شباب سؤال لاخوانه المسيحيين ومن لديه خبره

[oams]

مرحبا شباب شلونكم اخباركم اموركم


شباب سؤال اذا امكن

شباب عندي جماعه من اخوانه المسيحيين العراقيين بنتهم ازوجت واحد طلع مو خوش ادمي بمعنى الكلمه انهزمت هيه واهلها واجتي العمان قدمت على اليو ان حتى اسافر فاجئوها اهلها الباقيين بالعراق وخبروها بان رجلها مقدم عليها بيت طاعه ومقدمها للشرطه الدوليه حتى ترجعله ويرجع ايطيح حظها فاخواني اكو حل اسوي اهنا باليو ان حتى يحموها من الرجوع القصري الي ايجوز اسويه الشرطه الدوليه لان اذا رجعت اكيد راح يقتلها


ومشكورين شباب ومتقصرون اعرف بيكم

[الامانـــــي]

لا حول ولا قوة الا لالله العلي العظيم
 احزنني الامر  ربي يفرج همهه ويسر امرهه وان شاء الله  تخرج من الازمة هذه برضا الله
هسه الاخوة والخوات مشكورين راح يجاوبون  ربي يحفظهم
تحياتي واحترامي

[ثابتكو]

اخي  اني جتني امور كثيره اذا  تردون اني مستعد اخلصها منه نها ئي وتمشي المعامله عادي بليوئن تحياتي

[ام بكر]

الله يساعدها ويفرج كربتها

[oams]

اخي  اني جتني امور كثيره اذا  تردون اني مستعد اخلصها منه نها ئي وتمشي المعامله عادي بليوئن تحياتي

تسلم حبي بس ممكن ااعرف شنو الطريقه وشلون يعني ؟؟؟؟

[نــــــــــوار تيتــــــو]

اي تكدر فقط ان اثبت انها متاذيه من زوجها وتقدم دعوى عليه  وتبلغ اليو ان اذا كان زوجها الى سوابق او اي شي يتعلق بالاجرام او الجنح وانها متاذيه منه هذا واحد وثاني شي اذا تصل على امريكا حتى لو يصير رئيس الدنيا كلها مراح يكدر يرجعها ولا يأذيها  لا بلعكس اذا وصلت على امريكا تكدر تمنعه او يطب على امريكا  تحياتي وخلي تشوفلها محامي زين وتبلغ كل المنظات عن الحاله    مهم اذا وافقت اليو ان على الحمايه  مراح يكدر يصل الها ابد تحياتي اخي  وانشالله يسهل امرها

[ابن بطوطه]

مرحبا اخوان
اخي هذا الحجي هباء منثور الشرطه الدوليه ما الهه علاقه بها الامور يعني هي مسؤوله عن الاشخاص المطلوبين دوليا الا اذا كانت هذه الزوجه مسؤوله عن اباده جماعيه او الهه علاقه بالاتجار بالبشر او من هاي الامور والله هو الاعلم و نصيحتي الك انه تروح هذه الزوجه الي اي قس اهنا بعمان و تكله على مشكلتهه و اعتقد انه رح يلكيلهه حل

ابن بطوطه     عمان

[alanjalil]

حبي صدك جذب اذا هيا مسيحية شلون ما اتفكر اتروح للكنائس لان نحنا المسيحيين ما عدنا طلاق الا في حالة الزنة فمعرف شكلك

[ابن بطوطه]

اخي اني اعرف انه ماكو طلاق بس هيه تريد حل مثل ما افتهمت اني لعد ليش تركت العراق ؟ يعني هيه محاطه ابالهه هاي الامور واذا هيه ما تريد تطلق ليش سافرت غير هيه عايشه بجحيم جانت اني قصدي انه تروح للقس و تحجيله لاين اهنا بعمان اذا قدمت لل يو ان وطلعلهه توطين رح يطلبون منهه ورقه من القس . بالمناسبه اخي اني هم مسيحي بس اكو امور القس هو الي يكدر يحله و هذا مجرد راي من عندي  والله يوفق الجميع


ابن بطوطه عمان

[هرمز بنيامين]

ماكو هيج بطة تلعب شناو!! وين اكو بيت طاعة بالشرطة الدولية!!
عيني خلي تقدم ع اليو ان وهي رح يكون وضعهة (امرأة في خطر) وخلي تقلهم هي تعرضت للعنف والاهانة...

[willpower]

هي رجله من نفس الديانه يعني مسيحي لو لا؟ عدهم اطفال لو لا؟

[hon]

مشكلة اجتماعية هم بيناتهم  الشرطة الدولية مالها علاقة ابهيجي مواضيع واذا وصلت الى دولة اجنبية فان قضية الزوج عليها ستكون خاسرة او ضعيفة

[oams]

مشكورييين شباب والله مقصرتوا بهل موضوع وعاشت ايديكم والله اني راح اوصللها الي كتبتوا كله لان اني مسلم ماعرف بهل امور شلون اصير عدكم فكلت احسن شي انتوا اكيد اتعرفون مشكورين شباب وجزاكم الله خير

[kunda]

اني شوية مستغرب للسالفة شلون قضية خلاف عائلي توصل (للانتربول)؟؟؟؟؟؟؟؟؟؟؟؟؟
لعد قضايا التهريب والاختلاس والتزوير والعصابات الدولية المنظمة هاي أختصاص منو؟ اذا قضية بيت الطاعة تتحول للانتربول ؟!!!!!

[فـلـونـا]

اخي هذا الضاهر بس يريد يخوفها بشغلة الشرطة الدولية

بس هذا فعلا خوش ادمي........الله يوفقها للبنية ويريح بالها

[angie-dawood]

نعم  يكدر يمنعها من السفر وعنده الحق احسن شي تسوي تروح للسفارة الامريكية وتحجي قصتها وتكول ديهددها زوجها  واذا اكو اثبات للتهديد يكون احسن  اذا كانت  بورقة او مكالمة او شهود على تهديده  خلي تاخذهم وتروح للسفارة  وين ما هي وتشكي وضعها يمهم  او حل اخر اذا ماكو اي منع عليها من السفر تروح تسوي ورقة طلاق غيابي بالمحكمة وتسجل باليوان معاملة امراة في خطر تكون اسرع معاملتها في حالة ما مسوي عليها طلب بيت الطاعه خاف بس ديخوفها اذا فعلا طالبها ببيت الطاعة ماعرف هاي شون راح يكون وضعها لازم ترجع او لا لازم نسال بيها محامي مال هاي الشغلات

[mrooka]

احسن حل تستشار محامي شاطر ويكون مطلع على الاتفاقيات القضائية بين الدولة التي هي فيه والدولة العراقية لانه في حالة وجود اتفاقيات خاصةبالاحوال المدنية بين الدولتين فالانتر بول ليس لهو علاقة حتى اليو ان لايستطيع فعل شيء قد اكون مخطا في هذا الرأي الجواب النهائي عند المستشار القانوني   كما أفضل ان تحل هذه القضية خارج المحاكم سلميا بين الطرفين ---مع تمنياتي للجميع بالسلام

[ثابتكو]

اخوان اصلن لايحق الزوج في العراق بتقديم شكوى ضد الزوجه لكونها غادرت القطر لاسباب زوجيه لان القانون لايسمح للزوجه بصدور جواز الى  بموافقة الزوج معناها انو موافق على خروجها ثانيا ممكن تذهب الى الطائفه الي تابعه الها والي تبرخت  فيها وتقدم طلب تفريق والقس بدوره ممكن يزودها بكتاب الى اليوئن ان السيده المطلوبه قد قدمت طلب تفريق وهي حاليا في وضع الهجره الزوجيه واهلها هم القائمين عليها  مع الشكر

[Sound of Soul]

اخي القصة فيها اكثر من وجه غرابة

الاول احنا ماكو يمنا شي اسمه بيت الطاعة والطلاق لا يتم بسهولة مطلقا الا في حالة وحدة ذكرها احد الاخوة
هنا في اجابته الا اذا كانت متزوجة من شخص مسلم فهذا بحث اخر ....

الثاني شجاب الشرطة الدولية على مشكلة تتعلق بقضية زواج او طلاق او بيت الطاعة
الشرطة الدولية معروف عملها والمن تلاحق !!!

وبكل الاحوال هي الاخت لو وصلت لامريكا لا زوجها ولا غيره يكدر يجبرها تسوي شي بدون رغبتها
والله يفرجها مع كل مظلوم .

[habazbooz69]

اخي من الناحية القانونية ماكو شي اسمه يرجعها عن طريق الانتربول لان مسائل الاحوال الشخصية اللي منها الخلافات الزوجية مسائل يتم اتخاذ الاجراءات القانونية بيها داخل الدولة صاحبة الاختصاص القضائي واللي هو العراق وبس يعني هي البنية بمجرد سفرها خارج العراق صارت خارج نطاق السلطة التنفيذية العراقية وهاي السلطة لا تستطيع ان تطالب الانتربول بارجاعها للعراق الا اذا كانت مرتكبة جريمة من الجرائم الدولية كالابادة الجماعية الا اذا كان اكو اتفاق بين العراق والاردن على ارجاع المطلوبين قضائيا وهاي الاتفاقات عادة تشمل فقط الجرائم الكبرى كالقتل او الاختلاس او التزوير يعني بعيدة كل البعد عن قضايا الاحوال الشخصة
وعلى العموم اذا كان رجلها فعلا رافع عليها دعوى قضائية وطالبها في بيت الطاعة فهذا لا يعني بانها مجبرة على الرجوع اليه حتى وان كانت داخل العراق بل هي اشبه بالدعوة من المحكمة لعودة الزوجة لبيت زوجها فان نفذت امر المحكمة انتهت القضية وان رفضت الزوجة تنفيذ امر المحكمة اعتبرت الزوجة ناشز ويترتب على هذا الامر سقوط حقوقها الزوجية اللي تاخذها في حال الطلاق كمؤخر الصداق الا اذا هي قامت برفع دعوى تفريق على اساس الضرر ويجب عليها ان تثبت في هذه الحالة اذيتها من قبل الزوج كان تجيب شهود يشهدون بان الزوج كان يضربها مثلا او انه شديد التقتير عليها او غير قادر على اداء واجباته الزوجية في هذه الحالة تبقى محتفظة بكامل حقوقها الزوجية في حال الطلاق هاي اذا كان الزوج مسلم
اما شغلة تقديمها على اليو ان وطلبها اعادة التوطين على اساس انها مضطهدة من قبل زوجها فهاي الشغلة متمشي وبالمية الف تنرفض لان لو على هالحجي جان نص نسوان العراق هجوا من العراق وطلبوا توطين لازم يكون طلب اعادة التوطين مبني على اساس انها مهددة اما لاسباب سياسية او عرقية او طائفية او فكرية وبس لهذا خلي تفكر زين بالحجي اللي راح تحجيه بالامم المتحدة قبل من تقدم على اللجوء
وتحياتي

[(COBRA)]

اني اوءيد كلام الاخوه الانتربول الدولي ماله علاقه بهيجي مواضيع الا مدخلها لزوجته بخانه الارهاب وتبعاتها وتتم الملاحقه بحقها
او مجرد تهديد الغايه منها تخويفها وارجاعها؟
ولو كلامه كان واقعي جان اجه وره زوجته وطالبها بلرجوع .. او يكدر يتبت حسن نوايا ويقنعها بلرجوع
 ولو هيه الشغله مو من اختصاصنه لان الله اعلم ماهي الاسباب
بس مدام هم اهنا لو يدك راسه بمليون حايط ميكدر يرجعها

[oams]

مشكوووووورين شباب والله وفيتوا ومقصرتوا وهاي المعلومات الي انطيتوها الي وصلتها للمعنيه بامانه وكانت فرحنا جدا بعد ما اسودد الدنيا بوجهه عفيه عليكم والعراق واهل العراق بعدهم بخير


مشكورين مره ثانيه شباب وتحياتي للجميع

اخوكم  بالوطن عمر

[الرجل العراقي]

والله مع الاسف هذا حالنا الله يساعدها يارب وانا اعتقد ان الانتربول هذه كذبه كذبها عليها ليرجعها الى العراق بالخوف من ان يلقى القبض عليها وحكم محكمة ما بالعراق لا علاقة للدول الاخرى به يعني ينكعه ويشرب ميه وهذا اشلون رجال اذا يشتكي على زوجته والله ما يسوى فلس الي يسوي هيجي ويه زوجته مع الاسف عراقي وبلغها سلامنا ومساندتنا الها اذا كانت صاحبه حق في دعواها والله ويايها ان شاء الله اخوكم الرجل العراقي

[kunda]

أخي صاحب الموضوع ماعرفتلنا شنو اللي صار بموضوع هذه العائلة المسكينة؟؟؟

[oams]

مشكووورين شباب مقصرتوا والله وعاشت ايديكم على الردود الحلوه ومتابعه القضيه واعطاءكم الافكار التي تساعد هذا العائله من تعدي المصاعب التي تواجهه طبعا وصلت كلامكم بامانه للفتاة والحمد لله والشكر راحت وتاكدت من الكلام الي كالوا الشباب طبعا طلع صح ميه بالميه انو الشرطة الدوليه ليس لها الحق بارجاع المراه التي هربت من زوجها فطمائنت


لكن الكل يعرف اكو ضعاف نفوس موجودين بينه شوفوا شكد اكو ناس ما عدها غيره وماعدها شرف اجالها رجال ايكلها اني راح اخابرلج هسه المحافظ والمناطق الحدوديه الي طبعا بالاردن ميخلوه ايفوت للاردن ((( يعني ايريد ايبين راسها انو هو بطل )))

كتلها عيني ماكو هيج شي القانون بالاردن اهنا صارم والفيزا اذا طلعت من وزير الداخليه الي هو نفسه نائب رئيس وزراء مستحيل احد يكدر ميفوته للاردن بعدين المحافظ شدخله بالنص كلتلي هيج يعني كتلها هيج طبعا هو انتهز هذا الشخص انو هيه صارلها شهر ونص من جايه العمان واول مره تطلع من العراق طبعا هو الشخص على اساس اردني المهم اني كتلها لا اصدقين باي احد ترى اكو هيج شغلات اهوايه وهذا ايريد ياما افلوس ياما غير شي ......... كتلها الشباب طمنوج واني دا اكلج روحي لليو ان وساليهم

كالت انشاء الله خابرتهم اطوها موعد بعد بصراحه ماعرف راحت لو لا


المهم شباب ما اطول عليكم السالفه ديربالكم من هيج اشخاص ايسويلك البحر اطحينه مثل ميكولون ترى الشباب الي موجودين بالاردن اذا مو شي قانوني لحد يصدق انو ايصير وخصوصا للعراقيين لان اهنا النظام عدهم اوربي


مشكوررين شباب مره ثانيه على تعيقاتكم الحلوه وصدق العراق بعد بيه خير وبيه ناس طيبه وتحب اساعد

[Dollar]

اذا هو الرجال هيج شخص سيء فشلون اتوالموا و اتزوجوا ؟ لو هسه صار الرجال كخ. يا بيت طاعه يا بطيخ..المسيحيين وين عدهم بيت طاعه. دخلي تاكله تستاهل وبعد اكثر.