اشكركم على اجوبتكم واني كلش ممنونة بس اكو شغلة وحدة اذا ممكن تفيدوني بيهة اني سمعت ومااعرف اذا صح او غلط انه مجرد ادز بيان الولادة الامريكي للسفرة العراقية بامريكا او احدى قنصلياتهة وادز ويا صورتين و صك ب 25 دولار ونسخة من جنسيتي وجنسية الاب وطلب خطي بالمعلومات الكاملة عن الطفل وعلى هذا الاساس السفارة تدزلي بيان ولادة عراقي وبعدين ادز بيان الولادة للعراق ويكملولي الاجراءات فماادري اخواني هل هذا الكلام صحيح او لا ممكن اعرف رايكم مع الشكر
اي حبيبتي ام فوفو هوه هذا الي تسويه وانتي بامريكا واني شارحه مفصلا بغير موضوع شلون تحصلين للطفل على جنسيه امريكيه
لكن انتي سالتي شلون تحصلين على هوية احوال مدنيه عراقيه
فتدزين هذا بيان الولاده الي سويتي بالسفاره الى العراق وهناك يبدون بهاي المعامله الي شرحتلجياها
لان المعامله متكونه من جزئين
الجزء الاول الي انتي تسويه بامريكا والجزء الثاني الي راح يشتغلج بي الوكيل بالعراق
والوكيل قد يكون ابو االطفل او جده او اي شخص توكليه رسميا لقيام بهاي المهمه سواء كان محامي او معقب او اي شخص ممكن يقوم بهاي المهمه
