الى الاخوان الي سافرو من مطار بغداد

[noor b]

عندي سؤالين و رد غطاهم ههههههههههه
1-هل أكو فحص طبي يصير قبل السفر بكم يوم علمود الطياره ويقيسون بيه الضغط والسكر وهجي شي وهل هوه للكل لو فقط للحالات الخاصه لان سمعت لازم الواحد ينطيي ورقه الفحص للموظف بيوم السفر والا ما يخليه يسافر
!!!!!!!
2-ما هوه الوزن المسموح بيه للذهب في مطار بغداد هل هوه خمسين غرام لو ميه اي عشر مثاقيل لو عشرين وهل هناك جهاز يكشف الذهب بالمطار ويأشر اذا ضميناه ؟؟؟
و أشكر كل الي راح يجاوبوني و أنتو ما تقصرون 

أختكم نور

[زهرة الصبار]

عزيزتي نور اول شي لازم اكو فحص طبي
ثاني شي ماكو تحديد عالذهب بس حاولي انه تضمي مكان ميبين وبعدين لتكولين عندي ذهب لان تاثر ويحرموج من المساعدات
اما الوزن اللي اعرفه انه اهل بغداد مو اكثر من 25 كيلو فقط اما احنا من الاردن جنطتين كل وحده 23 كيلو
بس تكدرين تاخذين جنطة ضهر تحطين بيها لحد 10 كيلو ميحجون لانشايلتها على ظهرج وايضا اللابتوب عبي بجنطته شكد متريدين النواعم
هذا اللي اعرفه وهسه هم يجاوبوج جماعة بغداد

[الحالـــم]

السلام عليكم
مثل ما اتفضل الاخ كلامه صحيح اكو فحص قبل يوم من السفر في ابن البيطار وللكل اما الذهب و الفلوس ياثر عليج هناك من حيث المساعدات يعني من ايشوفون عندك فلوس وذهب يقللون المساعدات  والجنط 25 كيلو مع بعض الكيلوات سماح والله يوفقك

[غزوان الاعظمي]

اختي نور  اختنه زهره الصبار شرحتلج كلشي و على الذهب دزيت رساله خاصه توضحلج فد مكان تضمين بي الذهب لان عمتي سوت هيجي و لساني اتذكر فكلت خلي افيدج

تحياتي

[willpower]

اني اكول اشو ماكو و متشاركين بكروبنه.... طلعتي دتتحظرين للسفر. هههههههههههههههههههههههههههههههههه

الله وياك عبوسي ..هسه على الاقل سلمي علينه هيج من جذب.

- نعم اكو فحص قبل السفر
- الذهب لبسي احسن من اتضميه. لبسي ردن طويل و قميص لو شيرت (هاي نيك) و ملاعيبج و الكلايد و الاساور كله لبسيه ...الباقي خلي بعلبه و بقي بجنطة السفر اليدوي.

اني برأي الشخصي لا تاخذين وياج ذهب الا القليل القليل ... اذا عندج ناس ثقه اهنا اتخليهن يمهم. لان اهناك ما ينباع الذهب بسعر معقول ابد.بكسرون بالذهب و ما اله قيمه يمهم.هذا اذا ردتي اتبيه مثلا... ومن جانب اخر ما اتكدرين اتلبسيه براحتج ... و ذهبهم كله عيارات واظه عيار 12 و 14 و هالشي. فشنو ماخذه وياج حمل و هم؟


تحياتي

[abuhatem]

بالنسبة للذهب ، اولا قبل التفتيش الشخصي لازم ينزعون كلشي معدني وبالنسبة للرجل حتى الحذاء والحزام
يعني شغلة ان المراة تلبسه او تخليه بجنطتها نفس الشي
راح يسال المفتش وتتعذر المرأة ، ما اعتقد راح يصعب الامور لان العراقيات معروفات بحهن للذهب ، وحتى لو نص كيلو فذهب شخصي وليس للمتاجرة.
وطبعا صعب يخلون الذهب في الشنطة الكبيرة لانها معرضه للسرقة.

[مهند هادي]

اختي العزيزة الوزن المسموح هوة لمن طلعنا احنا جانت الجنط وزنها 20 كيلو وترة مطار بغداد وعمان ميتفاهم بالوزن ترة اكو ناس ويانا خطية كلولهم ذبوا غراضكم بالمطار وحتى احنا هم ذبينا بس شغلات نواعم اله 20 كيلو بس المفروض تتاكدين من الموظف اللي راح يتصل بيج هوة راح ايكولج شكد الوزن لأن خطوط الطيران تختلف اذا على الاردنية 20 كيلو بس يمكن اذا غيرها يكون الوزن اعتقد 40 كيلو لكل شخص بس تستفسرين من الموظف هوة راح يتصل بيج ويفهمج بكل شي لتهتمين اما الذهب انصحج اتلبسي لكن متخلي ظاهري عادي مسموح بس لتخلي بالجنطة الكبيرة لأن الجنط الكبيرة معرضة للسرقة او الضياع ومراح يسألوج على الذهب والفلوس لكن حاولي اما تخلين الشغلات الثمينة بجنطة اللابتوب او الجنطة النسائية والله يسهلها

[Safaa Alkhrkhy]

اولا الوزن المسموح به من مطار بغداد هو 23 كيلو كحد اعلى للجنطة الكبيرة
6 كيلو كحد اعلى للجنطة الصغيرة التي تدخل معكم الطائرة
ثانيا  جنطة اللابتوب لاتعتبر جنطة اضافية ولاتحاسب عليها ويحق لكل شخص بالغ حمل جنطة لابتوب معه بدون ان يساؤل عليها
ثالثا حقيبة المراة الصغيرة التي تحتوي المكياج وماشابه ذلك لاتساؤل عليها اي لاتحتسب من الوزن بشرط ان تكون متوسطة الحجم وليست كبيرة جدا..
الذهب محد يسال علي بس اني انصحكم نصيحة لوجه الله انه لاتجيبون ذهب هواي الى امريكا لسببين الاول هو انه هنا سعره رخيص قد لايساوي نصف سعر العراق وثانيا اللي يلبس ذهب هواي هنا الناس تنظرلهة نظرة استغراب يعني شغلتة مو طبيعية..
افضل ان يتم بيع الذهب قبل السفر وتحويله الى مبلغ محترم تستفادون منه هنا خصوصا ان سعر الذهب هنا رخيص وتوجد انواع احلى من الذهب كالالماس والبلاتين!!
لاتضعوا اية سوائل او معاجين اسنان في حقائبكم التي تاخذونها معكم الى الطائرة
الادوية يفضل وضعها في الجنط الكبيرة



ابو سارة

[طوطي]

جنطة اللاب توب ميحسبوهة  يعني راح يكون بيدج جنطة الهاند باك وجنطة الايد مالتج وجنطة لاب توب

[مقصف الخواجا]

زين سوعاااااااااال رحمة لوالديكم عندي جنطة مال لابتوب مكد سليمة كلش جبيرة
ممكن اخذ وياها هاند باك لو لا
لان هية مال لابتوب صح بس جبيرة بحيث حتى متنشال على الكتف بيها جك وجروخ وتنسحب سحب بس هية مال لابتوب