ارجو المساعدة؟؟ كيف يعود الشخص الى امريكا اذا سافر منها الى العراق بدون جواز السفر المؤقت الامريكي

[عراقي متعب]

ساعدوني رجاءً ... اذا شخص جاء لامريكا بصفة لاجئ ثم عاد للعراق بعد خمسين يوم من قدومه لاسباب عائلية وشخصية ولم يستخرج جواز السفر الامريكي المؤقت لانه لم يكن يعرف بذلك وبقى في العراق اربعة اشهر والان يريد العودة لامريكا مع عائلته التي ما زالت هناك فكيف يكون ذلك وهل هذا الامر ممكن وما هي الخطوات التي يجب ان يتبعها ارجوكم اريد تفصيل بالاجابة واكون ممنون جداً

[العقيد]

اخي العزيز
هذا موضوعك بصراحه نادر ما يحدث بس انشاء الله الاخوان يحصلون الك حل
وانت لو تتصل بالسفارة او تروح الهم اكيد راح تحصل رد يفيدك
بالتوفيق

[عراقي متعب]

والله اخي حاولنة نتصل بالسفارة بس الامر مو سهل وما اعرف شلون راح نحل القضية واتمنة ان يجاوبوني االخوان والخوات اذا عدهم فكرة شسوي

[Cpt_Ali]

ماكو رجعه بعد, والفرصة راحت على هذا الشخص, المفروض يقدم على الجواز المؤقت قبل ميسافر.

[نــــــــــوار تيتــــــو]

حسب معلوماتي استاذي العزيز اكدر اكلك اذا ماعندك اي وثيقه تثبت الرجوع الى امريكا   ...اعتقد  ...ومع الاسف انها راحت عليك  ...بس هم نكول الى اصحاب الخبرات الي مارين بهاي الاحداث يساعدونه

[rayanchase]

انته وااحد من الاخوان      هاي هيه  رااحت عليك     

[ssomeda]

اخي راحت عليك بس حاول تبدل وجهتك وتروح الاوربا الى النرويج او الدنمارك يم اقربائك واعتقد هاي سهله 

[ريم عبد]

اخي اذا فعلا جاد بهذا طلبك جاوبني على الاسئله
1-هل حصلت على السوشيل سكيورتي
2-هل عندك هوية الولايه
3-هل عائلتك الموجوده حاليا في امريكا مستمره بتسديد قرض السفر عنك
4-باي قسم اتصلت بالسفاره ؟؟وشنو الي طلبت منهم ؟؟وشنو الي جاوبوك؟؟
واذا تحب راسلني على الخاص

[عراقي متعب]

السلام عليكم اخت ريم عبد ... طبعاً الموضوع يخص عائلة من اصدقائي وطلبوا مساعدتي واني حاولت بس ما داوصل الى اي نتيجة وطبعا الموضوع كلش جدي لان اهلة الموجودين هنا بامريكا كلش متاذين علموده وتعرفين بسبب الظروف المهم اجاوبج على الاسئلة مالتج
الشخص لديه سوشيل سيكيورتي ولديه هوية الاثورايزد كارد (يعني هوية مال العمل المؤقت) ولديه هوية المدرسة لان كان طالب بالاعدادية ولديه الاي ناينتي فور (I-94)
اهله لم يسددوا قرض السفر لحد الان لا للشخص ولا لانفسهم لانهم صارلهم سبعة اشهر من وصلوا لامريكا وما عدهم شغل لحد الان
موضوع المراسلة للسفارة اذا تحبين ارسلج الايميلات اللي اني بعثتهن والاجوبة اللي استلمتهن على الخاص
وراح اكون كلش ممنون اذا تكدرين ادليني على الخطوة الصحيحة وبارك الله بيج

[ريم عبد]

اخي شرحتلك شتسوي ودزيتلك على الخاص
وان شاء الله خير