استفسار من اصحاب الخبره بكندا وامريكا تعالو فهموني لان راسي افتر

[فزعتكم]

سلام عليكم ورحمه الله وبركاته


شلونكم عيوني شخباركم ان شاء الله الكل بخير وبصحه وعافيه وياربي تتيسر اموركم كلها بجاه نبي محمد ويفتحها بوجهكم وماتشوفون شر

امين ياعرب العالمين


لما قدمت على لجوء لامريكا بالمقابله الاولى الي يعلمون بيها شلون نملي ابلكيشن والي عنده سؤال وهلاشياء

كالت موظفه امم متحده الي عنده احد بكندا او امريكا او استراليا او برطانيا من اهله يكدر يحول ملف لجوء الى المكان الي بيه هذا الانسان

بالنسبه الي عندي صديقي وعندي بنت خالتي اثنينهم عدهم جنسيه الكنديه

اكدر احول الملف مالتي مال لجوء من امريكا لكندا ؟؟؟

ولو اني اتواجدت داخل كندا الموضوع راح يكون سهل ؟؟؟ لو صعب ؟

ولما اكون داخل كندا اني اتحمل مصاريفي لو الحكومه تتحمل المصاريف ؟


والله افتر راسي لان كل شوية اسمع كلام شكل

لكن الكلام الي بلون الاحمر اني سمعته بأذني من موظفه الامم المتحده لان جانت اكو وحده كاعده ويانا سألتها وجاوبتها



ربي يحفظكم ويستر عليكم جميعا وييسر اموركم بجاه النبي محمد

[علي النعيمي]

لااخوية متكدر تحول وثانيا اذا ترفض امريكا لازم تنطي سبب مقنع ولو يحولوك لو لا حسب الي قابلك توطين وحسب قوة ملفك وثانيا اكو تسوي كفالة خماسية خمس اشخاص بكندا ولازم يكون دخلهم السنوي اكثر من 25 الف دولار ومتجنسين بهاي الطريقة تكدر تروح لكندا

[فزعتكم]

تسلملي اخوية الغالي وربي يطول بعمرك


زين هاي موظفه الامم المتحده شلون هيج كالت ؟


زين الخمسه هذوله اذا سوولي كفاله راح يدخلوني كندا لكن لجوء شلون راح ادبر سالفته ؟

[علي النعيمي]

اي اخي يكدرون يسوولك ويدخلوك وتطول حسب تكملة براءة الذمة للكفلاء الخمسة وتطول من شهر لسنة اما كلام الموظفة فغير صحيح قط قرابة اولى ام واب وزوج وزوجة اما اخ يسحب اخو ميكدر فقط اولى مثلا بنت تسحب امهة او تسحب ابوهة او تسحب زوجهة او توصية من الامم المتحدة بوجوب لم الشمل للاخوة والاخوات وهذا يصير نادر الة بكيفهم

[angie-dawood]

اخي مدام كال موظف الامم المتحدة تكدر تحول ملفك الى اي دولة من الدول للي ذكرها بس اعتقد لازم  يكون عندك اهل درجة  اولى او  ثانية بالنسبة للصديق ماعرف هاي يصير او لا  ثانيا اذا صار وتحول ملفك راح تكون بالنسبة للكندية مثل اليوان والشخص الي بكندا يكون كفيل واذا اخذت لجؤء الى كندا بعد تحويل ملفك وبعد القبول والسفر راح  تسحق المساعدات بداية وصولك حالك حال اي لاجئ  اني هسى بنت خالي بسوريا بعد رفض ملفها لامريكا قدمت للكندية واخذت عنوان اخوية وصار كفيل الها بكندا وراح تستحق مساعدات كاي لاجئ هاي الي اعرفه من كلامهم