماكدر اشرحها بالمنتدى الي  يريد ياخذ لجوء 100%100  واقامه واكو شغله ثانيا الي بيكم يريد يطلع للسويد احسن ما يدفع مالت بلان بي مالت ارمي يكدر يحصل على زواج بفلوس يعني مثلا الطلعه تكلف 10000 دولار او 15000 بس يكدر مثلا يحصل زواج من بنت 20000 بس زواج وياخذ جنسيه خلال سنتين هاي اذا كانت هيه جنسيه واذا بنيه همين تريد تطلع هم تكدر هيج تسوي تزوج ولد بس هاي الطريقه مضمونهه 100%100 هاي احسن طريقه اكدر اقدمها الكم واي استفسار اني حاضر

[مغترب بلا وطن]

يكلك حتى السوسيال صاير تفاليس بالسويد

[ميمي2010]

شكرا اخونه ستيف عاى هاي المبادرة الجميلة وبارك الله بيك
فد سوال اخوي بلا زحمة عليك
بت خالتي هي وامها وابوها واختها ....... عدها اخ بالسويد وهو لاجيء سياسي........ وهي اهنا بعمان هم لاجئة بس بعدها ما متحوله لاي دولة شنو الي يكدر يسوويه اخوها اله لان هي رايده تروح هي وعائلتها للسويد يم اخوها


فشنو تنصحنه اخي حتى يسسوه وشكرا مقدما الك اخي

[owenh79]

لك ستيف انكلب الجاي و احتركت, انته شو احركت فلم ارمي ,تعال هووووووووووووب خلي افتهم هاي اشلون مالت تزوج سويدية و تاخذ جنسية بسنتين؟؟؟؟؟؟؟؟؟؟؟؟!!!!!!!!!!!!!!!!!!!!! .

للشغلة يرادلها كعدة على الخاص و ماسنجر...........انتظرني ستيف جايك.

تحياتي..........

اخوكم اوين

[احمد77]

تحياتي لكاتب الموضوع واود ان انوه حول معلومه الحصول على الجنسيه السويديه خلال سنتين انه غير صحيح وان المده هيه ثلاث سنوات وبعد اكتمال الثلاث سنوات يستطيع المقيم التقدم بطلب الجنسيه. القانون قد يكون غير واضح لان النص هو يحق للمقيم المتزوج من سويدي الجنسيه بعد مرور عامين على زواجهما وثلاث سنوات على اقامته في السويد ان يتقدم بطلب منح الجنسيه. في كل الاحوال المده هيه ثلاث سنوات وهذا يا نجر الي يقنع و يزوج سويديه بقصد الحصول على الجنسيه ويكدر يطول وياهه ثلاث سنوات بدون ما تقلب عليه؟والي يدبرها هذا يا بطل

[steve101st]

ج/ الاخت ميمي هو انه اخوها لبنت خالتج يروح الى دائرة الهجره حتى يسألهم على التقديم الى امه وابو اولا وبعدين اخته تجي عن طريق امه وابوه يعني اولا يقدم استمارة زياره او لم شمل والزياره اسهل طبعا لانه لم الشمل صعب جدا يمكن يصير ويمكن لا المهم واهم شغله اذا ابن خالتج عنده سياسي لازم يكون اقامته نوع (A3) وهذا يحق اله ان يقدم على لم الشمل الى امه وابوه اذا هو كان المعيل الوحيد الى امه وابوه لكن يكدر يقدم الهم زياره اسهل واسرع اما اخته يكدر هم يقدم الها بس اصعب من امه وابوه واكو شغله ثانيه عندما يقدم الى امه وابوه بعدين من يوصلون يكدرون يقدمون على لجوء احسن الهم وبعدين يقدمون الى بنتهم يعني مختصر الكلام العمليه مو سهله بس فقط اذا كان يشتغل جدا سهله واني ان شاء الله كفيت وفيت بالجواب واذا هم تردون هم اسأل اله عن طريق محامي سويدي صديقي .
...
ج/ الاخ owenh79 حبي قانون المواطنه هنا بالسويد اذا كان صاحب الطلب يحمل الجنسيه السويديه وقدم على الزواج من طرف مواطن اجنبي غير حامل الجنسيه السويديه من بعد ثلاث سنوات  يحق له التقديم على الجنسيه السويديه من بعد مرور ثلاث سنوات  من من تاريخ اصدار الاقامه مالته يعني شرح مفصل انت هسه اتزوجت من سويديه طبعا حتى لو عراقيه حامله الجنسيه السويديه هي تعتبر سويديه تزوج منها وتقابل بالسفاره وتطلع الموافقه مالتك راح يحطون الك اقامة عمل على الجواز وبعدين من وره سنتين من تاريخ اصادر الفيزا راح الك حق تقدم على الجنسيه السويديه واي شي تأمر اني حاضر .

[steve101st]

تحياتي للجميع حبيت اقدم الكم سلبيات وايجابيات عن السويد :

السلبيات /

1- وجود العمل ضعيف جدا
2- الجو بارد
الايجابيات /
1- المساعدات جيده جدا
2- السكن جيد
3- خدمة الصحه يعني اكثر من جيده والعنايه لكن الاطباء مو اكفاء
4-رعاية الطفل ممتازه
5- الاحترام فوق كل شي حتى لو كنت من اخر الدنيا جاي يمهم صومالي عراقي سويدي كله سوه القانون فوق كل شئ .

[زيد الصقر]

السلام عليكم   شكرا للاخ ستيف  وعندي ملاحظات اريد اضيفهه وهي
1  بعد سنتين تؤخذ الاقامه الدائميه وهناك  احتمال ان تمدد لسنه اخرى في حالة عدم النجاح بالمقابله
2 بعد 3 سنوات يقدم على الجنسيه في حالة بقاء الشخص على الزواج
3 في حالة الطلاق قبل السنتين فتلغى الاقامه ويطرد الشخص المتزوج ولذلك يتم الابتزاز كثيرا قبل الموعد الاخير  وصارت بلاوي لاتعد ولا تحصى فيجب اخذ الحذر  ولايفيد الشكوى لانه القانون لايحمي المغفلين   
4 لا يتم لم الشمل الا في حالة ان الشخص المقدم على لم الشمل يحمل الجنسيه او يعمل ابيض او له اكثر من اربع سنوات ماخذ الاقامه الدائميه في السويد حسب قانون دائره الهجره الصادر 15 ابريل 2010
5 اذا كان الزواج وهمي على ورق فانه ستبرز مشاكل لاتعد ولا تحصى بسبب اختلاط رواتب الزوج والزوجه  والوحيد الذي لايدخل بالمشاكل الماديه  هو الشخص المتقاعد فقط اقصد الشخص حامل الجنسيه السويديه يكون متقاعدوالموضوع لايسعني تفصيله فهو طويل جدا
6 من كل ما ورد ارى انه الي يريد يدخل هذا الطريق تره يشوف الويلات فنصيحتي هو الزواج الحقيقي  ويا حبذا ان يكون بيه اطفال         اللهم هل بلغت اللهم فاشهد

[steve101st]

انت صح كلامك بس الزواج على الورق اذا كان عن اقرباء وليس غرباء

[بغدادي76]

السلبيات / + إظافاتي

1- وجود العمل ضعيف جدا
2- الجو بارد
3- ناس ماكو والسويديين انطوائيين وماعدهم علاقات طويلة الأمد (على كد الحجاية) السويد بيهه 3 مدن جبيرة (يسموهه جبيرة مع انو هيه صغيرة كلش) ستوكهولم (عدد السكان مع الضواحي مليون) يوتيبوري (500 الف) مالمو (250 الف) , وباقي المدن عبارة عن قرى صغيرة.
4-القانون ضعيف, وتطبيقه بطييييييئ, والعقوبات مخفضة, ماعدى في مجال المخدرات ... بس يسمعون مخ... رأسا تلكيهم فوك راسك.
5-البانزين غالي , دائما يعبر الـ 2$ للتر الواحد ! مقابل اللتر بدولار بأمريكا.
6-التنقل غالي جدا, سواء الداخلي او الخارجي, تخيلو بس جنت اروح للسنتر (10دقائق) وأرجع بالباص, جان يكلفني مايعادل 8 دولارات تقريبا ! , اما التنقل الخارجي فغالي بعد اكثر لأن السويد جبيرة والمسافات شاسعة بين مدينة ومدينة.
7- الرفاهية معدومة تقريبا, يعني جنك في دولة إشتراكية, اسماء الأسواق والشركات محددة, نفسهن وين ماتروح, الغراض بالسوبرماركتات تتعب ياله تلكي بيهه ماركة معروفة, كله صيني, كل سنتين ... تلاثة ياله تشوف سيارة راقية بالشارع ... مثلا بورش , فراري ...

الايجابيات /
1- المساعدات جيده جدا
2- السكن جيد
3- خدمة الصحه يعني اكثر من جيده والعنايه لكن الاطباء مو اكفاء + مشكة الإنتظار لأوقات طويلة للحجز (اسبوع اسبوعين اتلاثة ليحد مايجي السرة , إذا مستجعل ... روح للطوارئ!)
4-رعاية الطفل ممتازه (جدا)
5- الاحترام فوق كل شي حتى لو كنت من اخر الدنيا جاي يمهم صومالي عراقي سويدي كله سوه القانون فوق كل شئ + هذه بالتعامل الرسمي والحكومي, اما على مستوى الشعب , فالتعامل ويه الأجانب تعامل جاااااااف جدا (إحتقار صامت)
6- الإقامة دائمية في اكثر الحالات , والتجنس سهل بدون شروط, ولم الشمل بالسابق كان سهل جدا, والآن اصعب , لكن مازال اسهل من باقي الدول الأوربية (عدى بلجيكة)

[ميمي2010]

الف شكرا الك  اخوي ستيف وبارك الله بيك

[Engineer82]

سلام عليكم اخوان
عندي طلب ياريت تكدرون تساعدوني باي معلومه
اذا شخص احتاج طبيب اسنان شلون هناك؟؟
لان اخي بالسويد وصار عنده التهاب بسن وطلبوا منه 700 دولار
فهل هذا سعر طبيعي؟؟
لو اكو اطباء زينين واسعارهم ارخص
شكرا مقدما

[زيد الصقر]

سلام عليكم اخوان
عندي طلب ياريت تكدرون تساعدوني باي معلومه
اذا شخص احتاج طبيب اسنان شلون هناك؟؟
لان اخي بالسويد وصار عنده التهاب بسن وطلبوا منه 700 دولار
فهل هذا سعر طبيعي؟؟
لو اكو اطباء زينين واسعارهم ارخص
شكرا مقدما

اذا كان اخوك على نظام السوسيال يعني ماعنده شغل فالسوسيال يدفع كل المبلغ حتى لو كلف اي مبلغ وميدفع اخوك غير خمسين كرونه يعني حوالي 8 او 7 دولارات  شرط ان ميكون بيهه عمليه تجميل يعني للعلاج فقط او الحشوه او القلع وماشابه اما اذا كان اخوك يعمل ابيض ويدفع ضرايب معناها كلهه تصير من جيب اخوك   وخلي يدور بالانترنيت ياهو ارخص مكان يروحله والله يشافي ان شاء الله

[المهندس زياد]

اخونا العزيز

تحية الك

اريد تفصلنا بالدقة شنو قصة قانون الاقامة والعمل الجديد الي هسه ديصير كلام مطول عليه هل هو مفيد ؟
شنو شروطة وهل يمنح اقامة دائمة وهل يكدر يتجنس وراها؟؟؟ وخلال شكد ياخذ الجنسية؟؟؟؟

وهل يوجد نوع عمل معين او مرتب شهري معين  لهذه الاقامة لو اي عمل ؟؟؟؟؟ واذا اكو مرتب شهري معين شنو الاعمال الي تتضمن هذه المرتبات الشهرية المطلوبة؟؟؟


مع الشكر

[زيد الصقر]

اخونا العزيز

تحية الك

اريد تفصلنا بالدقة شنو قصة قانون الاقامة والعمل الجديد الي هسه ديصير كلام مطول عليه هل هو مفيد ؟
شنو شروطة وهل يمنح اقامة دائمة وهل يكدر يتجنس وراها؟؟؟ وخلال شكد ياخذ الجنسية؟؟؟؟

وهل يوجد نوع عمل معين او مرتب شهري معين  لهذه الاقامة لو اي عمل ؟؟؟؟؟ واذا اكو مرتب شهري معين شنو الاعمال الي تتضمن هذه المرتبات الشهرية المطلوبة؟؟؟
قانون العمل بي حالتين الحاله االاولى هيه انه واحد يجي للسويد يطلب اللجوء واثناء طلبه للجوء يوجد عمل وطبعا المقصود عمل ابيض خاضع للضريبه وهذا فد شي من الخيال العلمي الا اذا كان عندك كرايب فاتح عمل ومستعد ان يشغلك وياه وهم هيه شبه مستحيله لانه رح يدفع بكد راتبك ضرايب   او امام الدوله يكول اني اطي راتب ولكن هو ينطيك ملاليم يموتك من الجوع
النوع الثاني ان تحصل عقد عمل وانت بخارج السويد وهذا هم شي شبه مستحيل   
تسألني هل هاي الاشياء صارت اكلك نعم صارت بس انذلو ذل الي سووهه اني مشيت بهيجي طريق لفتره بس العراقيين الشرفاء راووني ان الله حق  خلوني ادفع ضريبه لمده سنه كامله بعدين مسوولي عقد العمل يعني بين قوسين خلوني اشتغل سنه كامله ميتين ساعه بالشهر بلاش   هنا ربعنه اشداء على بني جلدتهم تشوف انواع الاستغلال   اخي جانب واحد يفيدك هو ان تشوف بت اوادم  تحمل الجنسيه تتزوجهه هذا هو افضل حل وكل الحلول الباقيه تره تدفع ثمنهه من مالك وعافيتك والله يوفقك


مع الشكر

[المهندس زياد]

اشكرك حبي بس والمتزوج شلون تحلها اله؟؟؟؟؟ ههههههههههههههه

كلش ممنون على الاجابة الجميلة

[miss lawyer]

السلام عليكم..اريد اسال بدون زحمه اني حقوقية وزوجي طبيب فقدت والدي ووالدتي واخي بحوادث ارهابيه متفرقه وزوجي فقد والده ايضا بحادث ارهابي ومؤخرا فقدت طفلي حديث ولاده فب احدى مستشفيات بغداد..حاليا انعرض عليه بما انو قضيتي قويه انو اسافر بفيزا عمل للسويد ومناك اروح الفلندا واقدم لجوء واسحب زوجي وره ماحصل لجوء الي اريد اعرفه اكو هيج شي يصير؟!اريد جواب شافي اتوسل اليكم تره والله ملينه