اخواني الاحبة وكل من يعرف الجواب الواضح والشافي لحالة انسانية وطارئة ....... وخصوصا الاخت انجي

[اوريليوس]

سؤال ساليناه احد الاصدقاء وهو كالتالي ورايد اجابة مفصلة يقول صديقي : اريد اقدم عاليوان بس عندي سؤالين اولا اني عندي خطا باللقب وبمكان اللقب حاطين اسم الجد هاي وحدة والثانية ايقول اني مسافر الى تركيا خمسة ايام بالقطار من الموصل ومختوم جوازي عبور ترانزيت من معبرين بسوريا فقط ختم عبور مو فيزا لسوريا وعندي طبعا فيزا لتركيا هاي مابيها شي السؤال اهنا هو هل ياثر علي بالتقديم شي اذا هو الجواز مختوم بتركيا وعبور بسوريا ؟واني اريد اقدم بلبنان وطبعا قضية اللقب هل تاثر باليوان؟ وايضا سؤال صغير التهديد اجاني ورى سفرتي اي بعد رجوعي من تركيا بشهرين بديت اتلقى تهديدات وانخطفت مرتين وطبعا بخلال هاي الفترة  مااستقريت بمحافظة لان حياتي صارت مهددة بالخطر  وقضيتها بين بغداد والموصل والبصرة لان بهاي المحافظات عندي اصدقاء واقارب وبكل الاحوال اني نويت اسافر واقدم يوان لان بعد ماكو فايدة لان استقرار ماكو وحياتي بخطر   يعني قضيتي كلها بدت من العام الفات بشهر الثامن  ولحد هسه ماكو استقرار  وعايش بخوف ورعب وعيشتي مثل ام البزازين يومية بمكان ويومية لابد بجحر وحياتي بائسة ومتضايق جدا ومدمر  وهسه قررت اسافر وافلت باقرب وقت  بس اريد جواب شافي يعني التهديدات والخطف اتفيدني علما بالخطف لم ندفع فدية  ؟  

اخواني اخواتي الاعزاء ارجو الاجابة السريعة والشافية حتى انقل للصديق جوابكم على الثلاث اسئلة اللي طرحها وارسله الاجابة مالتكم على الاميل مالته    

مع الشكر والاحترام

[angie-dawood]

بالنسبة للغلط بالقب هما يمشون شنو مكتوب بالجواز عليه يعتمدون وحتى هنا بامريكا يعتمدون على الي مكتوب بلجواز وكل معاملتة  تمشي عليه حسب مصار بمعاملة اختي زوجها هما نفس الغلط كان كالوا احنا نمشي شون ما مكتوب بالجواز وكل معاملتك سوى بسوريا وبامريكا عليه تمشي ومن ناحية السفر  خلي يدبر اي عذر لسفراتة عدة مرات ومن ناحية التهديد الي اجاه اذا عنده اثبات ومستمسكات تثبت كلامة اكيد اكثر تفيد من ما يكون بس كلام وهي اصلا كلها تعتمد على الامنية وعلى قناعة المحلف بقصته هذا الي اعرفه اخي وانشاءلله الاخوة يوضحون اكثر بالتوفيق

[فـلـونـا]

اخي بالنسبة لشغلة اللقب بالجواز احنة عدنا نفس الحالة اني وزوجي وابني بمكان اللقب عايدين اسم الجد
اصلا ابني اسمه فد مرة انلاص لان الاسم صار ميشبه نفس الاسم الرابع لأبوه
لكن مشت كل الامور عادي ومحد سألنا عنها اي شي ابدا...

بالنسبة لشغلة الخطف فحتى لو دافع فدية ليكول اخي افضل حتى لايكولوله دعمت الجماعات المسلحة...واكيد هذي الامور مفيدة حتى يقدم عاليو ان...بعد شيريدون اكثر بس طبعا لازم يضبط اموره بالكلام والتواريخ وتسلسل الاحداث

اما موضوع السفر الى تركيا فما اعرف انشاء الله يساعدوك الاخوان اللي يعرفون

تحياتي وبالتوفيق انشاء الله

[اوريليوس]

اخوان فقط للتوضيح حسب اللي فهمته من صديقي  انو هو سافر مرة واحدة الى تركيا وكانت عبر القطار من الموصل بس عنده ختم عبور ترانزيت من سوريا مو فيزا ونزول بسوريا بس ختم عبور فقط لان القطار ايمر بسوريا فيختمون ختمين عبور فقط وهذا بالطريق من العراق الى تركيا يعني سوريا محطة عبور بس ::::::: سؤاله هل هذا ياثر بشي ؟  علما مدة سفره خمسة ايام كما ذكر  

كل المحبة

[فـلـونـا]

اخي يعني هو بعده ممقدم عاليو ان.... فليش يأثر سفره الى سوريا او تركيا عالموضوع؟؟؟

احنة ايضا كنا مسافرين الى تركيا قبل التقديم....همه شعليهم؟؟؟
وحتى بعد التقديم سافرنا الى سوريا وشافوا الجوازات بمقابلة المحلفين وكلش عادي


تحياتي

[angie-dawood]

اخي خلي يكول الصراحة بانه سافر  ويحضر عذره سسبب سفره  وانشاءلله تمشي الامور ويتم القبول