الى منتدى عين كاوى , رجا ساعدوني , رجا

[dellearth]

كيف الحال خواتي واخواني في المنتدى
ان شاء الله بعد كم يوم عندي مقابلة مع Un  في تركيا , واني خايف من المقابلة , لان قصتي  بسيطة وكان التهديد الية بدون اوراق , وكان التهديد الي شفوي , بس عندي الصور بعد ما شلنة من بيتنة , وما عندي بلاغ شرطة , اخاف ميقتنوع بالقصة , واني بعد ما اريد ارجع الى العراق . واني ممشتغل وية الامريكان . واني من محافظة ساخنة في العراق
ارجو المساعدةةةةةةةةةةةةةةةةةةةةةةةةةةةةةةةةة
وشكراااااااااااااااااااااااااااااا

[(COBRA)]

dellearth مرحبا اخي
ناس هوايه طلعت وماعدها مستمسكات عن التهديد ..واذا عندك صور عن احداث مريتوا بيها فممكن يساعد  بمجريات القصه حاول ترتب شي معقول ..وواقعي .. وانشالله  يتسهل عليك
وملاحظه زغيره ؟؟؟ انته اذا مشتغل ويا الربع  اكيد شغلتك راح يكون بوضع احسن ..
تحياتي

[alanjalil]

كلش عادي حبي انت اهم شي احكي الحقيقة لان هما يعرفون الوضع بل عراق شلونة و اتوكل على الله و انشالله خير

[dellearth]

شنو تقصد احداث مرتوا , واني ممشتغل وية الامريكان . وذا واحد ماعندة رسائل تهديد يعتبر الكيس مالة ضعيف . شلون

[(COBRA)]

اخي االعزيز  راح يسئلوك لويش تركت العراق ..؟؟؟؟؟بلمقابله  واسبابه
واذا ممشتغل ويا الامريكان  فتكدر تقدم على اليو ان مو مشكله

[الذكي]

الاخ كاتب الموضوع
الاخ ابو ارا قصد احداث مريتوا بيها يعني تهديدات مثلا شيلتكم من البيت تهجيركم هواية شغلات تدخل بالموضوع يعني قابل اليوان فاتحة وتسفر العراقيين بدون مشكلة ياعيني غير عندك احداث وقصة مريت بيها يا ابوية مو شرط مشتغل وية الامريكان مرات اذا مشتغل وية الامريكان تتعقد قضيتك وينشد الها مغذي بس اذا مهدد ومشرد ومضطهد اكيد قضيتك تكون قوية اتمنة وصلتلك الفكرة

[(COBRA)]

اخويه الذكي شكرا للتوضيح .. تره مرات اني تصير لهجتي مثل (عمو بابا)
 

[الذكي]

ابو ارا علة راسي انت وعمو بابا وكل الطيبين مثلك تحياتي الك

[y3soob]

اخوية مو شرط مشتغل وية الامريكان.. بس المهم تكون متهدد و يكون كلامك صحيح و يحسون بيك صادق.. اذا عندك صور او اي اثباتات تكدر تعزز بيها موقفك... توكل على الله و لا تخاف.. و اذكر الهم انه المدينة الي انت منها ساخنه جدا و انك تهجرت و هذه المدينة لا تزال ساخنه و ما تامن على نفسك و عائلتك بيها.. هاي كلها امور من صالحك.. و صدق اخي العزيز كل ما تكون القصة بسيطة كلما تكون مقنعه اكثر.. و ان شاء الله موفق

[ميمي2010]

اخويه الذكي شكرا للتوضيح .. تره مرات اني تصير لهجتي مثل (عمو بابا)
 

احل ايام ايام عمو بابا الله ينطيك الصحة و العافية  اخوي ابو ار المحترم شكد انته انسان محترم وردوك كلها محترمة وراقية الله يبارك بيك اخوي ويسهل امورك يارب