ممكن معلومات عن مدينة ارورا

[black jack]

مرحبا اخواني واخواتي ممكن احد يفيدنا عن معلومات اذا وجدت عن مدينة ارورا ولاية الينوي  مع اللشكر للجميع
 

[ريم عبد]

أورورا، شيكاغو Aurora, Illinois هي ثاني أكبر مدن ولاية إلينوي في الولايات المتحدة بتعداد سكان 175.952 لعام 2007، توجد بالشمال الشرقي لولاية إلينوي حوالي 36 ميل أسفل شرق مدينة شيكاغو، ويوجد بها 4 مقاطعات هما كاني ودوباجي وكندال وويل، يطلق عليه مدينة الأضواء نسبة إلى أنها من أول المجتمعات التي وجدت بها إضاءه في سنة 1881 وأطلق الاسم عليها في سنة 1908.

من الويكيبيديا_الموسوعه الحره_


وهذا نقل عن شرح ام ايمي على المحلات للاكل الحلال
احنه سكنه باورورا وبشيكاغو واكو كلش هوايه واسعارهه مناسبه واصحابهه عراقيين

وبالنسبه للشوربات اكو مثل مكالت سرى انواع كلهه حلال وللعلم رخيصه كلش اقل من دولار على مااتصور
والكبب والكباب الجاهز الحلال هم اكو بس تحميه يعني متاخذه من مطعم تاخذه من المحلات العربيه لان اولا بالمطاعم اغلى وثانيا مياخذون الفود ستامب اكيد فميصرفلك

وثانيا اكو شغلات بالمحلات العربيه اني بالعراقبس سامعه بيهه لان العرب والايرانين يستخدموهه وحتى اكو باكيتات تمن مطبوخ   والمرق بانواعهه معلبه بس تنحمي  
يعني متكدر تشتري دجاج وبس تغسله وتذبه عالنار مااعتقد صعبه عالاعزب  ممتعض وتكفيك يومين ومتكلفك بنفس الوقت
واكو بمحلاتهم العاديه بيتزا بس بالجبن بدون لحم هم كلش طيبه ورخيصه متجاوز 3 دولارات وبمحلات الحلال اكو باللحم والدجاج يعني سهله للعازب هالامور  اللي بس تتحمه بالمايكرويف
وعادي المقبلات بابا غنوج والحمص بطحينه والتبوله وغيرهه كلهه اكو معلبه
زين حتى بمحلات الحلال اكو محشي ورق عنب معلب يعني دولمه والله اشتريناهه كلش طيبه بعد شتريد
وهذا رابط الموضوع

http://www.ankawa.com/forum/index.php/topic,479231.msg5050349.html#msg5050349


وهذا رد لاختنا العزيزه هنوه

السلام عليكم

اني ساكنة بشيكاغو صارلي تقريبا سنتين ..مدينة اورورا تبعد تقريبا 40 دقيقة عن سكني
اذا تقصد معلومات عن الشغل في الوقت الحاضر الشغل صعب بس مو مستحيل ويعتمد ع المعارف والاصدقاء
وانت اخي اتكول ما اعرف احد هناك بس مو فد مشكلة تكدر من خلال المنظمة تتعرف ع العراقيين او من خلال المدرسة لان اكيد راح يدزوك مدرسة تعليم اللغة ...من ناحية الايجار من 600 دولار (استديو ) فما فوق وتكدر اخي اتشوف احد وتسكن ويا وتتقاسمون الايجار والكهرباء والماء ,,,,, من ناحية الجو فحدث ولاحرج  ممتعض ثلووووووج وبرد ومطر طول فترة الشتاء ومرات يصير اربع فصول في اليوم
وهذا رابط الموضوع
http://www.ankawa.com/forum/index.php/topic,501900.msg5161781.html#msg5161781

اتلهى بهاي المعلومات ومن الكيلك شي جديد اجيبلكياه
وتدلل اخي جاك
بس لا راح تفر الولايات وانت كاعد بمكانك .....مثلي

[black jack]

اشكركم على الجواب بس لاوالله مو هاي الفكرة بس كلت ماطول المعاملة تمشي بسرعة خيالية خل احظر نفسي من هسه