المقابلة الاولى IOM

[عمدة فرجينيا]

مرحبا شباب باركولي واخيرا اجرينا المقابلة الاولى وية جماعة ال IOM  طبعا انشتلنا ساعتين لحد ما دخلنا لصالة الانتظار وبعدها ينادون عالاسماء لاجراء المقابلات والحمد لله مشت الامور وكملنا المقابلة الاولى وهاي بعض النصائح اخذوهة من اخت امجربة والي هية اني
1. لحد ايترجم الوثائق مالته لان ماطلبوهة من عدنا .
2. لحد ايجيب مي وياه لان المي امكوم هناك بس جيبوا اكل .
3. لحد ايجيب غراض زايدة وياه مثل فلاش ميموري ريحة ومن هالسوالف لان اتعطله بالتفتيش .
4. ها هية ماكو شي والي ايحب يسالني اني بالخدمة


مع تحياتي
الملاك الحائر

[dudu1]

شكرا اختنه الملاك الحائر و ان شاء الله يوم اللي تسافرين
كان عندي كم سؤال :
1- رقم الكيس مالتج يبدي بشكد
2- انتي وحدج قابلتي لو كانت وياج عائلة
لانه اني وحدي و رقم ملفي يبدي 123XXX .
و شكرا

[AmirAliraqi]

ان شاءالله خير , موفقه يارب

انتي مقدمة من عمان ؟؟

و شنو كانت طبيعة الاسئله ؟

شكرااا

[علي النعيمي]

زين انتة وين مقدم؟

[غزوان الاعظمي]

مبروووك و ان شاء الله السفر القريب

 بس على كولة الشباب منين انته مقدم

[dynamic]

  اختنه العزيزة الف مبروك ,بس اذا ممكن تحديد المكان وتاريخ التقديم .


  تحياتي للجميع

[ريحـــانه]

الف مبروك و انشاء الله تجي مقابله المحلفين باسرع ما يمكن

اتصور الاخت مقدمه من بغداد حسب ما اذكر

موفقه

[(COBRA)]

اللللللللللللللللللللف مبروووووووووووووووووووك لمقابلتك 
زين ماكالو على الفحص او المحلفين ... ممكن اشويه تفاصيل عن نوعيع مقابلتكم حته تصير معلومه للباقين 

[ABUALI]

احنة هم قابلنة بعمان اي او ام قبل اسبوع  واخذوا بصماتنة بس برايي  لازم تقدمون كل وثيقة تشوفوهة بصالحكم هم ميسألون لأن ميهمهم انا اخذوا وثائق التخرج مالتي وكل الوثائق اللي تدعم قضيتنة وردت اسأل الاخت هم اخذولج بصمات؟ وسمعنة المحلفين يجون نهاية الشهر

[ABUALI]

بالمناسبة احنة رقم الكيس نمبر 123

[ريم عبد]

مبروك اختي الملاك الحائر وان شاء الله يوم الي تقابلين المحلفين باقرب وقت
الاخت مقدمه من بغداد

[Abnaa Al-Iraq]

الاخت الملاك الحائر ياريت ذكر تاريخ التقديم الى اليو ان ومن اي مكان ومدة المستغرقة لتحويل ملفك من اليو ان الى الاي او ام

وكيف كانت المقابلة والاسئلة طبيعتها اسافزازية ام لا ؟؟؟

رجاءاً جميع الاخوة ذكر تاريخ التقديم الى اليو ان حتى تاريخ المقابلة الاولى في الاي او ام

تقبلوا تحياتي وشكرا لكم

[iron man]

مليووون مبروك يا ملاكنا الحائر وانشالله الله يسهل ويسرع بمقابلت المحلفين يارب ...تحياتي

[الناسك]

مبروك اختنا الملاك وان شاء الله يوم السفر والاستقرار
الناسك

[ضوء]

الله يسهل اموركم وان شاء الله المحلف ياطييبيين

[dynamic]

        اشو الملاك الحائر خلاني حائر وماكو رد ,سلامات


   تحياتي للجميع

[عمدة فرجينيا]

شكرا الكم اخوتي وخواتي على التهاني الطيبة وانشالله تفرج عالكل ما ادري يمكن من الفرحة نسيت اكتب هواية تفاصيل , المهم هسة راح اجاوبكم  احنا امقدمين من بغداد بالشهر السادس عائلة اربع نفرات ورقمنا 118 وبعد 10 اشهر اجرينا المقابلة الاولى والي صارت بالشهر الرابع والاسئلة مجرد معلومات عن كل فرد وصاحب القضية ايركزون عالقصة مالته والموظفين كلش مؤدبين وخلوقين والحمد لله مشت الامور والله سهلهة


تحياتي
الملاك الحائر

[ابوا ابراهيم العراقي]

مبروك اختي

[Abnaa Al-Iraq]

يعني اختي ممكن واحد يقدم من بغداد وتخلص معاملته بدون الحاجة يجي لعمان ؟؟؟

وهاي من زمان لو بالجديد ؟؟ والتقديم يكون الى اليو ان اولاً ؟ لو ممكن يقدم مباشرة على IOM ؟؟

ارجو الاجابة وشكرا الك

[عمدة فرجينيا]

اي اخوية ابن العراق ممكن التقديم من بغداد تبعث ايميل الى اي او ام مباشرة وتنتظر الى ان ايدزون عليك وتمشي القضية مالتك حسب مواعيدهم ومن زمان موجود التقديم من بغداد بس ما اعرف بالضبط من شوكت


تحياتي
الملاك الحائر

[برنسو]

الف مبروك اختي الملاك الحائر

[عمدة فرجينيا]

اشكرك اخوية احمد

[ابوا ابراهيم العراقي]

مبروك او انشاء الله يوم السفر


سلام

[الأعظمي]

احنة هم قابلنة بعمان اي او ام قبل اسبوع  واخذوا بصماتنة بس برايي  لازم تقدمون كل وثيقة تشوفوهة بصالحكم هم ميسألون لأن ميهمهم انا اخذوا وثائق التخرج مالتي وكل الوثائق اللي تدعم قضيتنة وردت اسأل الاخت هم اخذولج بصمات؟ وسمعنة المحلفين يجون نهاية الشهر

السلام عليكم
مرحبا أخوية أبوعلي شلونك عيني ومبروك على مقابلتك للآي أو أم وأنشا الله يارب يوم السفر وراحة البال وأنشا الله يسهل عالكل بس حبيت أعرف ضروري بس أذا مابيها زحمة أو أحراج عاللي صار بالمقابلة بالتفصيل وطبيعة تقديمك عاليو أن لو مباشرة آي أو أم وأنت تقديمك عائلة لو فرد وأريد أعرف تفاصيل المقابلة صغيرة وكبيرة الله حتى نستفاد منها والأخوة اللي منتظرين مقابلة الآي أو أم هم يستفادون وأشكرك هواية والف مبروك أخي مرة ثانية تحياتي ألك وللجميع .

                                                     الأعظمي

[Abnaa Al-Iraq]

اشكرج اختي الملاك الحائر على الاجابة واحب انوه ان عنواني هو ابناء العراق وليس ابن العراق وشكرا اللج





تحياتي

[عمدة فرجينيا]

اشكرج اختي الملاك الحائر على الاجابة واحب انوه ان عنواني هو ابناء العراق وليس ابن العراق وشكرا اللج





تحياتي

تعذرني اخوية بس تره ابن هم مشتق من ابناء والالف والهمزة جانوا دا يتغدون فمنكتبوا هههههههههههههه