السلام عليكم ورحمة الله
اتذكرت اليوم الاخ الكريم اللي كتب موضوع عن الصبر ...قدمت على اليو ان لمن كان عمر ابني 6 سنوات هسة صارعمره 17 سنه وباقي سنة يخلص توجيهي هههههه مادري اضحك لو ابجي ؟ لو الطم مثل الاخت مظلومة المهم دائما وابدا كلمة الحمدلله بلساني مهما يصير وتذكرت قول عادل امام بعد خدمة 15 سنة بثنوي بتقوليلي اوقف...... الصبر ثم الصبر ماعدنا غيره
بعد 11 سنة صبر فرجت اليوم الساعة 10 صباحا تليفون من اليو ان ....احضر انت والعائلة غدا صباحا لاستلام الكرت الازرق...!!!!!!
يالله صدق جذب ....مرت ال 11 سنة كأنهم لحظة خاطفة كأنهم اسبوع او شهر ماحسيت بيها كاننا نحن العراقيين ناخذ ابرة صبر ينطينياها الزمن ....اللهم اللهم لك الحمد والشكر بداية الطريق مثل مايكولون الاخوة بالمنتدى ياترى بعد اشكد اصبر ؟ هل هناك سنوات صبر قادمة غير ال 11 ؟؟؟ الله اعلم .......طولت عليكم بموضوعي ولكن كلمة وحدة لجميع الاخوة والاخوات في هذا الصرح الرائع والشامخ
خليها كلمة بلسانك ( الحمدلله رب العالمين ) على كل شي
