ارجو الاجابه من الاخوان في كاليفورنيا والاخت انجي

[المهاجر2]

ايهما افضل عند الوصول للولايه كاليفورنيا ان يبقى الشخص هو وعائلته على حساب امنظمه عدة اشهر ثم يتحول على مساعدات الحكومه او من البدايه يتحول على مساعدات الحكومه مع العلم عندي خمسة اطفال اعمارهم اقل من 18 سنة لان محدديلي الولايه كاليفورنيا مدينة ساكر امنتو وشكرا

[ابو علاوي]

لاخ المهاجر انشاء الله اليوم اسئل اخوية سيف عايش ابكلفورنيا ومنطقت سكرمنتو وهو من الاوائل الداخلين الكلفورنيا في 2007 وراح اتئكدلك بس انتة على يا منضمة امقدم هنة منضمات اثنين ابسكرمنتو وحدة منهن تعيسة والثانية مساعداتهة اكثر وهتماماتهة اكثر فرا ح اسئلة ورجعلك خبر

[SARA CALIFORNIA]

اني هم محتاجة جواب لهاذه السوال يا ريت الاخ يسال و يرجعلنه خبر

[angie-dawood]

ايهما افضل عند الوصول للولايه كاليفورنيا ان يبقى الشخص هو وعائلته على حساب امنظمه عدة اشهر ثم يتحول على مساعدات الحكومه او من البدايه يتحول على مساعدات الحكومه مع العلم عندي خمسة اطفال اعمارهم اقل من 18 سنة لان محدديلي الولايه كاليفورنيا مدينة ساكر امنتو وشكرا

اخي اني ما انصح ان تبدي مع برنامج المنظمة باي ولاية كان الي انصح ان يبدي بمساعدات دوائر الولفر من البداية  
هم انتظر ردود الاخوة الي بكلفونيا ولي بنفس المدينة هما يعرفون اكثر معلومات عن الولاية والمدينة بالتوفيق دوما

[المهاجر2]

اشكركم الشكر الجزيل للاخت انجي والاخ ابو علاوي على هذه الاجابه واتمنى من ابو علاوي ان يكمل الخير  ويعرفنا منو هما  المنظمتين ايهما احسن انا ساكن سوريا انا عن طريق u.n  الهجره الدوليه المعامله مالتي ولكم جزيل الشكر والاحترام

[مغترب بلا وطن]

الي اشوفة علا الويلفير احسن لان اذا هستوك جاي سهل جدا تاخذ مساعدات من الويلفير وتبقى عليهم بس اذا من المنظمة احتمال تشتغل انت بهاي الفترة وراح يطلبون منك كشوفات وغيرها علمود يثبتون انت ماعندك دخل بس اذا صارلك اسبوع او اسبوعين ف راح يصرفولك راتب وهمة مغمضين.

تنظيمات كاليفورنيا للحزب سابقا

امين سر فرع النرويج حاليا

[SARA CALIFORNIA]

UP 

[** يدكو **]

اخي العزيز هو بالتاكيد بالبدايه لو يخلوك على المنظمه وبعدين يحولوك الى الولفر هوايه افضل بمئه مره  وهي مدتها 4 اشهر
هاي اذا حالفك الحظ  تخلص من مشاكل الولفر العديده بس على كل الاحوال الشغله مو بايدك مادام ماعندك اولاد عمرهم اكثر من 18 سنه بهالحاله  روتينيا اول ماتجبي ان شاء الله على كاليفورنيا  راح تسوي مقابله مع الولفر وتتحول على الولفر مباشرا 
على كلن منطقه سكرمنتو احسن من الكاهون بالف مره من كل النواحي

تحياتي

يدكو .الكاهون . كاليفورنيا

[Safaa Alkhrkhy]

كلام الاخ يدكو صحيح
مثلا اهنا بنيو مكسيكو .... العائلة اللي اكثر من اربعة (يعني 5 نفرات وفوك ) المنظمة ايخلوهم على الويلفر والويلفر ترة زين مابي اشكالات خصوصا ال 8 اشهر الاولى لانه انتة مامطالب باي شي منهم لاساعات ولاهم يحزنون


ابو سارة

[ابو علاوي]

اخوية لان انتة عندك اطفال اول ردي ايخلوك على مساعدات الحكومة لانك عندك اطفال والمنضمات الي اتريدهة هية اربعة
1 irci.
openning doors
world relief
catholic church
اخوية هاي المنضمات احسنهن  openning doors
واذا ما عندك احد همة يختارولك منضمة وسكرمنتو بيهة هواي عراقين واذا احتاجيت اخوية انطيك رقمة وتدلل وراسلني على الخاص وتدلل

[مينا]

السلام عليكم

اخويه المهاجر اني اسكن بسكرمنتو واول مره اسمع عن العائله ممكن تبقى على مساعدات المنظمه عدة اشهر
المعروف العائله اول متوصل (احنا منظمتنا world relief)
 استقبلتنا وانطتنا كل شخص 11 ورقه صارت ايجار ل 5 اشهر  ومن اجينا اجرنا الشقه على ايدنا وطبعا فارغه مابيها كل اثاث وظل ويانا مترجم 3 اشهر لغرض يسوينا كل ما يطلب منا من فحوصات طبيه والحصول على السوشيل سكيورتي  وهوية الولايه والتسجيل بالمدرسه وايضا الحصول على (مساعدات من الحكومه الفود ستام والكاش والميدكل هاي من ثاني يوم من وصولنا  قدملنا عليها) والتسجيل بالوك  وخلص عمله ويانا وبعد لا وصلنا للورلد ريليف ولا وصلونا والامور ماشيه الحمد لله وكل شهر تنحصل مساعدات كاش وفود ستامب بحدود  11 ورقه
تحياتي الك وارجو ان اكون وضحت الامر بصورة مبسطه

[ابو علاوي]

الاخ المهاجر تعذرني الرد الاول كتبتة على السرعة لاني كنت ذاهب الى الدوام سئلت اخوية الك والشطر الاول من سئالك جوابة انتة اول متوصل لان عندك اطفال ايحولوك على مساعدات الحكومة الدائمة والسنكل العازب يبقة على المنضمة
وانشاء الله اتوكل على الله وسكرمنتو احسن من غيرهة وانشاء الله الموفقية الك والى العائلة

[SARA CALIFORNIA]

اخوان ممكن تذكرولي اشكد ينطون راتب الطفل الواحد بكاليفورنيا؟؟؟

[مغترب بلا وطن]

اخوان ممكن تذكرولي اشكد ينطون راتب الطفل الواحد بكاليفورنيا؟؟؟

Less than enough 

[المهاجر2]

شكرا للاخ ابو علاوي والاخت مينا اشكركم شكر الجزيل وكافت الاعضاء الذي شاركو بالاجابه لكن اطلب من الاخت مينا معرفة ايجار البيت او الشقه للعائله المتكونه من اب وام وخمسة اطفال في سكر امنتو  وايهما افضل تلك المناطق مع جزيل الشكر والاحترام

[SARA CALIFORNIA]

اخوان ممكن تذكرولي اشكد ينطون راتب الطفل الواحد بكاليفورنيا؟؟؟

Less than enough 

Something is better than nothing