شباب وبنات اريد اسألكم شنو مصير مجموعه 123

[فزعتكم]

سلام عليكم ورحمه الله وبركاته


شلونكم اخواني وخواتي ان شاء الله بخير وبصحه وعافيه


يعني ماشاء الله كومه ناس ارقامهم تبدي 123 زين هذوله شنو مصيرهم وتقديم على لجوء راح ينسد بشهر واحد 2012


زين ياجماعه والحل ؟ يعني اني مقدم من سنه 2009 شهر 7 ولحد هسة ولا اي شي لاتلفون لا صخام لا ايميل لامقابله

وهذا حال اغلب العوائل الي مقدمه

زين ياجماعه شنو الحل بنظركم ؟ شنسوي ؟ والله ملينا

[ألن في بلاد العجائب]

اكو ناس 123 قابلوا عادي و هم رح يسافرون
اما مال ينسد محد يدري و محد يكدر يجزم لان الفتره الحاليه هي فتره انتقاليه و الايام الجايه رح توضح هوايه امور

تحياتي

ألن

[فزعتكم]

حبي الن منورني


اني الي موتني قهر انو صارلنا كومه وسكته كل شي ماكو وبالنسبه مال تنسد او لا همه جماعه iom كالو


يمعود راح اموت بحسرتي كلها طلعت بس حظي الاكشر

ماكو فد طريقه فد شي يعني حتى همه نفسهم جماعه iom كالو الكيس مالتكم قوي

زين اذا قوي ليش متأخر هيج

[ألن في بلاد العجائب]

يمعود اني 115 و بعدني لاطش بالاردن 

[فزعتكم]

زين اكلك فد سؤال بلا زحمه عليك


شكد ينطوك راتب بالاردن هذوله جماعه iom  ؟

شكد ينطون للشخص ؟

[ألن في بلاد العجائب]

منو قصدك الموظفين شكد رواتبهم ؟

[David.wolfe]

 اخويه اصبر انشاءالله خير وسمعت اذا انسدت راح يمشون المعاملات الباقيه يمهم ... والله لو بوش باقي جان الكل طالع هسه ولا واحد باقي يالله الله كريم

[فزعتكم]

لا مو الموظفين

لاجئين الي مقدمين على لجوء ينطوهم رواتب ومساعدات

بله شكد ينطوهم بالشهر ؟

[alnasery]

بالنسبة للرواتب
المقيم مينطو كلشي بحجة انو عنده فلوس
والماعنده اقامة ينطو شي بسيط ميوصل 100$ للنفر

اكو شي غريب بالنسبة للارقام IOM بالاردن لاحظتو هذا الشي لو بس عندي صارت رقمي بيدي 123
والارقام الثلاثة الباقية هيه اخر ثلاثة ارقام من رقم التلفون الي انطيتهم اياه ؟؟؟؟؟

[فزعتكم]

لا حبي هاي صدفه بالنسبه الك

اني الرقم مالتي نهايته لا الها علاقه برقم موبايل ولا شي


بس بالنسبه لهذه المساعدات ماكو بدل سكن بدل صخام ؟

[dynamic]

اخوان مع احترامي وتقديري لجميع الاراء

بس ارقام iom ليس لها علاقة بارقام التلفونات اما المقابلات ممكن عدهم اسبقية لحالات معينة حسب السستم الجديد ؟؟؟؟؟

وهو الموضوع ما بي اي تسلسل لان اخي ووالدتي صارلهم 5 اشهر من متحولين اما ملفي لحد الان ممتحول بالمناسبة اني صاحب القضية الرئيسي ومسوين ربط .قصدي من الكلام مسسسسستحيل نعرف كيف يتم جدولتنا في iom علمه عند الله ومن الله التوفيق .



تحياتي للجميع

[dudu1]

هلو شباب
اني هم مثلكم رقم الكيس مالتي يبدي بـ 123 و مقدم من بغداد و دزولي استمارة المعلومات و جاوبتهم و لحد هسه ماكو اي خبر و روحي طاااااااااااااكة  :(كل يوم افتح الايميل و انتظر اي شي منهم بس ماكو بس نرجع و نكول اكو الله و هو الكريم.

و اذا صار اي شي جديد فرحونا 

تحياتي للكل

[ألن في بلاد العجائب]

اخويه العزيزه تره الاي او ام مينطون رواتب هاي منيللكم بس اليو ان جماعة الخدمات الاجتماعيه و الي ساكنين بعمان الشرقيه حصرا

[علي النعيمي]

اخوان ترة الراتب ميكفي الحياة بعمان غالية واخوية من ينسد اللجوء همة حيبلغون العالم واكيد اكو اسبقية بالكيسات

[احمد عباس]

والله هاي مال تنسد فه يسويها البخت
بس صدك ضلم اذا ناس مكمله كلشي وتنتضر امنية ويكلولهم نسدت ويرجع الملف لليو ان ومن اليو ان يرجع حمايه وبعدين مقابلات حتى يصعد توطين وراها يتحول لدوله ثانية

بالنسبه للاي او ام ميطون راتب مستحيل

اليو ان تطي راتب 70 دولار للشخص اذا جان ويه عائله بس اذا بحده تصير اكثر

وهاي مو للكل الراتب اله تقدم عليه يجون يسولك دراسه بالبيت ويسولك الراتب

[فزعتكم]

شباب هوة المفروض كل شخص عنده كيس نمبر لازم يخلصونه قبل مايسدون ولمن يسدون يعني ماراح يستقبلون اي معامله



هذا الي كالوه الموظفين

وربي يقدم الي بيه الخير لكل العراقيين

[علي امون]

                                                                       ألسلام عليكم

تحياتي للجميع : طبعآ ماريد ادخل بجدل مع اي اخ وكلكم عزيزين علية بسس احب اوضح نقطة بسيطة
انو IOM  وصلت كشف وميزانية 2011 وقبل فترة وصلت ميزانية وكشف 2012 يعني بعد نهاية 2012 وهم ما اصور اكو هيج شي
وسئلة موظف  بحكم الجيرة لان اني ساكن بقربهم  وكان كلامة جدآ مطمئن  ولو اكو شي ترة امريكا متستحي من احد ولا خايفة يكولونة بح يلة برة ارجو ان تطمئنون وما اكو بس الخير أنشألله


تحياتي لمن دمر حياتي

علي أمون

[dynamic]

تحياتي لمن دمر حياتي ,كلامك ذهب هذا الي دا اكوله من زمان للشباب امريكا ماتستحي من مواطنيها لح تستحي من لاجئين.


تحياتي للجميع 

[عمدة فرجينيا]

حلوة مال تحياتي لمن دمر حياتي  كلك روح رياضية