الحمد لله وصلت دولة قطر ... وكانت بانتظاري اكبر المفاجآت!!!

[Safaa Alkhrkhy]

مثل ماكتبتلكم في موضوع سابق بانني ساسافر يوم 28 من نيو مكسيكو الى الدوحة وفعلا اخذت الطيارة من البوكركي الى دالاس وبعدين الى لندن وقبل مااصعد الطيارة التي من المفروض تاخذني الى لندن وقبل ختم جوازي من قبل مطار دالاس بعث علية ضابط الجوازات وراح يسالني (انتة ليوين طالع ... ووين تصريح الخروج مال الهجرة واللجوء ؟) فشوفتة كل اوراقي ومشت الامور والحمد لله وختملي خروج على جوازي العراقي وعلى ظهر تصريح الخروج وانطاني بطاقة اخرى بيهة معلوماتي تشبه ال I-94 وقال لي هاي من ترجع الى امريكا اتسلمهة بالمطار وية تصريح الخروج هذا..
المهم اخذت طيارة لندن ووصلت لندن وانشحنت بالترانزيت 9 ساعات وبعدها اخذت طيارة المنامة ووصلتلها العصر وبقيت ساعة ونص بالترانزيت واخذت وراهة طيارة الدوحة ... بعدها وصلت الدوحة وهنا كانت المفاجأة الكبرى !!!!
وصلت الى كاونتر المسافرين القادمين فاعطيت الجواز للضابط فتحهة ونظر للفيزة مال الدخول وضل ايباوع بيهة ويرجع ايباوعلي بعد شوية اخذ الجواز ودخل جوة ورجع ووياه ضابط ثاني وراحوا اثنينهم ايكلبون بالجواز ويدققون طبعا اني ضليت محتار شنو السالفة؟؟؟ يمعودين شنو قابل الفيزة مضروبة؟؟؟ ورة شوية اجة ضابط ثالث فصاحولة الضباط الاثنين وانطوا الجواز فهوة نظر الى الجواز وضحك!!!
طبعا اني شنو اللس صار بية متت بثيابي من القلق والخوف!!
وراهة رجع الضابط الاول ووراه يقف الضابط الثاني فقال لي ( انت اسمك صحيح صفاء .... ..... )) يعني يقصد الاسم الثلاثي
فقلت له نعم وكما هو مثبت عندك بالجواز !!!
الضابط ختم جوازي دخول وانطاني الجواز وقال لي اهلا وسهلا بيك بقطر بس حبيت اخبرك شي انه انتة اسمك الثلاثي مثل الاسم الثلاثي بالضبط لمسؤول القسم مالتنة الضابط هذا!!!!

هذا الذي حدث لي في مطار الدوحة بعد ما نشف كل الدم اللي بجسمي من ورة هذا الموقف!!


اخوكم ابو سارة

[Striker]

هههههههههههههههه حمدلله على السلامة .. والحمدلله الله سهل امورك .

[ابو رافد]

الف الحمد الله على السلامه عيني ابو سارة
همزين هاي ولا غيرها,احسن ما يطلعونك خبر عاجل على الجزيرة,اتمنالك طيب الاقامة وراحة البال

[مرسي الزناتي]

حمد الله على سلامه الله نجاك

مثل ما نجاك من محاوله الاغتيال الفاشله

[(COBRA)]

الحمدلله على سلامتك ...
بس لو مغير اسمك باميركا جان هسه صرت امريكي طوخ...
يعني صفاء تسوي سام ___ __وكرخي تسوي كالكري  

[jumbo]

الحمد لله على سلامة الوصول الى قطر

[ــــ{{{ABADY}}}ـــــ]

مؤامره من قناه الجزيره؟؟؟؟؟؟؟؟؟؟؟؟!!!!!!!!!!!!!!!!!!1






حمد لله على السلامه اخى

[Safaa Alkhrkhy]

مؤامره من قناه الجزيره؟؟؟؟؟؟؟؟؟؟؟؟!!!!!!!!!!!!!!!!!!1






حمد لله على السلامه اخى

هههههههههههههههههه
والله اخوية عبادي هية صدك مفاجأة كانت بالنسبة اللي ... اشكرك

[Arsenal81]

معى أحترامي للحضور هذولة الضباط صدك فطرررررر

[حسون941]

http://الحمد لله على السلامة

[salih alassifi]

يمعود شللك بكطر متكلي وتعوف امريكا

[blackwater]

قوية ههههههههههههههههههههههههههههههههههههههههه

[ألمــــدرس]

يمعود خوفتنه عليك
الحمد لله على السلامة وانشاء الله مكضية شغلتك وترجع بالسلامة.

أخوك غسان

[redmax18]

اخي الف حمد لله على سلامتك ،،، هم زين ما طلع اسمك مطابق لاحد المطلوبين امنيا،

[Majico]

لو هيجي ضباط لو ملازم! ... الله يسهل لك و تخلص شغلتك بسرعه وتطلع من بلاد العرب بسلامه ... لاتزعل مني بس شلك بيهه؟
أخوك،
Majico

[العقيد]

تصرف عادي طبعاً يعني الشغله كلها كانت ظريفه
لكن احنا كعراقين صرنا نتخوف من كل شي لان
كل امورنا جاي تمشي على الحظ والعراقي صار
اي بلد يدخله يتوقع يرجعوه هاي اذا ما شعلو قلبه قبل لا يرجعوه
...الحمد لله على سلامتك اخ صفاء
وانشا الله ترجع بالسلامه

[علي النعيمي]

الحمدلله على السلامة هاي صار عندك عرف بالمطار

[بغدادي76]

أخويه شتقصد بتصريح الخروج ؟ انته عندك الكرين كارد لو لا ؟ لأن نسيت موضوعك الأول

وآني انقهرت على الحالة اللي مريت بيهه انته بالمطار , لأن حسين انو هذه حال كل العراقيين , لمن يطبون مكان يطبوه خايفين بس لا يطردوه اهل المكان , لأن اتعودنه على كلمات مثل (ممنوع , مايحقلك, مايصير, مو هسه , بعدين , وين جنت كل هلفتره ! , ارجع منين ما أجيت , هاي وين جنت انته يابه ؟, أجيت برجلك,  الله كريم ) !
مع الأسف.

[المقاتل]

مشتاقين هواية ابو سارة

سلامي

[مشلوع كلبي]

حمدالله على السلامه خويه صفاء

لو سمحت لى بسؤال لان راح اسافر الاسبوع المقبل ولما قريت موضوعك اتفاجئت بتصريح السفر ممكن توضحلى اذا امكن لان سفرى قريب واريد اتاكد
علما انا لدى كرين كارد