التنازل عن احد البرنامجين SIV or IOM

[copmwolf]

السلام عليكم
اني عندي موضوع حيل محيرني و ارجو من الاخوة الي لديهم الخبرة و الاخوة المخضرمين بهذا المنتدى
اني مقدم على IOM من منتصف 2009 و تمت مقابلة المحلف و موافقة المحلف  بنهاية سنة 2009 جت الموافقة الامنية  او بقيت منتضر الموافقة لاكثر من سنة و اربعة اشهر و ما اجت علما انه تم اعادة الفحص الطبي و بصمات الاصابع ....
اني مقدم ايضا على اSIV و اليوم اجتني الCOM Approval و فرحت بالبداية و كلت اكمل وياهم لحد ما احصل الفيزا و اذا لا فاني مستمر وية IOM بس المشكلة بنهاية الايميل اكو ملاحضة خاصة


 
Special Note: If you are also currently pursuing a case with the U.S. Refugee Program (USRAP) through IOM, please contact IC@iom.int to withdraw your application now that you have Chief of Mission (COM) Approval to apply for the SIV program.  If you have extended family members (parents, siblings, etc) included on your refugee case, they can continue with the refugee process, but you should withdraw your own refugee application as soon as possible so that both the refugee and SIV programs can help more people.

يعني الموضوع حيرني هل الغي IOM و اكمل وية SIV او الغي IOM او اكمل وية SIV و ما ارسل ايميل لجماعة IOM بالالغاء مع العلم انه مرحلة الغاء احد البرنامجين عند مقابلة SIV > او شنو و الله دايخ بهذا الموضوع و اريد من لديه الخبرة او مار بهذا الموضوع راي

[ريم عبد]

اخي لتهتم لهاي الملاحظه
وخلي البرنامجين ماشين سوه
ومراح يتقاطعون

[Broken_Man]

اخوية هذا الايميل البسة و امشي بالبرنامجين , لا تغلط و تلغي اي برنامج لان ثنينهن من حقك

[copmwolf]

سلامي لريم و الاخ Broken_Man
انتو مريتو بنفس الحالة لو لا لان سمعت اذاوحدة من المنظمتين حسو انه مستمر و ية الثانية راح يكنسلوني من البرنامجين
شكرا

[rmadi]

والله حبي اني مثلك

ومخلص مقابلات على اثنيناتهم

بلانسبة للاس اي في اني مكتلهم مقدم على اللجوء لانوهمة ما سالو
بالنسبة للاي او ام اني بكل ايميل يدزوليا اجاوب واكلهم اي مقدم اس اي في

وباخر مقابلة مال اضافة سالتني المحلفة هل سبق ان قدمت طلب للحصول على فيزا الى امريكا فجاوبتها وكتلها اي اني مقدم على برنامج الهجرة الخاص
سالتني وكالت شوكت قابلت انطيتها التاريخ وخلص لا سالت على رقم كيس ولا كالت لازم تلغي وحدة
بعد شيصير ما اعرف اني هم خايف بس هية بس كتبت بالفايل مقدم هجرة وخلص

ولله الحمد والموفقية للجميع

[rocco]

اخوية نصيحة اي واحد من البرنامجين يطلعلك سافر علي قبل ولاتنتظر الثاني لانه عصفور في اليد خير من 1000 على الشجرة واني مثلك همين ترة

روكو

[مغترب بلا وطن]

مراح تلحك على ال SIV راح تجيك الامنية مال ال IOM

استمر بالبرنامجين مثل مكالوا الاخوه

[rmadi]

اخوان اني سمعت من عدة اخوة طلعلهم سفر على الاي او ام طلبوا تاجيل سفر
وافقولهم بدون نقاش قسم شهرين وجماعة اجلوهم ست شهور
اني مع السفر مع اقرب برنامج بس اكيد اتمنة الاس اي في لان بي مرونة اكثر

[بغدادي76]

دخل يولي الايس آي في, تخسر فلوس الفحص , ونسبة الرفض بيه اكبر, وهيه هيه , الكرين كارد ماتحتاجهه اول سنه.

[copmwolf]

سلامي و تشكراتي لكل من ابدى النصيحة و اتمنى الموفقية و الامنية للكل

[mosabnet]

اخوية استمر بالبرنامجين سوية .. اني مقدم SIV  ومقابل صار ست شهور واليوم رحت قابلت المحلف وكملت المقابلة وكتلة اني مقدم SIV و حجيتلة كلشي ومكال شي الرجال يعني ما اعتقد اكو مشكلة بالموضوع حاليا ... اول شي يطلعلك روح عليه يعني SIV  او IOM  المهم انت تطلع من العراق

[abubakr]

شلونكم شباب ....
تحية طيبة وبعد ....
بالنسبة الى البرنامجين فأنا معكم في نفس المركب ولقد سئلت الموظفة المسؤولة عن هذا الموضوع علما انني في ماليزيا واخبرتني ماهو الاس اي في لانها موظفة في الاي او ام  واخبرتها التفاصيل وفتحت الانترنت امامي وانا اعطيتها عنوان وتفاصيل الاس اي في واخبرتني بان هذا الموضوع ليس لها به اي علم ولايتقاطع مع الاي او ام وقالت لي تستطيع التقديم ولكن المشكلة انه جماعة الاس اي في  ميتشاقوون وعلى العموم انا سامشي بنفس الطريق وهو الاستمرار على البرنامجين وياهو اللي يطلع اروح بيه على الاقل اكو خطين للسفر والله كريم ....ودمتم للنضال .