ارجو ألمساعدة عندي مشكلة بل iom

[hilion]

ألسلام عليكم أني قدمت على ألأ iom و أستلمت ألكيس نمبر و قبل 3 أشهر دزولي رسالة كالو راح أنخابرك و نحددلك موعد ألمقابلة و لحد هسة ماكو شي و أني هسة أريد أنقل معاملتي الى ألأردن و أحتاج مساعدتكم و خبرتكم ألي عندة خبرة بهذا ألمجال ف ياريت أحد من أهل ألخبرة أيجاوبني رجاء

[فزعتكم]

عليكم السلام ورحمه الله وبركاته


تحيه طيبة اخوية وربي يحفظك

الكلام الي تكوله كلش طبيعي وروتيني وانت لمن استلمت الكيس نمبر مالتك تنتظر اتصال منهم او ايميل بموعد المقابله وحالتك مثل حالتي

ومعنى كلامك انك بغداد ان صح التعبير

هم الموضوع كلش بسيط وهوة انك تقدم طلب بمقر iom  بالمكان الي انته بيه وتكوللهم اريد انقل ملفي لعمان وهمه يرتبون الك الاجرائات وينقلون الملف مالتك ولما فرع عمان يستلمه راح يتصل بيك او يدزلك ايميل


بس من خلال الي جاي اشوفه وهوة اذا حضرتك بغداد ابقى بغداد احسن لان هاي احنا بالاردن وكل شي ماكو وربك

يعني اني مقدم بال 2009 شهر 7 ويلا قبل 4 شهور دزولي كيس نمبر ولحد هسة صنطه

وطبعا القرار الاول والاخير الك واني كتلك بلي اعرفه

وربي ييسر عليك وعلى كل العراقيين اموركم

[alanjalil]

اخي نصيحة لاتغير ملفك ترى تتاخر  و مادام دزولك بانهم خلو اسمك على جدول المقابلات فلا تتحول و بقيك بس اذا انت مضطر دزلهم رسالة بطلبك لتحويل الملف و هم راح يتصلون بيك خلال اسبوع

[IMMIGRANT2]

نصيحة ابقه انتظر اتصالهم وهسه بدت الامور تمشي والله كريم...

[y3soob]

الاحسن تقابل و تكمل مقابلتك و وراها انقل ملفك لغير مكان.. لان ما طول اتصلوا بيك قبل 3 اشهر يعني المقابلة قريبة.. اذا نقلت الفايل هسة راح تتاخر مقابلتك.. و لكن بعد المقابلة و حالة انتظار الامنية تكدر تنقل الفايل للاردن او اي مكان ثاني.. و يبقى الموضوع راجع الك

[hilion]

أخوان أني أشكركم على ألرد بس أنتو مجاي تفتهموني أني متصلو بية على تليفوني بس دزولي رسالة على ألأيمل مالتي و كالو راح نتصل بيك هاي قبل 3 أشهر و قبل 27يوم دزولي رسالة هذا جان ألعنوان مالتة (AMPreliminary questionnaire required for your interview /IZ-122057 /(LA) وياهة ملفين وحدة بل أنكليزي و ألثانية بل عربي و هذا ألملفين يطلوب معلومات شخصية و عاألية و أيكولون سويهة ألكل واحد بل كيس مالتك و سويتهة و دزيتهة ............. زين هاية شنو و ورة هاي بشكد أتصير ألمقابلة ؟ أدري ضوجتكم بس شسوي ولله محتاجكم و محتاج أطلع زين ب عمان شلون أستلم أقامة و وين أروح فدوة كلولي ؟ سلامي لل جميع

[Safaa Alkhrkhy]

اخوية ابقة ببغداد احسلك .... شغلة الاقامة والانتظار بعمان تعبانة على الاقل انتة ببغداد امشي امورك..
شغلة لخ انتة هسة ماتحس غير ويدزولك ايميل على مقابلة اولى ماطول طلبوا منك هاي المعلومات ...

ابو سارة

[ريم عبد]

أخوان أني أشكركم على ألرد بس أنتو مجاي تفتهموني أني متصلو بية على تليفوني بس دزولي رسالة على ألأيمل مالتي و كالو راح نتصل بيك هاي قبل 3 أشهر و قبل 27يوم دزولي رسالة هذا جان ألعنوان مالتة (AMPreliminary questionnaire required for your interview /IZ-122057 /(LA) وياهة ملفين وحدة بل أنكليزي و ألثانية بل عربي و هذا ألملفين يطلوب معلومات شخصية و عاألية و أيكولون سويهة ألكل واحد بل كيس مالتك و سويتهة و دزيتهة ............. زين هاية شنو و ورة هاي بشكد أتصير ألمقابلة ؟ أدري ضوجتكم بس شسوي ولله محتاجكم و محتاج أطلع زين ب عمان شلون أستلم أقامة و وين أروح فدوة كلولي ؟ سلامي لل جميع

اخي hilion
الاجراءات الجديده انه تندز الاستمارات قبل المقابله
وانت تمليها بالمعلومات وتدزلهميا وتنتضر
من يخلوك على جداول المقابلات راح يتصلون بيك ويحددولك موعد مقابله اولى

اذا انت ممتهدد في العراق الافضل انه تبقى على وضعك وخلي الامور تمشي بشكل طبيعي
لان اذا رحت لعمان وسرعولك بالمقابلات هم تبقى الامنيه اجراءاتها بكل الدول نفس الشي
لكن اذا تاخرت بعمان مصاريفك عاليه بينما بالعراق باقي على نفس مصرفك وبيتك وعملك
والقرار الاخير راجع الك
اذا حبيت تنقل الملف الموضوع كلش سهل بس تحصل فيزا وتسافر وتطلب نقل ملفك خلال اسبوعين او 3 ينقل
واذا خلولك افضليه راح يحددولك موعد مقابله خلال الشهرين الي بعدها

[hilion]

أشكركم أخوان علا ألأجابات بس أريد أعرف من أيدزولك هذا ألفايلن(  Sun, March 27, 2011 11:51:45 AMPreliminary questionnaire required for your interview )وراهة بشكد أيحددون ألأمقابلة ؟ فدوة جاوبوني تحياتي للجميع 

[ابوا ابراهيم العراقي]

اذا عندك فلوس او اتريد اتخلصها او تتونس , تعال اهنا بل اردن .

اذا لا, ابقه ابمكانك احسن.

اني لو ما متهجر شان باجر رجعت او انتضر ال IOM في بغداد الغاليه.


بس مااعرف لان بغداد اني عفتها اب2006 . اشصابره هسه الله يعلم.

سلامي

 

[ريم عبد]

أشكركم أخوان علا ألأجابات بس أريد أعرف من أيدزولك هذا ألفايلن(  Sun, March 27, 2011 11:51:45 AMPreliminary questionnaire required for your interview )وراهة بشكد أيحددون ألأمقابلة ؟ فدوة جاوبوني تحياتي للجميع 

اخي الوقت ممعلوم شوكت المقابله الاولى
لان هذا السستم الجديد اتطبق مؤخرا والى هسه مسمعنا احد نطوا موعد مقابله اولى
واكيد اكو افضليات بالمواعيد