SIV ارجو المساعدة

[anwar123456]

 السلام عليكم ارجو ان تكونون ابخير

اخوان  اني من قدمت على الSIV ومليت الفورم   157   وحصلت الكوم ابروف  وبعده دزيت الاوراق الى نبراسكا  واجاني الرد وحاليا دا املي الفورم 230 و 234    و 157 للعائلة    وهنا اني اكتشفت انو عندي اغلاط بالفورمة 157  الي دزيته بالبداية  وهي

1- بالفراغ مال ال  LAST NAME  اني كاتب اسم ابوية 
2-وبالفراغ مال ال  CLAN OR TRIBE NAME  اني كاتب اللقب حسب الجنسية مو مثل ما مكتوب بالجواز  لان بالجواز مكتوب  اسم الجد .......هل اسوي وحدة جديدة الي  لو اشلون 

ايضا اريد اعرف شنو يقصد بال  LAST NAME  بالفورم 157  لان بالجواز ماكو  هذا الشي   ....اكو السم الثلاثي  وايضا اكو    اللقب         (SURNAME)
ممكن اتساعدوني  ارجوكم   

[rmadi]

حبي انتة لازم الاسم تعتمد على الجواز بالضبط

المهم اكو عدة حلول تكدر ادزلهم ايميل لل انوفي سي تسألهم اعتقد راح يكولولك امليها حسب الجواز بالضبط

بس اني اوضحلك معلومة انهوال 175 الي دزيتها للكوم خلصت وراحت

يعني اني من مليتها 157 لل فيزا جان بيها اختلافات في بعض الحقول بس بصراحة مو بالاسم.

[HAIDER SALEEM]

اخي العزيز الاسم الي اعتمدوه رسميا هو نفس الاسم الي مكتوب بالجواز والي المفروض تعتمده دائما كاسم رسمي لحضرتك والي اذا تشوف الجماعة من يراسلوك ديراسلوك بنفس الاسم الموجود بالجواز ( راجع ايميلاتك ) وخلي اباك شغلة جدا عادية وتكدر تصحح الخطا الموجود بالاستمارة DS- 157 وتدزهة وية الاوراق المطلوبة بدون متستفسر اخي العزيز وتمليهة مثل ما موجود بالجواز الاسم الاول نفسة والاسم الثاني اسم الاب واللاست نيم هو اسم الجد في حالة انو السير نيم (اللاست نيم ) الي موجود بالجواز ماذاكرين العشيرة وجماعة الجوازات معتمدين على الجنسية والي هية مابيهة لقب فلهذا مثل ماكتلك انو اللاست نيم راح يكون اسم الجد والترايب يكون N/A وهذا في حالتك اما في الحالات الاخرى والي هية الحالة الي يكتب فيها اللقب في الجواز في خانة السير نيم ففي هذه الحالة اللقب سيكون هو اللاست نيم  عندما تملي الاستمارة ويهمل اسم الجد

[anwar123456]

اني اشكر سرعة اجابتكم السوالي

وهسه حسبة عرب يعني ال lastname  هو اسم الجد بالجواز

وال  clan or tribe name هو surname بالجواز 

مو لوشنو الصحيح   وشكرا

[war man]

up

[مغترب بلا وطن]

السلام عليكم

انت الموقف مالتك كالتالي:

اولا : Surname المقصود بيه بالجواز العراقي هو اسم القبيلة , دائرة الجوازات اذا ما لكت اسم القبيلة بالجنسية يحطون اسم الجد ومرات يحطون بس اسم الجد بدون اسم القبيله حسب الاستمارة الاولية الي مليتها انت بتحصيل الجواز.

ثانيا: الامريكيين يعتمدون على Surname  الموجود بالجواز وجعله surname في اميركا , يعني انت اذا اسمك علي محمد حسين الدليمي , اسمك في اميركا راح يكون علي الدليمي , والاسم الوسطي راح يكون محمد حسين , في حالة وجود لقب الدليمي في الجواز , اما اذا مكتوب اسمك علي محمد حسين فقط ,  فراح يكون اسمك باميركا علي حسين واسمك الوسطي محمد, وهو نفسة راح يكون surname.

ثالثا : تملي كل الاستمارات الجاية مطابقه للجواز , من يرجعون يدققون وياك في المقابلة راح يكللولك على استمارتك الاولية بيها تقديم وتاخير بالاسماء ف انت تكون محضر استمارة جديدة حسب ترتيب الجواز وراسا تناوشهم اياه وابوك الله يرحمه.

 رابعا : بخانة ال LAST NAME  الموجودة بالاستمارة تحط اسم الجد.

لا تدور وراهم خليهم همة يدورون وراك.