اذا تزوجت بعد مقابله المحلفين هل سيعرقل الزواج سفري؟؟؟

[كاسـ الحنون ـبر]

شباااب اني خاطب وخطيبتي بامريكا حاليا منتضره الكرين كارد
وعندي مقابله محلفين قبل الزواج
اذا تزوجت هل راح يأخر الزواج سفري ام يعجل فيه؟؟
اتمنى تفيدوني لان جدا محتار واكرر خطيبتي بامريكا وراح تحصل على الكرين كارد هالشهر او الشهر الوراه
بس اني عندي مقابله محلفين قبل لاتجي؟؟

[AhMaDriX]

وليش هيه تيجي خوب انت روح مو دانتضر تروح؟
بس يمكن علمود اهلك - لازم اتروح على محامي وتسأله احسن من منتدى مع احترامي للاعضاء
اقصد محامي اليو ان

[علي النعيمي]

اخي طبعا يأخروهة ويأخروك نصيحة اوصل بعدين اتزوج الزواج محيطير لانو هم يسولهة معاملة من جدة وجديد وهم مقبلات وهم الامنية تنتظروهة لانو حتنظاف لملفك

[كاسـ الحنون ـبر]

شكرا اخوان على ردكم
بس اني ممتاكد انه اني راح انقبل من المحلف او لا
لان اني مقدم عله خالي والجواب راح يكون بيد المحلفين اللي جايين
وخطيبتي هيه الكفيله مالتي بنفس الوقت
شكرا للجميع

[ألن في بلاد العجائب]

و الله اخويه اني افضل تنتظر نتيجة المحلفين يلا تقرر لان اذا انقبلت تبقى بس على الامنيه
بس لا سامح الله اذا انرفضت لازم تجي خطيبتك و تعقدون و تسوون حفله و تصوير و ترجع هي تسويلك معاملة I-130 و تطول سنه و نص الى سنتين


تحياتي
ألن

[كاسـ الحنون ـبر]

مو هيه المشكله كلشي مرتبين والموضوع ميتحمل تاجيل شهرين او 3
زين اذا اتزوج بس ماضيفها على الملف مالتي هم تاثر لو لا

[ألن في بلاد العجائب]

اي عادي تتزوجون عقد عادي و متضيفها و من توصل لامريكا تتزوجون زواج مدني بالولايه الي انتوا بيها

[ريم عبد]

اخي العزيز
اذا خطيبتك بامريكا يعني ممحتاجه منك لاتضيفها على الملف ولا تقدملها وياك
تكدر تزوج عادي وتبلغ المنظمه فقط لتعديل بياناتك لا اكثر
مدام مراح تاثر على طلبك للجوء
وهي ترجع باي وقت لامريكا وانت تنتضر الى ان تخلص امنيتك وتلتحق بيها
وشايف كل الخير

[كاسـ الحنون ـبر]

تسلميلي اخت ريم شكرا الج
وفعلا هذا اللي كاله الي الموضف بiom
اليوم رحتلهم واستفسرت عن الموضوع
كالي متاثر بالعكس تستفاد من هالموضوع اكثر لان
يعزز الكيس مالتك  وهذا الحجي اذا قبل المحلفين او بعدهم
شكرا جزيلا لكل الاخوان اللي حاولو يساعدوني بردودهم ووقتهم
هذا من طيبكم ياطيبين
وشكر لاخت ريم على دقه اجابتها
يارب الموفقيه بحياتج والفرح الدائم

[لوليه]

 نصيحة اخي تزوج عااادي بس لا تخبرهم انك تزوجت  وبعد فترة تخبرهم  علمود تسرع روحتك لامركيا   وتمشي الاجراءا الزواج اسرع  واتمنالك الموفقية وزواج سعيد خلينا نفرح وهلهولة من اعضاء المنتدى

[ريم عبد]

نصيحة اخي تزوج عااادي بس لا تخبرهم انك تزوجت  وبعد فترة تخبرهم  علمود تسرع روحتك لامركيا   وتمشي الاجراءا الزواج اسرع  واتمنالك الموفقية وزواج سعيد خلينا نفرح وهلهولة من اعضاء المنتدى

حبيبتي لوليه بالعكس المفروض يبلغهم بزواجه وتنضاف المعلومه لملفه
ويستفاد من هذا الموضوع عند وصوله وتنسيق كفيلته مع المنظمه (الي هيه زوجته) بالسكن معها في شقه وحده بدل مياجروله شقه  وحده على اعتباره عازب او يشاركوا في شقه مع احد العزاب(روم ميت)
فالمعلومات الي توصل في ملفه لازم تكون دقيقه عن حالته لتحقيق الفائده

[كاسـ الحنون ـبر]

شكرا على اقتراحاتكم وردودكم اني راح ابلغهم والله كريم

[السفير80]

اكيد راح يفيدك اذا بلغتهم










السفير