اذا واحد يتزوج اثناء فترة انتظار الفيزا شيصير؟ حيرة

[yoyo1979]

شتكولون الواحد يتزوج اثناء فترة انتظار الفيزا لو تخرب السالفة؟ 
ارائكم شباب...

[Safaa Alkhrkhy]

يافيزة منهن ؟؟ ممكن توضح؟

ابو سارة

[yoyo1979]

عيوني ابوسارة.... اكيد فيزة ال أس اي في... القصد مابعد فترة المقابلة الي راح تصير forever!!

[Safaa Alkhrkhy]

نعم اخي العزيز
خليني اتصل على ولد عراقي محامي هنا متخصص بامور الهجرة واللجوء واستفسر منة مو احسن ؟؟ خليك وياي لاتروح


ابو سارة

[yoyo1979]

اكونلك ممنون عيوني ابو سارة ... بأنتظارك ياطيب

[abo shams]

والله يا اخي الزواج موزين وبهذله قبل الفيزه و بعد الفيزة شلك بهاي السالفه خليك عزابي و متمتع بالوقت و الحياة واذا اجوك ( ورعان ) النوب امورك تتخربط عيوني ... خليك لا تتزوج هاي نصيحتي وتره اياثر جدا ويمكن متسافر اذا تتزوج هههههههه

[sara 2011]

اخ yoyo1979
اعتقد ان الزواج يأثر على المعاملة لان يطلبون منك اضافة الزوجة بالملف واكيد لمن تضيف الزوجة مورأسن رح تنضاف رح تاخذ موعد ومواعيد ماشاء الله هم موبسرعة تجي وانتظار ينرادلك هواية فسافر انت واخذ الاكرين كارت وبعدين ارجع اتزوج احسن واسهل وبالتوفيق انشالله
تحياتي

[Safaa Alkhrkhy]

اخي العزيز
هذا ماذكره لي محامي الهجرة واللجوء
بالنسبة لحالتك  فان زواجك في مرحلة انتظار الفيزة لايؤثر عليك ن ناحية السفر لكن بالنسبة للزوجة فانها لايحق لها جخول الولايات المتحدة استنادا على ملفك لانها لم تضاف اليه ويجب اضافتها بعد حصولك على الكرين كارت بمعاملة منفصلة وهاي تاخذ وقت ليس بالقصير... في حالة اضافتها للملف قبل السفر فيستوجب عليك تاخير ملفك لوقت غير معلوم حتى تستطيع السفر معك ....

مع الاعتزاز
ابو سارة

[زيد الصقر]

احتمال ينطوه فيزه ويسافر بس رح يلعبون بي طوبه بلم الشمل مال مرته  وتنام شغلتهه فتره لمن يلكي عمل ويستقر  يعني سالفه تعبانه    هذه صارت بامريكا لوحده اقاربي بنفس هذا الظرف بالضبط وصارت لصديقي بالمانيا دتسحبه مرته بعد ان راحت عن طريق اليو ان وبنفس الظرف ايضا  كل واحد بيهم رح يعبر السنتين هسه وبعده ممسوي لم شمل   تحياتي

[IMMIGRANT2]

اخي العزيز ..نصيحتي لك ان تتزوج ..أحسن..تعرف ليش لانه الفيزه راح تتاخر احتمال من تطلع الفيزه يكونون اطفالك الله يخليهم ويتربون بعزك مستحقين يدخلون مدارس...وانته شوف تحب خطيبتك اكثر لو الفيزه؟؟؟ .اخي العزيز احسب حسابك تره الامم المتحده بعد ماتتفرغ للعراقيين منا الى فد سنتين  لانه امامهم هوسة سوريا واليمن وليبيا والجزائر وساحل العاج  وايران والعراق وزمبابوي لانه الامم المتحده تريد كلها تصفي وبعدين ترجع للعراقيين تشوف منو بعده ماميت يدزوه الى امريكا تره بعدين تكول لاحظت برجيلها ولا حصلت سيد على...........

[Cpt_Ali]

واللهي نصيحتي اخوية, اذا اتحبها للمرة كلش ومستقتل عليها فروح اتزوج, بس اذا لا فلتتزوج دربالك, ترة الزواج أكبر عكال هسه بهلدنيا, روح سافر ورتب امورك وكون نفسك وتونس وعيش هاي الحياه الحلوة بامريكا وبعدين فكر بالزواج, ولتخاف البنات مراح يطيرون بهل الدنيا, بالعكس امزبلين بكل مكان وراح تختار اللي تعجبك بعدين, وانت يكيفك بعد

[kunda]

اخي سافر واتزوج وحدة امريكية    لالااتشاقة بس اذا لكيت عراقية أو عربية بامريكا بنت اوادم وحبابة ليش لا؟؟؟ توفر عليك انتظار المعاملة وتعبها وبهدلتها هاي في حالة اذا ماكو وحدة محددة ابالك يعني .

[yoyo1979]

الاخ العزيز ابو سارة الورد
وجميع الاخوان الطيبين الي ردوا... شكرا جزيلا على الجواب والله يبارك بيكم جميعا ويوفقكم يارب

اذا الاضافة راح تسوي تأخير اضافي فممتوازي عود وره السفر واحد يسوي لم شمل والله كريم
خلينه زكرتيه احسن ههههههههه 
تحياتي للجميع

[joe D.C]

اخي اني اتفق مع راي الاخ ابو ساره انو تسافر وتاخذ الكرين كارت ورتب وضعك هناك وبعدين ارجع واتزوجه بس تكدر تخطبه قبل متسافر من اهله علمود تتطمأن البنيه انو انته ترجعله مو ذهب مع الريح ولم يعد ههههههههههه وان شاء الله زواج السعد والذريه الصالحه.تحياتي.

[yoyo1979]

الف شكر حبيبي جو الورد

ههههههههههههههههههههه حلوة هاي مال ذهب مع الريح ... تحياتي الك

[ريم عبد]

اخي العزيز يويو79
تكدر تزوج في وقت انتضار الفيزه
الزوجه مترفقها وياك لكن تقدملها على الي اي او ام على اوراق الابلكيشن مالتك
وتكون هي البرينسبل اوف ابلكنت على اعتبار زوجها اس اي في هولدر
ومن تحصل على رقم الفيزه ترفقها بالكيس
وتمشي معاملتها مع ال اي او ام وانت تسافر الله وياك
لما يصدرولكياها
المهم اتكمل اجراءات زواجك قبل السفر ولتسمع كلام المعارضين للزواج
لان اذا سافرت قبل الزواج تكون المعامله اصعب وتطول اكثر وينحسب معاملة لم شمل وحتى مساعدات متشملها

سويها وعلى عناد العزاب

[yoyo1979]

مشكورعلى الرد اخت ريم الوردة
بس سؤال: شنو الي يمنع ان اسوي هاي الاجراءات بعد ان اسافر؟ القصد اسافر وبعد اكتمال اوراقي الاصولية ارجع واتزوج واضيفها على ال اي او ام بنفس الطريقة الي دتكولين عليها؟ لأن بهالحالة راح ابقه اس اي في هولدر وهيه راح يبقى الها الحق بمبدء لم الشمل على اساسه مع ال أي او ام؟

والله العزوبية حلوة هيه بس هم ضياع الحجي بيناتنه هههههههههه 

[احمد القيمقجي]

أخي yoyo
اجاوبك من تجربتي الشخصيه

ما دام انك قابلت مقابله السفاره و كنت اعزب غير متزوج فلن يمكنك اخذها معك ك SIV

لو  ذكرت انك متزوج في يوم المقابله و طلبوا منك اثباتات
لكانت زوجتك ضمن الي يحصلون على Follow to Join
لكن للاسف انت قابلت قبل زواجك

اذن تستطيع ان تسافر الى امريكا و لمن توصل هناك تقدملها على ال IOM
المهم ان يكون تستلم الفيزا مالتك و تدزلهميا و يمكنك التقديم لها الان بعد ان تستلم الفيزا او بعد ما توصل لامريكا بالسلامه

و حسب راي الشخصي المساله تطول من 6 اشهر الى سنه لكي تصل زوجتك يمك
و الله اعلم

[كاسـ الحنون ـبر]

الاخ ابو ساره والشباب اني مقدم على ال iom و خاطب وخطيبتي هيه الكفيله مالتي بامريكا حاليا اخذت الكرين كارد
وعندي مقابله محلفين قبل الزواج
اذا تزوجت هل راح يأخر الزواج سفري ام يعجل فيه؟؟
اتمنى تفيدوني لان جدا محتار واكرر خطيبتي بامريكا وحصلت على الكرين كارد 
بس اني عندي مقابله محلفين قبل لاتجي؟؟
وشكرا الكم

[ريم عبد]

مشكورعلى الرد اخت ريم الوردة
بس سؤال: شنو الي يمنع ان اسوي هاي الاجراءات بعد ان اسافر؟ القصد اسافر وبعد اكتمال اوراقي الاصولية ارجع واتزوج واضيفها على ال اي او ام بنفس الطريقة الي دتكولين عليها؟ لأن بهالحالة راح ابقه اس اي في هولدر وهيه راح يبقى الها الحق بمبدء لم الشمل على اساسه مع ال أي او ام؟

والله العزوبية حلوة هيه بس هم ضياع الحجي بيناتنه هههههههههه 

لا اخي يويو مو نفس الشي
اذا صار زواجك بعد وصولك الى امريكا متكدر تقدملها على ال اي او ام
تكدر تقدم لاهلك واخوانك فقط
 لان ال اي او ام تصبح غير مسؤله عن الحالات المستحدئه بعد وصولك
وهاي التعليمات وجدت خوفا من ان تستغل طريقة الزواج لاغراض اخرى كمتاجره لغرض سحب اشخاص بعقد صوري مقابل مبلغ مالي
ولذلك حتى في طريقة لم الشمل يطلبون صور لحفلة الخطوبه وصور مع عوائلهم
اما اذا كان الزواج قبل السفر فهذا يثبت بعقد زواج يرفق مع الكيس مالتها ويثبت في قضيتك انه انت متزوج
فاذا الك نيه حقيقيه للزواج لتسافر بدون متخلص الاجراءات لان بعدين راح تتعقد الامور عليك وتطول سنين

[ريم عبد]

ذن تستطيع ان تسافر الى امريكا و لمن توصل هناك تقدملها على ال IOM
المهم ان يكون تستلم الفيزا مالتك و تدزلهميا و يمكنك التقديم لها الان بعد ان تستلم الفيزا او بعد ما توصل لامريكا بالسلامه

اخي احمد هوه اذا تزوج قبل سفره يكدر يقدملها باي وقت بعد عقد الزواج مباشرة ومو شرط ينتضر الى ان يوصل
حتى يكسب الوقت يكدر يقدم من هسه وعند طلب الاوراق يكون هوه عاقد ويرسللهم الاوراق الثبوتيه