استلمت نتيجة الاستئناف مع اخبار جديدة

[بغدادي20]

اخوان اليوم كان هناك 10 اشخاص استلموا نتيجة الاستئناف واحنا من ضمنهم والجميع بدون استثناء استلموا ( رفض قطعي ) لان كاتبين بالمغلف تم رفض طلبك وتم اغلاق القضية
عموما الحمدلله على كل شي

كان هناك 4 عوائل عدهم دورة تثقيفية
وكانت هناك 2 عائلة محدديلهم موعد سفر بالخامس
والاربع عوائل من ضمنهم امراة اني اعرفها من جماعة استلام المغلف 26/03/2011 اليوم عدها دورة تثقيفية وامنيتها واصلة

طبعا للمرفوضين رجعت اتصلت باليو ان خبرتني الموظفة بالحرف الواحد
ان الملف بعد عودته من الهجرة راح ينزل للحماية لحمايتك من العودة القسرية ثم سنحاول تحويله على دولة اخرى ومن ثم تحديد موعد مقابلة للتوطين

تحياتي لكم

[علي النعيمي]

يلة هم اكو امل بس نصيحتي انو تقدمون هجرة لكندا او استراليا او نيوزلندا هم تكسبون وقت لانو اذا انتظرتوا هواية حتخسرون المشيتين لحد متتحولون لدولة ثانية الله يسهللكم امين

[اسعد الزبيدي]

الله  يعوضك  بالاحسن  انشاء  الله


  وكلام  الاخ  النعيمي  صحيح  اخي    قدم  هجرة  على كندا واكو  هواي  من  الاعضاء  بكندا  وتكدر  تستعين  بيهم

[النسيم المهاجر]

[السلام عليكم

   صدكوني ارحم من انو يقبلوكم ويخلوكم عالتجيكات الامنيه 3 سنوات مثل ماسوو بينه ارحم مليون مرة  .

 والي يايدني بهاذا الشي خل يكتب رقم 1


 النسيم الجاثم بسبب الامنيه من 4-10-2008hr]

[dynamic]

                       الله يسر امرك اخوية وان شاء الله تتحولون باسرع وقت الى دولة اخرى


            تحياتي للجميع

[بغدادي20]

اتقدم بالشكر الجزيل لجميع من قاموا بالرد
شاكرا لكم ردكم اللطيف والمتعاون وتمنياتكم ومشاعركم الصادقة
بارك الله بكم وجزيتكم كل خير
تقبلوا فائق الاحترام والتقدير

[المسافرة]

اخي بغدادي الحمد لله على كل شئ والخير في ما اختاره الله
ان شاء الله يتم توطينكم الى دولة ثانية وبسرعة
بالتوفيق

[اريد اطلع]

اخويه بغدادي كلش بلقسمه الله كريم انشاء الله

[بغدادي20]

بارك الله بك اختي المسافرة
شكرا لك اخي الكريم اريد اطلع
جزيتم خيرا

تحياتي لكم

[البغدادي2011]

السلام عليكم..
بسم الله الرحمن الرحيم(قل لن يصيبنا الا ماكتب الله لنا) صدق الله العظيم

اخوية الغالي الخير فيما يختاره الباري عزو جل..الحمد لله على كل حال وهاي كتبة رب العالمين فالواحد ميعترض عليها واحتمال بيها خير الكم
والله يا اخي اني جدآ انقهرت وتأثرت بالخبر بس وية نفسي كلت اكيد اخوية البغدادي هو انسان مؤمن ويرضى بقسمة رب العالمين

ربي يعوضكم خير وبشي احسن اللهم آآآآمين

تقبل تحياتي

[غزوان الاعظمي]

الله يعوووضك بالاحسن و يسهل امورك

[ابو الزين]

الله يعوضك اخي باحسن منها انشاء الله ملفك ينقبل بغير دولة وتسافر باسرع وقت
بس انت بيا دولة  
ومن ايمتى مقدم

[بغدادي20]

والله يا اخوان انتو تنحطون فوق الراس وانتو تاج الراس لان تواسونا بهذه المحنة يا شرفاء يا اصلاء
بارك الله بكم ويعوض الله صبركم خير ويفرجها علينا وعليكم
اني من الاردن يعني تحول ملفنا من اليو ان حصلنا توطين سنة 2008 وتحول الملف للهجرة سنة 2010
والحمدلله على كلشي
مشكور اخوية البغدادي 2011 بارك الله بيك وياربي تكون نتيجتك قبول بحق الباري عز وجل
تقبلوا فائق الاحترام والتقدير

[محمد امين]

السلام عليكم    قدر الله ما شاء فعل الله يعوظكم بالحسن

[المتفائل]

أخي بغدادي 20 .... الصبر الصبر الصبر ، تألمنا بنتيجتك والله أعلم إحتمال رب العالمين كاتبلكم شي احسن
هاي شغلتنا أخي يرادلها صبر ويّه العمر ، حسبنا الله ونعم الوكيل
من قريت موضوعك خنكتني العبره لأن إذكرت يوم إستلام نتيجتي قبل سنه وإسبوع بالضبط صارلها ومن شفت العوائل المرفوضين وخاصّة النسوان شلون بجي صار بوكتها بحيث بالكوّه سيطرت على نفسي ومانزلت دمعتي بس من صعدت السرفيس (الباص ) وشويه صفنت نزلت دموعي مثل الورد بعد مابيها مجال ، وهاي صار سنه وإسبوع والحمد لله صابرين وندعي لأن ماكو غير الصبر هو الونيس الوحيد .
أسأل الله عزّ وجل أن يخفف حزنك ويصبرك ويصبر الكل
ومن الله التوفيق

[البغدادي2011]

الله يكون بالعون ويصبر الجميع

[فـلـونـا]

اخي بغدادي الله يعينك ويصبرك

وانشاء الله يكون الله كاتبلك الاحسن

[بغدادي20]

بارك الله بالجميع وبالخصوص المتفائل جزيت كل خيرا على كلامك
والله كلامك صحيح والله اليوم الدمعة حابستني والله شاهد مو على نفسي او على اهلي لا والله يشهد الله بس شفت امراة كلتلها قبل ما تفوت ليجوة بشريني بالنتيجة مالتج من تستلميها ولمن طلعت الدمعة بيعنها وكالت مرفوضة
والله دموعي نزلت بس شنسوي وشنكول يعني سنوات طويلة من الروحة والجية والمقابلات ودي وجيب بس هم حرام احجي هيج لان هذا امر الله والاعتراض على امر الله اشراك واجحاد
ولكن الحمدلله تعالى
اصبر ان الله مع الصابرين
شكرا على مروركم ومواساتكم والله انتو تاج ينحط فوق الراس
تحياتي لكم

[يوزارسيف]

الله يكون بعونكم ويعوض عليكم والخيرة فيما اختاره الله ..توكل على الله وشوف مستقبلك وحدد اهدافك القادمة لأن الانسان يجب ان يخطط لحياته على الدوام. ، ولا احد يعلم المصلحة فلربما لا تكون المصلحة في هجرتكم الى امريكا وربما هنالك بلد آخر لديكم فرصة بالوصول اليه وربما ليس اللجوء او الهجرة هي نصيبكم القادم ، عموما" توجه الى الله بقلب صادق ليفرج عنكم فهو نعم المولى والمجيب..تقبل مروري.

[شكوماكو]

حبيبي بغدادي 20(خيرهة بغيرهة) ان شاءالله وامريكا هي ليست نهايةالمطاف ولا هية نهاية الحياة.

[اريج الراوي]

اخي العزيز قد يكون المو قف صعب جدا عليك والكلمات لا تفي او تواسي ما انت عليه لكن اعلم ان الله قدر وشاء وعفاك مما هو اعظم (فلو عرفت الغيب لقبلت بالقدر الواقع  ) فالله اراد لك الخير حتما لا محال صدك
سمعت قصه قبل فتره من جماعه اعرفهم هم في كمبات اوربا ويعرفون عائله عراقيه عملت المستحيل للوصول الى اوربا وكانت تتصور هو الشي الوحيد لاسعاد عائلتهم الصغيره الا ان القدر كان  بنتضارهم ليصلو ويتوفى ابنهم بدون سابق انذار حيث حدثت ضجه في الكمب لوفات ذلك الطفل الذي كان لايعاني اي مرض وحتى السلطه لم تكتفي الا بعد تشريح الجثه لعدم معرفة السبب وبالنهايه اضطرت العائله الرجوع لدفن ابنهم وبالتالي لم يسعدو بشيئ لا بسفر ولا ببقاء ابنهم فكله مكتوب. وشيئ اهون من شيئ اخر . فقل الحمد لله على الصحه والعافيه والباقي كله سياتي باذن الله بالصبر (وأدعو من الله ان لا يحملنا ما لا طاقة لنا به) وتبقى الاشياء هذه من طاقتنا مهما تكن واحمد الله على انه اتت على هذه الاشياء .
وفكر ان الله عفى عنك بهذه الشغله عن سواها  وعليك ان تحمده لانها نعمه فحتى الابتلاء من عند رب العالمين نعمه يريد بها خير لعبده فاحمده   لانه عفى عنك بشيئ قدر استطاعتك  

[البغدادي2011]

اخي العزيز قد يكون المو قف صعب جدا عليك والكلمات لا تفي او تواسي ما انت عليه لكن اعلم ان الله قدر وشاء وعفاك مما هو اعظم (فلو عرفت الغيب لقبلت بالقدر الواقع  ) فالله اراد لك الخير حتما لا محال صدك
سمعت قصه قبل فتره من جماعه اعرفهم هم في كمبات اوربا ويعرفون عائله عراقيه عملت المستحيل للوصول الى اوربا وكانت تتصور هو الشي الوحيد لاسعاد عائلتهم الصغيره الا ان القدر كان  بنتضارهم ليصلو ويتوفى ابنهم بدون سابق انذار حيث حدثت ضجه في الكمب لوفات ذلك الطفل الذي كان لايعاني اي مرض وحتى السلطه لم تكتفي الا بعد تشريح الجثه لعدم معرفة السبب وبالنهايه اضطرت العائله الرجوع لدفن ابنهم وبالتالي لم يسعدو بشيئ لا بسفر ولا ببقاء ابنهم فكله مكتوب. وشيئ اهون من شيئ اخر . فقل الحمد لله على الصحه والعافيه والباقي كله سياتي باذن الله بالصبر (وأدعو من الله ان لا يحملنا ما لا طاقة لنا به) وتبقى الاشياء هذه من طاقتنا مهما تكن واحمد الله على انه اتت على هذه الاشياء .
وفكر ان الله عفى عنك بهذه الشغله عن سواها  وعليك ان تحمده لانها نعمه فحتى الابتلاء من عند رب العالمين نعمه يريد بها خير لعبده فاحمده   لانه عفى عنك بشيئ قدر استطاعتك   

بااااااااارك الله بيج اختي اريج على هالكلام الرائع..والله صدقتي في كل كلمة كتبتيها
تقبلي تحياتي

[bhabhan]

الاخ العزيز بغدادي
قل الحمد لله والشكر وزيد بالشكر لرب العالمين  الله كريم واكرم
صدقني ياخي زعلت على هذا الخبر الله يعوضك باحسن  ان شالله
اخوك بهبهان

[rafid82]

[السلام عليكم

   صدكوني ارحم من انو يقبلوكم ويخلوكم عالتجيكات الامنيه 3 سنوات مثل ماسوو بينه ارحم مليون مرة  .

 والي يايدني بهاذا الشي خل يكتب رقم 1


 النسيم الجاثم بسبب الامنيه من 4-10-2008hr]

والله  حجيك ذهب 100%   

[طائرالسلام]

اخي بغدادي الله يعوضك  باحسن منها واكيد الي صار هو خير الك

[بغدادي20]

شكرا للجميع وبارك الله بكم
حقيقة يعجز اللسان عن شكركم والثناء بالشكر لكم
الشكر لله تعالى اولا واخرا واعيد الشكر كرة اخرى لكم ايهاء الاعزاء
جزيتم عني خير الجزاء
للتنويه فقط ليس انا المرفوض انا ( مقبول وبانتظار الامنية فقط )
ولكن والدي ووالدتي هم المرفوضين
وعسى ان يعوضهم الجليل خيرا
وكلامكم صحيح هم اناس كبار بالسن ولربما ستسبب الهجرة لهم مشاكل صحية لان هم اصلا يعانون من مشاكل صحية مرضية
اعيد الشكر لكم مئات بل الالاف المرات
تحياتي لكم