سؤال مستعجل بخصوص الفحص الطبي بغداد يرجى الاجابه من ذوي الخبره

[big show]

اخوان اذا امكن سؤال بخصوص الفحص الطبي iom  بغداد 
احنا عائله 3 كيسات مقابلين مقابله اولى وحددولنا مقابله ثانيه بشهر الخامس بس قبل سبوع اجانه موعد فحص اتصل بينا الطبيب من ابن البيطار وذكر الكيسات مال اهلي واني كال ماكو رقم الكيس مالتك يعني بس اهلي بالفحص يصير هالشي ؟ مع العلم بالمقابلات اني وياهم اسمي الاولى قابلت وياهم والثانيه ايضا اسمي وياهم سؤالي هل يصير اهلي يفحصون واني بعدين ؟ والسؤال الثاني شياخذون اهلي وياهم مستمسكات للفحص وشيكولون بالمستشفى احنا جماعه ال iom ؟؟؟؟ الرجاء الرجاء مساعدتي بالاجابه وشكرا

[شارب نفط]

عادي أخي بعد فترة يتصلون بيك من اجل الغحص

[لورنس السفاح]

عادي اخي لاتهتم مرات الكيس اللي بيه 3 او4 اي زت موكلهم ينطوهم موعد بنفس اليوم
بس بالاول والاخير انت هم يتصلون بيك فلا تهتم
بالنسبة للفحص
اخذوا وياكم الجووووازت والجناسي واهم شيء الجوازات لان يجيكون الاسماء عليها
وعادي بس كولولهم بالاستعلامات عدنا فحص راح تلكون واحد من جماعة الاي او ام بالاستعلامات
يدخلكم
بالتوفيق ان شاءالله

[big show]

اشكرك شارب نفط ما قصرت
اشكرك اخوية لورنس العرب تعيش
وانشاء الله الله يسهل امركم ويسر دربكم

[الناسك]

اخي العزيز
اهلا وسهلا بك بين اخوتك
في حالة تقسيم فحص افراد العائلة الى اكثر من موعد او الاتصال من قبل المستشفى او العيادة والتبليغ بموعد الفحص لبعض افراد العائلة وعدم ذكر البعض فهو شئ وارد وطبيعي . والعيادة تعتمد على بريد المنظمة الذي يصل اليها يعني اذا وصل لهم الفايل الخاص بابنك ولم يأتي معه فايلك فأنهم يتصلون بك ويحددون موعد لأبنك فقط وهذا لن يؤثر عليك .......

الامر الآخر وهو المستمسكات
يسالك الطبيب ويطلب منك ان تعطيه الوثيقة التي قدمتها اول مرة للمنظمة يعني اذا انتة ما عند جواز ومنطي للمنظمة فقط الجنسية يطلب منك الجنسية حسب ما مثبت بالملف الي بيه صورتك الي يحتوي معلومات الكيس مالتك الي واصله من المنظمة .... اما اذا انته انفاً يعني مسبقاً منطي الجواز العراقي للمنظمة وكاتبين ومثبتين هذا بملف الكيس مالتك الي واصل للمنظمة فسوف لن يقبل الطبيب بغير الجواز لأن المنظمة اعتمدت الجواز في الاشارة الى هويتك في الملف الطبي ....
تقبل تحياتي
الناسك