اذا ضاع جواز احد افراد العائلة فكيف التصرف والمقابلة قريبة

[الزبيدية]

السلام عليكم اخوان ارجو ان تفيدوني بخبراتكم اخي ضيع جواز سفرة وشهادة الجنسية والمقابلة قريبة فكيف نتصرف وهل هذا الشي راح ياثر على قبولنة  وهل يكفي ان يجلب معاه ورقة من الشرطة تثبت ضياع جوازة ام ماذا يفعل ارجوكم افيدوني لمن لديه اية معلومات واكون شاكرة لكم جزيل الشكر علما انه عمره تجاوز الواحد والعشرين وعندة كيس نمبر لكن هل هذا راح ياثر على بقية العائلة لا سيما انه اصدار جواز جديد يطلب ان ينتظر سنة كاملة عقوبة لاهمالة حسب القانون الجديد لاصدار الجوازات

[angie-dawood]

اختي مدام بلغ الشرطة وعنده ورقة منهم خلي ياخذها وياه للمقابلة واذا قدم على جواز بدل ضايع ياخذ الورقة هم للمقابلة راح يعرفون ضاع جوازه حسب ماعرف بالنسبة للعقوبة هاي ماعرف بيها انتظري ردود الاخوة الاعضاء

[علي النعيمي]

اختي روحي للسفارة العارقية وطلعي جواز اذا عندة مستمسكات مستنسخ واذا مقبلوا طلعي جواز الصليب الاحمر

[الزبيدية]

اشكركم جزيل الشكر اخت انجي واخي علي النعيمي على ردودكم لكن احنة بالعراق مو بدولة اخرى والامر الاهم اللي اريد اعرفة هل هذا الامر راح ياثر على بقية افراد العائلة من حيث التاخير او الرفض                                                                                                                                                                                وشكر ا

[ريم عبد]

اشكركم جزيل الشكر اخت انجي واخي علي النعيمي على ردودكم لكن احنة بالعراق مو بدولة اخرى والامر الاهم اللي اريد اعرفة هل هذا الامر راح ياثر على بقية افراد العائلة من حيث التاخير او الرفض                                                                                                                                                                                وشكر ا

اختي الزبيديه
هذا الموضوع لايؤثر على اي من الكيسات الاخرى لان هوه كيسه منفصل تماما
وحتى بالنسبه اله لايؤثر على معاملة اللجوء وانما يكدر يضهر ورقة الشرطه وبعدها يقدم على جواز جديد
والى ان تكمل معاملة لجوئه يلحك طالع الجواز

[الزبيدية]

اشكرك اختي ريم على ردك حقيقة فرحتيني لان كنت جدا قلقة وبقية افراد عائلتي ايضا الله يفرحك مثل ما فرحتيني

[الزبيدية]

لكن هل راح تتاخر معاملتنه بسببه لان جوازة حسب القرار الجديد بعد سنة ياله يطلع

[hamada2]

لكن هل راح تتاخر معاملتنه بسببه لان جوازة حسب القرار الجديد بعد سنة ياله يطلع


يعني معقولة بالعراق وما تكدرون تسون جواز جديد 


الله يخليج مو حتى الي مو عراقي طلع جواز عراقي 

[الزبيدية]

اي صحيح اخ احمد بس من توصل لشغلة الفلوس يصيرون  براسنة شرفاء لان هسة مشددين عليهم هواية فما يمشون شغل بس لجماعتهم لان هم شفناهم من نطلعنة الجوازات لكن الله كريم احنة هم انحاول نلكة واحد يقبل يسويهة ووالله يسهل

[لورنس السفاح]

ضروري جدا تاخذون وياكم ورقة البلاغ للشرطة
لان همه دائما بالمقابلة بالدخول يجيكون ع وثيقتين جنسية وجواز
فحاولوا اطلعون ع اقل ش جنسية بدل ضائع لان مرات يسالون عليها بالمقابلة وحتى تسند الجنسية
ومن الضروري جدا جدا ان اطلعون الجواز قبل فترة السنة
لان ممكن تكون معاملتكم من المعاملات السريعة اللي ورا 4 او 5 اشهر يحصلون موعد سفر
فكيف راح يسافر اذا الجواز مموجود ؟؟؟

[مغترب بلا وطن]

اني هسة لو مرتي تضيع الجواز راسا اطلكها  لان بعد ما بيدي شي عليها 

[مازلت في العراق]

اختي اني راح اكلمج عن تجربه بس احنه مو ضاع الجواز لكن طلع بي خطا ونطونه موعد سفر والجواز غلط لذلك اثر على الافراد الي ويا بالكيس نمبر لكن ا ذا هو لوحده بالكيس فراح ياثر عليه هو فقط وليضوج خطيه من يطلع جواز جديد راح تمشي معاملته احنه صححنه الخطا وكان الموعد الاول نطونه بشهر السادس ومن كلنالهم جوازنه خطا اجلو اخويه وعائلته لنهايه ال11 وهو الحمدلله سافر هسه بس خوفتيني مامابعد وين ماروح اخذ جوازي وياي شنو هاي جديده مال سنه يالله يطلعونه والله قرار من الحكومه  اوف شنسوي الله يفرج عليكم

[اسو]

صباح الخير اخت انجي  انشاء لله اتكونين بخير اختي العزيزه ممكن اميل iom  عمان واكون شاكر لكي  تحياتي للجميع

[رسلان 2]

السلام عليكم اختي اسو هذا اميل والارقام


065625426   او 065625088   او 065625080  او 065625225  او 065625419  او 065625419  او 065625089  او 065625585

وهذا ايميل IOM عمان
IC@iom.int

تحياتي الكم جميعا

[keanu]

والله اني صارت بيه هاي السالفه قبل المقابله انغسل جوازي وحشاك اكلت وحل اجلت المقابله والجواز شهرين ونص اله طلع لان تروح محكمة وقاضي وانصحك انيطي فلوس وطلع جواز واطفر

[alzandawi]

مساء الخير اخواني اني خلي احجيلكم قضيتي وية الجواز حتة تخلون بالكم الجواز العراقي كلش مهم ومن يضيع تبيض عينه يلة يطلع احني اتعرضت بدبي لحادث سرقة وراح جوازي وجواز بتي الصغيرة وهاي صارلي سنه مقدم على السفارة الي بدبي ويومية روح وتعال وكلشي ماكو  لاحس ولا نفس والي يعرف احد يطلع جواز بفلوس بلكت الله يساعدني وينطيني عنوانه والله يفرجهة عليكم وعلية بجاه النبي واهل بيته لانه خلص قلبي وليهسة الجواز ماكو يعني لو يومية كاتبين حرف هم جان هسة خلص

[A_mjad]

السلام عليكم

والله اختي الله يساعدج على فقدان الجواز لان بصراحه هو يعتبر الشيريان المهم للانسان بهذا الوقت واساليني شنو معنه كلمه الجواز بالنسبه الي اما بخصوص اذا كنتي في العراق روحي راجعي مكتب الجوازات ويه الاوراق الثبوتيه انشاء الله يطوج جواز جديد اما اذا كنتي بخارج العراق تستطعين فقط في الاردن وسوريا وقبل يومين في دبي تستخرجين جواز جديد

اما بالنسبه الى alzandawi

قبل يومين كاموا يوزعون جوازات حرف أ في السفارة العراقيه في دبي وهذا نص البيان وزارة الداخليه العراقية والله الف عافيه ياريت جان يمنا

http://www.moi.gov.iq/ArticleShow.aspx?ID=145

تحياتي
 

[alzandawi]

اشكرك اخي العزيز على الرد رحت للسفارة وقدمت المعاملة وكلولي لازم ندز الاوراق لبغداد يوافقون لو لا يصرفون جواز اي لانه اسمي بلنظام ديطلع عندي جواز جي  وقدمتلهم الاوراق مالت الشرطة والاعلان بلجريدة الرسمية وكل الاوراق الثبوتية ودانتظر الفرج من ربي واندعولي لانه خلص قلبي والله يسهل الامور يعني مقبلو يستلمون معاملة الة ياخذون موافقة من بغداد مع العلم اني ماخذيلي موافقة من العام الة يكولولي المعاملة دزيناهة لبغداد ومرجعولنياهة سوي غيري وشوف ياخوية شلون سعادة احنة بيهة يعني الله اعلم شوكت حاخذ الجوازومن الله التسهيل