طلبات ال NVC و سوال لاهل الخبرة.. يصير من كردستان؟

[Dollar]

السلام عليكم.

شكرا على الاجابات الواضحة والدقيقة مقدما . واذا ما عدكم فكرة عن الجواب شربو الكهوه و اتوكلو على الله.

ال NVC  طلبو مني طلبات منه صورة القيد و عدم محكوميه.

- بخصوص صورة القيد FAMILY BOOK هذا منين اطلعه؟ وشكلهم للدائرة المن يعنونوه اذا سالوني شتسوي بيه؟

- عدم المحكوميه IRAQ POLICE CERTIFICATE نفس السوال ... هم منين اطلعه؟ و المن يعنونوه اذا سالوني شتسوي بيه؟

ملاحظة اني من اهالي بغداد بس عايش بكردستان. اكدر اطلع عدم المحكوميه من كردستان لو لازم من بغداد؟

تحياتي

[clap again]

FAMILY BOOK = من دائرة النفوس كلهم صوره قيد
IRAQ POLICE CERTIFICATE= الادله الجنائيه  كلهم عدم محكومية

لازم تجي الى بغداد

اما المن يعنونه فما مطلوبه

بالتوفيق ان شاء الله

كروب الاس اي في حضروهم كان ما قصروا وياك

[Dollar]

FAMILY BOOK = من دائرة النفوس كلهم صوره قيد
IRAQ POLICE CERTIFICATE= الادله الجنائيه  كلهم عدم محكومية

لازم تجي الى بغداد

اما المن يعنونه فما مطلوبه

بالتوفيق ان شاء الله

كروب الاس اي في حضروهم كان ما قصروا وياك

شكرا اخويه كلي دائرة النفوس وين صايره بالضبط؟

والادلة الجنائية وين صايرة؟

[googoo]

أخويه دولار أبد لا أتدوخ المساله كلش بسيطه بس ينرادلهه ركضه:

صورة القيد أتطلعهه من نفس دائرة الأحوال المدنيه مالتك أذا انت من مواليد بغداد شوف الأحوال المدنيه مالتك اشتقره كراده شرقيه لو كرادة مريم لو الرصافه لو ..... المهم أتروحلهم وأتكللهم أريد اطلع صورة قيد طبعا أذا انت متزوج لازم كل أفراد عائلتك ينذكرون بيهه... وكللهم رايدهه لغرض الترجمه.

أما عدم المحكوميه فبوجهك كبل أتروح ألى ساحه الواثق (مركز شرطه العلويه) هي نفس البنايه أتروح وتراجعهم وتكللهم اريد أطلع عدم المحكوميه وتاخذ وياك كل مستمسكاتك الأصليه وياك (شهادة الجنسيه العراقية وهويه الاحوال المدنيه والبطاقه التموينيه وبطاقه السكن وجوازك)وتاخذ معك صور يمكن يريدون 2 أو اكثر المهم ياخذون طبع بصماتك ويكللولك روح تعال 10 أيام..

طبعا بالمناسبه ترة عدم المحكوميه هي تنطلب بيوم المقابله يعني حتى لو مادزيتهه لل أن في سي مو مشكله المهم بيوم المقابله أتسلمهه بيدهم...

وهاي هي اخويه وبالتوفيق أن شاء الله

[ريم عبد]

اخي دولار قيد 57 تطلعه من دائرة النفوس الي بيها صحيفتكم
مثلا الرصافه في دائرة الرصافه واكو الاولى والثانيه والكرخ في المامون والاعظميه بالكسره وهكذا
اما عدم المحكوميه في ساحة التحريات

[ريم عبد]

اسفه نزل جواب الاخ  كووكو قبل اجابتي
اني لعد بس اشرب الكهوه واطلع

[googoo]

أختي ريم قهوتج حسابهه واصل آني دفعته

بالعافية

تحياتي

  كوو كوو

[ريم عبد]

أختي ريم الكهوة واصل حسابهه آني دفعته

تحياتي

  كوو كوو

الف شكر اخويه كووكوو على حساب الكهوه
 وان شاء الله انردلكمياها شرابت وهلاهل بيوم سفركم شلع

[googoo]

شكرا ريم شكرا

الله يسهل على الجميع ودعواتكم ألي لتسهيل امري

شكرا

تحياتي للجميع

[Dollar]

شكرا اخويه كوكو على الجواب الواضح.

اختي ريم حللي كهوتج عيني   ... وكوليلي عدم المحكوميه و القيد اترجمه مو؟ هذا سوال صغير على كد الكهوه.

سوال لاخ على السريع بليه زحمه.. هيج سوال خطف   . رايدين صورة شخصيه قياس 5 * 5 ...... اطك صورة بكاميرتي و انزله على الحاسبة ... زين بعدين شلون اتحكم بالقياس لان الصورة راح اتصير على كد الصفحة؟ لو اسحب الصورة واودي ك اميج على برنامج الورد و اهناك اتحكم بحجمه؟ زين يقبلون ادزلهم فايل ورد لو لازم كله PDF .

يله حته اصب العشاء

[googoo]

اخويه دولار يمكن ريم طلعت بس راح اجاوبك لأن من واجبي أن افهمك كل شي مثل ما الأعضاء اللي قبلي كانوا يساعدوني ببدايه مشواري.

طبعا صورة القيد لازم اترجمهه وهاي ماينرادلهه سؤال بس هنا شوف :
ناس ترجمتهه يم مكاتب ترجمه وبس وآني واحد منهم ، اما البقيه فبعد ما أستلموا صورة القيد من النفوس ودوهه للمديريه مال الأحوال المدنيه بالسنك مقابيل مرطبات مشمشه وهناك يترجموهه ألك طبعا هي معامله يعني الكلام سهل بس من أتروح هناك شويه راح تتعب وبعد ما تاخذهه مترجمه اتوديهه الى شارع الربيعي بالفرع مال الملجأ هناك اكو دائرة ما تصديقات الداخليه اتصدقهه وهاي هي أعتقد بعد مايحتاج تتصدق من الخارجيه.

أما عدم المحكوميه فأنت راح تستلمهه مترجمه يعني كامله امكمله وهم اكو ناس بعد ما أستلموا عدم المحكوميه راحوا لتصديقات الخارجيه وصدقوهه واكو ناس ما صدقتهه..

اما مسأله الصور أخويه نصيحه مني الك روح يم  خوش مصور ولا تبخل على الصور لأن هي مساله حساسه لأن من يستلموهه منك يدققون بيهه زين. فأرجوا منك من اتروح يم المصور  كلله اريدهه 5*5 وهو عالطاير راح يعرف شغله خاصة بالسفارة الامريكيه  وهاي هي...

أتمنالك التوفيق ولاتنسه دعواتك ألنه هم أخويه الغالي...

[clap again]

اني لا اريد كهوه و لا جاي

اي عيني لازم اترجم الاثنين بس اتصور العدم محكومية هي مترجمة  اسف اني ممسويها قبل

اما بالنسبة للصور فتروح على اي مصور و كله اريد صورة مال فيزا وذكرة بالقياسات

تحياتي

[clap again]

هذا الاخ كو كو جابلك المفيد و حجيه دقيق 100%

[ريم عبد]

اختي ريم حللي كهوتج عيني   ممتعض... وكوليلي عدم المحكوميه و القيد اترجمه مو؟ هذا سوال صغير على كد الكهوه.

هسه هيه كهوه ومره واخويه كوو كوو دفع حسابها
وبعد اتريد احللها هم
سويها نسكافي بحليب حتى اكولك اي طبعا لازم اترجمها لعد شلون اطلع نسبتي من مكتب نادر

[googoo]

أخويه كلاب أكين :

اتمنى لو يصير عندي وقت كافي يوميه اكعد واجاوب على الأسئله لأن انت ما تتصور أشكد آني هوايه من الأعضاء ساعدوني وابد ما أنسه فضلهم عليه وأن شاء الله أوفي جزء من معروفهم ويايه بتقديم المساعده لباقي الأعضاء..

أدعوا الخير والموفقيه للكل يارب

[Dollar]

اخويه كوكو الصورة سواء رحت للمصور لو اني طكيته بالتالي اذا المصور انطاني الصور بالقياس المضبوط الي اريده فمن اسوي سكانر للصورة هم راح يتغير حجمه وراح يضهر كصورة على كد الصفحة

[googoo]

أخويه دولار آني أقصد انت الصور اللي قياسهه 5*5 راح أتسلمهه للسفارة بيوم المقابله هو هذا المهم أما أرسالك الصور الى ال NVC فراح يكون :
اولا أتسوي سكانر للصورة مالتك وبعدين اتحولهه الى ملف بي دي أف وانت أذا شاطر بملاعيب الحاسوب والبرامج تكدر أتسوي الصورة مالتك صغيرة.
آني بالنسبه الي عندي عائلة فخليت الصور مالتنه وحده بصف اللخ وسويت سكان مرة وحده فكلهه طلعت سويه وحولتهه الى بي دي اف ودزيتهه.

ملاحظه: يجب ان تكون الصورة التي ستبعثها لل NVC هي نفس الصور التي ستسلمها للسفارة يوم المقابله...

تحياتي

[Dollar]

اشكرك جزيل الشكر اخويه كوكو.

تحياتي

[hdhdhd]

اخوان السلام عليكم شلونك حبايب
بس اذا ممكن سؤال
اكو ا احد من الاخوان عندة ترجمة صورة قيد يرفعه اللنه ونكون ممنونين اله

وبالنسه لعدم محكوميه  اني مزوج يعني يطلبون وحدة اليه ووحدة لزوجتي ويصير اطلع عدم محكوميه هسه


مع الشكر الجزيل

[googoo]

عيني اخويه هدهد:

بالنسبه لصورة القيد آني ترجمتهه يم مكتب نادر والورقة المترجمه راح تكون نفس شكل صورة القيد يعني نفس الجدول لكن مكتوب بالأنكليزي..
انت كل ماعليك انك تنطيهم الأسماء مثل مامكتوب بالجواز مالتك ولزوجتك وحتى أطفالك اهم شي اتأكد من السبيلينك مال الأسماء.

اما عدم المحكوميه فأنت تكدر أتطلعهه بعد ما أتدز اوراقك لنبراسكا لأن راح يطلبوهه منك بمرحله ال NVC  وحتى هي مو مشكله اذا مدزيتهه لل NVC لأن همه راح يحددولك موعد مقابله وتكدر أتقدم على عدم المحكوميه قبل المقابله لأن هي ما تتأخر وتوديهه وياك بيوم المقابله وتسلمهه الهم.

تحياتي

كوو كوو

[blood_brothers8]

السلام عليكم.

شكرا على الاجابات الواضحة والدقيقة مقدما . واذا ما عدكم فكرة عن الجواب شربو الكهوه و اتوكلو على الله.

ال NVC  طلبو مني طلبات منه صورة القيد و عدم محكوميه.

- بخصوص صورة القيد FAMILY BOOK هذا منين اطلعه؟ وشكلهم للدائرة المن يعنونوه اذا سالوني شتسوي بيه؟

- عدم المحكوميه IRAQ POLICE CERTIFICATE نفس السوال ... هم منين اطلعه؟ و المن يعنونوه اذا سالوني شتسوي بيه؟

ملاحظة اني من اهالي بغداد بس عايش بكردستان. اكدر اطلع عدم المحكوميه من كردستان لو لازم من بغداد؟

تحياتي

حبي مع احترامتي لكل الاخوة الي جاوبوك اسال مجرب ولا تسال حكيم اذا انت ولادتك ابقليم كردستان اي تكدر اطلع صورة القيد ٥٧ من كردستان..هاي تعتمد ع المكان الي ولدت بيها اما لعدم محكومية اكيد تكدر اطلعها من كردستان اني سويت نفس الشي..واذا انت باربيل اطلعها من الجنايات الي هي صايرة مقابل اللنكة..وتكللهم لسفار الامريكية كلش عادي..ومتخذلها اسبوع وتستلمها من نفس المكان..ومع العلم متحتاج اي تصديق من بغداد...اني سويت نفس الشي وكملت المقابلة وكلش عادي ارجو ان اكون وضحتلك كل شي واي سوال اني بالخدمة...