اسئلة مهمة عن مقابلة الايس اي في

[Campnou7]

شلونكم يا احلى منتدى

اني مقابلتي بهل الايام وحضرت كل الاوراق المطلوبة بس ردت اسال اذا لازم اودي الاوراق التالية لمقابلة:-

1. Com Approval
2.Nebraska Documents
3.HR letter
4.Recommendation from my supervisor
5.كل الريكومندشنات وشهادات التقدير مال كل الاشغال الي مشتغلها ويا الامريكان لان عندي هواية
6.يمته لازم ادز ايميل للسفارة علمود يدبروني اسكورت لدخول
7.هل لمن اوصل مكان المقابلة ابلغ الجنود العراقين الي موجودين اهناك بان اني عندي مقابلة واشوفهم رسالة موعد المقابلة لو شلون
8.هل اخلي اي هوية عند البوابة لو لا والموبايل وين راح ياخذونه
9.الظرف مال الفحوصات الطبية لازم يكون مسدود هل راح يفتحو لتفتيش لو لا لان الظرف لمن يتسلم لقنصل لازم يكون مسدود واذا فتحو للتفتيش هل القنصل راح يعترض

اشكركم مقدا على كل سي واني ان شاءاله راح اتواصل وياكم لان هاي اول مشاركة الي بهل المنتدى الرائع ويا ريت لو تجاوبوني على اسئلتي والله يحفظكم

[allami2004]

حبيبي Campnou7

اولا لازم تاخذ كل اوراقك الي دزيته ايميل لل NVC يعني العدم محكومية وصورة القيد وال DS 157 ,DS 230 I 360
والشهادة الجنسية والجنسية المترجمات والاصليات طبعا والاوراق الي انت ذاكرهن الركمنديشنات والكوم والفريفيكشن مال الشركه الي تثبت اشتغلت وياهم سنة ولتنسى الصور عدد 6 5سم * 5سم

ثانيا لا ترسل اي ايميل للسفارة وتعب نفسك لان بيوم المقابلة من تروح تلكي شخص هناك واكف ينتظرك وبيده لسته اسمك من ضمن اللستة مال اسماء

ثالثا ميحتاج تكول للعراقين عندي مقابلة وتفضح نفسك لان عادي يوميه اكثر من 250 شخص يدخل ويطلع من الباب وحتى اذا تكلهم متاثر

رابعا بس الموبايل والجداحة اذا تدخن راح ياخذوهن بالباب ومو عراقين الحرس التابع للمنطقه الخضراء وينطوك بيه وصل من تطلع تستلمهن

خامسا اذا فتحوا الظرف عادي لان اكيد السفارة تعرف باجرائات الدخول للمنطقة الخظراء وينفتح الظرف لا تشيل هم

سادسا بالتوفيق وان شاء الله مقابلة سهلة ومتشوف اي مصاعب بيه

تحياتي اللامي

[kunda]

عزيزي ...
1- و3 و4- أخذهن وياك للاحتياط ولو مااعتقد تحتاجهن
2- ضرورية كلش

5-هم اخذهن هي بس اوراق وتخليها بحافظة
6-ماكو داعي اتدز اي ايميل والاسكورت موجود وبالخدمة وبخدمة الطيبين
7-الجنود العراقيين شغلتهم بسيطة بس كوللهم عندي مقابلة وفوت عدل وكبل
8-ماياخذون اي هوية بالباب بس الموبايل ياخذوه البوابة الثانية يعني بعد الحرس الاولي
9-الظرف مال فحوصات راح يبقى مسدود ومايفتحوه حتى بالتفتيش ((وهذه نقطة عليهم طبعا)) بس مرات يتحسسون الظرف بايديهم بدون فتح.
10- لاتنسى الشغلات المهمة وهي الجواز والاستمارة 230 والاستمارة 157والصور مال فيزا وعدم المحكومية والقيد57 والجناسي وشهادة الجناسي (الاصليات كلهن)
11- اذا عندك باجات قديمة اكسباير وتريد تحتفظ بيهن لاتاخذهن وياك لانه راح يصادروهن .

[amy44]

اني قابلت قبل اسبوع ومحد فتح الظرف مال فحص الطبي

[Campnou7]

بالنسبة للباجات اني الي باقي يمي نسخة اصلية هل اخذنه ويايا لو اخذ الاستنساخ مالتهم ?

بالنسبة لكتب التوصية الباقية والشكر هل انطيه وياالاوراق لو انطيه لمن هم يطلبوها وهل اكولهم مقدما بان اني عندي هل الكتب لو ماكو داعي ?

بالنسبة لظروف الدي اج ال هل اخذ ظرف واحد الي ولزوجتي لو ظرفين يعني اني ظرف وزوجتي ظرف ?

هل اذا الواحد يكون من سكنة ولادة الشمال تاثير بان الفيزا تعرقل لو لا او الكيس تنرفض?

شنو هي الاسئة الي تنسال بالمقابلة?


اشكركم هوايا على المساعدة واله يخليكم

[kunda]

عيوني ..الباجات ...اذا أكساير راح يصادروها فانت اخذ وياك نسخ اذا تحب تحتفظ بيهن للذكرى او لغير شي

كتب التوصية ..الزيادة كالنقصان انت أمشي على كتاب التوصية اللي قدمتة واخذت عليه الكوم ابروفال اهم شي هو هذا.

ظرف الدي اج ال ...تسوي ظرف لكل نفر بالعائلة والمهم يمهم هو الوصل مال مكتب دي اج ال وليس الظرف نفسة.

سكنة الشمال ... أثبتت التجارب انه مالها أي تأثير واني كدامك(ساكن في اربيل)وأكو المئات مثلي ان لم يكن الاف.

الاسئلة ... كلمن وحظه بس غالبا أسئلة اعتيادية  بسيطة بس مرات تصير ويلحون بالاسئلة (خدمتك العسكرية ,شغلك ويا الامريكان وين وشوكت ويمتة بطلت وليش ,اعمالك قبل وبعد الامريكان ,سفراتك السابقة ,انتمائاتك الحزبية ,كم جواز سابق كان عندك,شدارس؟ ومرة سمعت سؤال غريب عن والد المتقدم شنو كان يشتغل وهسه هو وين ؟ وأيضا التهديد شلون وشوكت ومنو عندك بامريكا ومن هالسوالف)

قبل المقابلة راح ينطوك ورقة بيها كم سؤال وهي اسماء اخوانك واخواتك جميعا ومواليدهم ولزوجتك نفس الشيء
وارقام هواتفكم ايضا .
وأيضا قبل ماتبدي المقابلة راح ياخذون بصماتكم ويكولولكم ارفعوا ايديكم اليمنى ورددوا بعدي وبالاخير يكوللكم كولو (Na'am)يعني نعم 

اذا تذكرت شي همينة تفضل اسأل واحنا بالخدمة

[Campnou7]

اخوي كوندا يعني قصدك اسوي كوبي ملون للباجات واخذها ويايا زين بهل الحالة هم ما راح يعترضون ويكولون وين الاصلية وشكول بهل الحالة


بالنسبة للريكومندشنات يعني بس اخذ ويايا الي قدمته لمن حصلت عل الكوم ما اخذ ويايا البقية لان اني عندي هوايا بالبيت شنو الي تنصحه من هذه الناحية؟

اني ساكن اربيل واصلا الولادة اهنا ما رايح غير مكان بس اربيل كاضي بيها حياتي يعني هاي ما راح تكون السبب انرفض لان تعرف الوضع اهنا احسن من بغداد



وشكرا يا احلى منتدى ويا اخ كوندا الورد

[amy44]

الاسئله الي سئلوها اليههي
1- تهديديك مباشر لو غير مباشر ؟
2-كم وحده اشتغلتي وياهم ومنو اكثر وحده حبيتيهم وليش وشنو اسم السارجنت مال الوحده الي كان مسوول عليج وين يسكن ؟
3-طابه سجن لو عليج اي حكم سابق؟
4-شنو درجتج الحزبيه؟
5- ليش بطلتي وشنو سبب الرليس؟
6-مسافر خارج العراق؟
7-عندج جواز اخر؟

وهاي كانت الاسئله

[kunda]

لاعيني ماراح يسألوك وين الاصلي ومو مهتمين أساسا لانه همه متأكدين سابقا من باجك وعدهم علم بأنه كان المفروض بيك تسلمة من تترك العمل .واذا سألوك وين الاصلي ولو هاي مستبعدة كوللهم عادي بالبيت واذا تريد اخذة وياك بلكي يعبر التفتيش.
باجي عبرتة مرتين بس بالثالثة لكفوا لانه ماجنت ضامة زين بصراحة واصلا مااهتميت خلي ياخذوه بالعافية.

انت اذا تاخذ الريكومنديشنات وياك عادي مو فد مشكلة .بس الاهم هي اللي قدمت بيها ولو مايطلبوها ايضا(مستبعدة)

اخي السكن في اربيل او غيرها ماله علاقة ... انت ماجاي تطلب لجوء علمود يكولك بالشمال اكو أمان ومانقبلك ؟!! انت جاي تطلب حقك واستحقاقك بحسب القانون اللي همه وضعوه ..ال siv استحقاق للهجرة وليست لجوء .. وانت مادام اخذت كوم ابروفال يعني تستحق الفيزا وهمه الممنونين (بالقانون) الشيء الوحيد اللي يعرقلها هو البلاك لست او اي مشاكل سابقة لاسمح الله .

بس انت شلون كل حياتك باربيل وهيجي لغتك العربية مضبوطة؟؟! لو اكو احد يساعدك بالكتابة؟
وتحياتي ..كوندا

[Campnou7]

شكرا يا اخ كوندا عل الاجوبة الرائعة والكافية بس اني جنت اشتغل ويا شركة امريكية عدها عقد ويا الجيش ما جنت اشتغل مترجم ويا الجيش هل هذا راح ياثر لو فد شي عادي. واني لمن الشغل خلص تركت الشغل بسمعة كلش زينة

يعني اذا اخذ بقية الركومندشنات هل راح يعبروها بالتفتيش واذا جانت ويايا ه
ل اكول الهم بان اني عندي غير ريكومندشنات علمود توثيق الوظيفة الاولى مو مال الايس اي في لان اني طبعتها وحضرتها.


على ما اعتقد راح اودي الهويات الاصلية وخلي هم ياخذوها ما تفيدني بشي بعد ؟

هل اودي ويايا نسخة من قصة التهديد لو لا لان مثل ما تعرف اني تهديدي غير مباشر ؟

بس اكدلي اذا مو زحمة على شغلة الريكومندشنات الباقية شوف انت ضرورية اوديها ويايا لو لا؟


شكرا

[googoo]

أكو ملاحظه:

بالنسبه ألي بيوم المقابله طلبوا مني ال HR Letter الأصلي. فديروا بالكم حاولوا اتحصلون على الأصلي.لأن أكو هوايه من الأخوان دازيلهم ياه بالأيميل.

شكو عندك اوراق ثبوتيه وديهه وشكو مستمسك دزيته لل NVC لازم تاخذه وياك يعني الأصلي والمترجم.

بالتوفيق ان شاء الله

كوو كوو

[Campnou7]

اني من دزولي الاتش ار دزولي اياها من امريكا سكان لان شركتنا عافت العراق بس لمن قدمت ما كلولي اي شي ومن وين راح ندبر الاصلية ............ لخوي كوندا ليش الباجات الي هي اكسباير راح يصادروها يم التفتيش لو بالسفارة؟ واذا صادروها يم التفتيش هل لازم نبلغ جماعة السفرة لو لا ؟ وين برايك احسن مكان الواحد يضمها؟

[googoo]

أخويه العزيز :

آني هم بوقتهه ورقة ال HR دزولياه سكان على أيميلي بس بعدين طلبت منهم يدزولي الأصليه ودفعتلهم فلوس ال DHL ودزوه على عنواني.

كوو كوو

[Campnou7]

بالنسبة لشغل الحالي اني داشتغل بشركة اوروبية هل احتاج كتاب تايد الشغل من عدهم لو لا?

علمود الاتش ار النسخة الاصلية ما كدرت ادبرها وكذلك الريكومنديشن مال المسول مالتي وبس عندي نسخة الي دازيها الي ايميل فما اعرف شسوي?

اريد بس جواب نهائي علمود اخذ الهويات الاصلية لو لا وكذلك الريكومندشنات الباقية? واذا اخذ الهويات الاصلية هل راح اكيد يصادروها بالسفارة? واذا ما اخذتها اكدر اكول بان اني مسلمها وعندي الكوبي مالتها?


احتاج الجواب بسرعة اذا ماكو زحمة لان المقابلة اقتربت>>>>.

[hdhdhd]

السلام عليكم اخوان
اني تقريبا واصل نفس المرحله
بس عندي سؤال بالنسبه للفحص ؟
شلةن اسوي فحص طبي وشنو معناها لازم تكون الضروف مامفتوحة
بعدين الفحص الطبي الية ولزوجتي ؟؟

ارجو الاجابه

[googoo]

بالنسبة لشغل الحالي اني داشتغل بشركة اوروبية هل احتاج كتاب تايد الشغل من عدهم لو لا?

علمود الاتش ار النسخة الاصلية ما كدرت ادبرها وكذلك الريكومنديشن مال المسول مالتي وبس عندي نسخة الي دازيها الي ايميل فما اعرف شسوي?

اريد بس جواب نهائي علمود اخذ الهويات الاصلية لو لا وكذلك الريكومندشنات الباقية? واذا اخذ الهويات الاصلية هل راح اكيد يصادروها بالسفارة? واذا ما اخذتها اكدر اكول بان اني مسلمها وعندي الكوبي مالتها?


احتاج الجواب بسرعة اذا ماكو زحمة لان المقابلة اقتربت>>>>.

أخويه العزيز:

همه يركزون على الHR مال الشركه اللي انت كنت تعمل بيهه مع الامريكان اللي بسببهه انت انقبلت على برنامج ال SIV همه ماعليهم انت من بعدهه وين اشتغلت لذلك مطلوب منك فقط ال HR مال الشركه اللي انت عملت معهم واللي لازم يكون مده الخدمه سنه او اكثر واللي بموجبهه انت حصلت على الكوم ابروفال...
 ويجوز اصلا مراح يسألوك على ال HRالأصلي...

اما بخصوص الريكومنديشنات فآني ماعندي الأصليات كون هي اندزت من قبل السوبرفايزر مالتي بواسطه الأيميل وان السوبرفايزر غير موجود حاليا بالعراق وهمه بالأساس كانوا على اتصال بيه لذلك ماطلبوا مني اي ريكومنديشن حتى انه انت بيوم المقابله راح اتشوف كل مستمسكاتك اللي انت دزيتهه لل NVC مطبوعه وحاضرة كدامهم ...

اما بخصوص الهويات:
انت من اجاك الأيميل الاخير من ال NVC واللي بلغك بيه بيوم المقابله يجي وياه اتاج فايل مكتوب بيه موعد ومكان المقابله وبيه ايضا الفحص الطبي وأيضا مكتوب شنو هي المستمسكات المستنسخه اللي انت دازهه الهم واللي المفروض عليك اتجهز الأصليات بيوم المقابله حتى يطابقوهه مع المستنسخه والمترجمه ومن ضمنهه يكتبون انه يجب عليك جلب الهويات اللي انت بالأساس دزيت المستنسخه الهم وهذا ما صار معي بالضبط كاتبين SI BADGES يعني المفروض اتشوفهم الهويات مالتك وبعد ما اكدر افتي اكثر.. وانت اساس رايح مقابله يعني ذني المستمسكات المفروض محد يجيكهه بالدخول لأن هي اوراق انت جايبهه لغرض المقابله يعني هو مو سلاح او موبايل حتى ياخذوه منك بيوم المقابله اثناء دخولك..

بالتوفيق أن شاء الله

كوو كوو

[Campnou7]

زين هم ما يكولون ليش ما مسلم الباجات الاصلية لان اني اشتغلت بشركتن واحدة سلمت الباج واستنسخته وخليتي يمي والشغلة الي قدمت عن طريقها ايس اي في ما سلمت الاصلي فهل راح يسالون ليش ما سلمته وتاثر عل المعاملة لو لا?واذا اودي استنساخ اثنينتهم واكول الاصلية مسلمها هل راح ياثر لو لا??


وباقي الريكومندشنات مال شغلي الاول والثاني ما عدا الي دازه الهم لمن اخذت الكوم هل احتاج اوديها ويايا لو اكتفي بس الي دزيتها الهم من ما قدمت واذا وديتها ها انطيهم نسة لو ما اجيب طاريها الن ان هم يطلبوها لان اني حاير من هاالناحية?


ارجوكم اريد تاكيد على السوؤالين حتى ارتاح وتخلص الحيرة مالتي واشكركم هوايا

[googoo]

اخويه انت رايح مقابله مال فيزا يعني المفروض همه من انطوك الكوم ابروفال انطوه لأن انت مستوفي كل الشروط وخصوصا الريكومنديشن مال الكوم ابروفال ، يعني لا أتشوف غير ريكومنديشن انت عليك بس على ماقدمته الهم بالسابق بفترة الكوم ابروفال ومرحله ال أن في سي...

همه يريدون يطابقون ماعدهم ويه الأصليات اللي راح اتشوفهه بيوم المقابله غير ذني لا أتقدم...

[Campnou7]

اخوي

اذا هيجي راح اخذ ويايا الي قدمت للكوم ابروفال حتى ما افنح عليه باب . والباجات راح اودي الي عندي اصلي والب عندي مستنسخ واذا سالوا ليش ما مسلم الاصلي راح اكولهم الشركة ما رادو مني وما طلبوه مني؟ هل هذا الجواب برايك زين

بالنسبة لفورم I-360 الي دزينها بالمرحلة ما بعد الكوم هل اودي ويايا لو لا وكذلك بالنسبة للوصولات الي يدزوها للكفيل لمن نبراسكا تستلم الفورم؟ هل هي ضرورية لو مو ضرورية؟


وشكرا مقدما لان تقريبا الي جان بالي جاوبتوا عليه يا احلى منتتدى

[googoo]

اخوي

اذا هيجي راح اخذ ويايا الي قدمت للكوم ابروفال حتى ما افنح عليه باب . والباجات راح اودي الي عندي اصلي والب عندي مستنسخ واذا سالوا ليش ما مسلم الاصلي راح اكولهم الشركة ما رادو مني وما طلبوه مني؟ هل هذا الجواب برايك زين

بالنسبة لفورم I-360 الي دزينها بالمرحلة ما بعد الكوم هل اودي ويايا لو لا وكذلك بالنسبة للوصولات الي يدزوها للكفيل لمن نبراسكا تستلم الفورم؟ هل هي ضرورية لو مو ضرورية؟


وشكرا مقدما لان تقريبا الي جان بالي جاوبتوا عليه يا احلى منتتدى

أخويه لا 360 ولا وصولات همه بيوم المقابله راح يجي الموظف ويكللك أنطيني الأصليات ويكعد ويجيك ويه اللي عنده وحده وحده ومن بعد ما يخلص التجييك يرجعلك الاصليات ويكللك هسه بعد شويه يقابلك القنصل طبعا آني دا أحجيلك مثل ماصار ويايه وللعلم آني مقابلتي كانت خارج العراق.
خوب آني كللي أنطيني الكوم ابروفال أنطيته ياه كللي لا أريد الأصليه كتله يا أصليه هي جتني بالايميل من السفارة عاد هو كال أو كي ماكو مشكله.
وبعدين بالمقابله أخذوا البصمات وحلفنه ووقعنه على الفورم 230 لأن آني ما مشمول بالفورم 260 أون لاين و بعدهه كم سؤال وهاي هي.

[Campnou7]

شكرا عل الاجوبة الكافية بس اخر سوال عندي اني بشغلتي الاولى جنت اول مرة في قسم الصيانة بعدين حولو الشغل مالتي في قسم المخازن بس الهوية بقت تنقري قسم الصيانة فلمن قدمت كتبت اني جنت اشتغل كصيانة ومخازن بس الهوية مكتوب عليها قسم الصيانة فلمن القنصل يسالني عن شغلي الاول الاول اكدر اكوله جنت اشتغل في قسم الصيانة والمخازن في ان واحد لو شلون اجاوبه برايكم وهل هذا راح ياثر عل الفيزا ويمكن انرفض من وراها

يابه هل اليوم اكتشفت بان تاريخ ولادة امي مسويه غلط بجم يوم هو اصلا 12 واني كاتب واحد بشهر السادس ومثل ما تعرفون هذا التاريخ هو في فورم 260  بس بفورم 230 هو صح فا ما اعرف شسوي هل هذا الشي اعتيادي لو لا وشكول القنصل بيوم لالمقابلة تره هسه اكتشفت الشغلة وكلش دايخ من هل الشغلة ارجوكم ساعدوني؟ هل احتاج ادز ايميل لسفارة ابلغهم بالغلط الي صار لو اكوله الهم بيوم المقابلة? وهل يمكن انرفض من ورا هل الغلط

وشكرا واسف عل عالازعاج لان طولتها عليكم بس من غيلر هل المنتدى واحد راح يتحير لان هذا المنتده هو احسن منتدى بكل اعضائه