ارجو المساعدة من جماعة ال SIV

[Birch]

السلام عليكم

اني كنت و لا زلت اريد اهاجر للاستراليا و للاسف مخليت باب و مطرقته بس للاسف ماكو طريقة شرعية و قانونية اوصل بيها للاستراليا.

بعدين حاولت على كندا و للاسف بائت محاولاتي بالفشل و لانه برنامج الاس اي في راح يخلص بعد سنة و نص قررت اقدم على الاس اي في لانه صارلي تقريبا 3 سنوات ماخر التقديم و بعد خاف تروح عليه اخر فرصة.

ممكن رجاءا توضحولي خاف عندي نقص بالاوراق للتقديم على الاس اي في.

1.رسالة تزكية من المسؤول الامريكي المباشر ,كاتب بيها كنت موظف جيد و قدمت خدمات مخلصة للحكومة الامريكية و ما اشكل اي تهديد على الامن القومي الامريكي ,وكاتب اميله العسكري.

2.رسالة الاج ار .

3.استمارة دي اس 157.

4.نسخة من الصفحة الاولى للجواز .

5. نسخة من الجنسية.

6.نسخة من دفتر الخدمة العسكرية.

هل هذه هي الوثائق المطلوبة لو اكو بعد؟

ممكن رجاءا ايميل الاس اي في في بغداد؟

ومنو الافضل اقدم من بغداد لو من عمان؟

تحياتي.....

اخوكم بيرج

[Striker]

نسيت الركمنديشنات الي حصلتهة اثناء شغلك كلهة لازم ادزهة. وبلنسبة لمكان التقديم ماعندي اي علم بي

[مغترب بلا وطن]

اوراقك مضبوطة وضيفلها الركمنديشنز مالتك , رسالة الاتج ار لازم بيها تاريخ يثبت عملك اكثر من سنه

التقديم كله اونلاين ميحتاج لا عمان ولا بغداد ولا نيودلهي والايميل هو

BaghdadSIV@state.gov

 بالتوفيق

[Broken_Man]

حبي نصيحة الك قدم ركمنديشن وحدة بس , و قدم الركمنديشن الي انتة متاكد من صاحبها راح يجاوبهم , مو ادز وحدة مال ضابط ميت بالحرب العالمية الاولي لو فد جندي هسة يطلع مسجون بقضية مخدرات , الافضل ان تتصل بصاحب الركمنديشن و تنطي علم كبل لا تقدم

[Birch]

شكرا اخواني سترايكر و مغترب بلا وطن.

اخوية مغترب بلا وطن, انته شنو تقصد بالركومنديشن مالتي؟ هل هي رسالة التزكية (ركومنديشن) من المسؤول المباشر؟مثل ما ذكرت اني بالفقرة رقم واحد؟ارجو التوضيح؟

[مغترب بلا وطن]

بالاضافة الى رقم 1

شكو عندك اوراق امريكية قدمها

[Striker]

اذا مذاكر البايوكرافي, فلازم ادزلهميا ترة

[راما الافندي]

الاخ Brich

الأيميل الي لازم تدز عليه هو  IraqSIVApplication@state.gov


مو الأيميل الي انطاه اخونه المغترب لان هذاك الايميل مختص للأستعلام عن البروسس مال المعاملة بعد المقابلة.

وره متاخذ الكوم ابروفال عندك الخيار انه تحدد بيا سفارة تريد انت المقابلة اي لمن تدز اوراقك لنبراسكا.

راما الافندي

[mosabnet]

روح والهوى بظهرك ... بالموفقية ان شاء الله

[IMMIGRANT2]

اهلا وسهلا بيك بالSIV وبعد يمكن فد سبعة اشهر راح نشوفك بالسره واكف ويانه بانتظار الفيزه...

[googoo]

لحك أخويه وقدم واخذلك كيس نمبر قبل ما يصير شي .
ومثل ماكالوا الاخوان لازم السوبرفايزر مالتك يكون عنده علم بالتقديم وأتأكد من أنه أيميله هو نفسه بعده الى حد الآن يشتغل.

وأهم شي قصة التهديد مالتك :
لازم اتحضرهه هاي من ضمن المستمسكات اللي انت ناسيهه لأن انت ماذاكرهه، ولازم يكون بيه توقيعك بأسفل الورقة ولازم تثبت انه التهديد أجاك من خلال عملك وياهم وهذا الكلام لازم يكون مطابق ويه كلام السوبرفايزر الامريكي.
وأتأكد من المعلومات اللي راح تكتبهه بالفورم 157 مو بعدين تكول والله آني غلطت واريد اصلح الفورم..

بالتوفيق ان شاء الله

كوو كوو

[wallace757]

ناقصك البايو ديت والثريت ستيتمنت

IraqSIVApplication@state.gov
وهذا الاميل ويستحسن ان تفوت وتاخذ معلوماتك من موقع السفاره احسلك لان شارحيلك اياها خطوه بخطوه

http://travel.state.gov/visa/immigrants/info/info_4172.html

[wallace757]

بالاضافة الى رقم 1

شكو عندك اوراق امريكية قدمها

صديقي مغترب بلا وطن اني اقترح انو متورط الولد

شوف صديقي مثل ماكتلك فوت الموقع السفاره وراسل الاميل الي نطيتك اياه وباوع لتدزلهم غير الركمنديشن مال الامريكي الي يجاوبهم اذا راسلوا وسالو عنك لتدز غيرها لان تتاخر معاملتك لان راح يخاطبون كل واحد كاتبلك ركمنديشن همه الي طالبي سوي والطلبات هيه التالي الي انت تكدر تفوت وتلكاهم بموقع السفاره

DS157
Badge
HR letter
Passport
Threat statement
Bio Data
Letter of recommendation with the start and end date of supervision

بالموفقيه

[Birch]

شكرا اخواني الاعزاء على الاجابة و المساعدة و ممنون منكم و متقصرون .

بس للضابط اني راح ارسله ايميل ابلغه بانه راح ان شاء الله اقدم ,حته يجاوبهم على الاميل مالتهم.

بس ممكن رجاءا توضحولي بشغلة (Bio Data & Threat Statement) ,لانه هاي ما اعرف بيها.ممكن رجاءا توضحولي هاي الفقرتين و اذا اكو فورمة امليها بخصوص هاي النقطتين؟

بالنسبة للاميل الي ارسل عليه الاوراق منو هو الصح ؟ لانه هسه كتبتوا اميلين؟

بالنسبة للاخ (googoo), تكول لازم قصة التهديد تكون مطابقة ويه كلام السوبرفايزر .السوبرفايزر كاتب بانه تهددت من خلال عملي ويه القوات الامريكية بالركومنديشن, وانته تكول لازم اكتب قصة تهديد......انته تقصد القصة الي راح اكتبها لازم ارسل نسخة منها للسوبرفايزر مالتي حته تطابق الاجوبة؟ شغلة ثانية ,بالنسبة للفورم دي اس 157 ,ما مذكور بيه شغلة تهديد؟لو اني غلطان؟ارجو التوضيح اذا امكن؟

[googoo]

أخويه العزيز Birch :

شوف حسب ماهمه رايدين من كل شخص ينوي التقديم على البرنامج يجب ان يكتب قصه تهديد مختصرة ومفهومه ويجب ان لا تتجاوز المقطعين .
يعني آني كتبت تقريبا 8 سطور وضحت بيهه أشلون اتعرضت للتهديد نتيجه عملي معهم.
والسوبرفايزر مالتي بوقتهه كللي دزلي قصه التهديد مالتك وراد مني هم ادزله ال HR مالتي علمود يصير عنده علم بكل شي ومن يكتب الريكومنديشن يذكر بيهه انه كان هو على علم بالتهديد الي اتعرضتله.
يعني كان اكو تنسيق بيني وبينه علمود نتفادى اي خطأ ممكن ان يحدث.
اما عن الفورم 157 فأعتقد هي كلش واضحه فقراتهه بس انتبه من تمليء الفقرات خصوصا اذا انت خادم عسكريه. لأن لازم تكون منطبقه مثل ما مكتوب بدفتر الخدمه مالتك.

بالتوفيق ان شاء الله

كوو كوو

[Birch]

شكرا اخوية googoo و ممنون منك و متقصر يا طيب.

اخوية بالنسبة للقصة التهديد و التنسيق بيني و بين السوبرفايزر وضحت الفكرة. بس بقت شغلة البايوكرافي اشلون اسويها ؟اكو فورمة معينة؟

ولو اني كثرت اسئلتي ,بالنسبة للفورم دي اس 157 , و فقرة العسكرية..... اني دفتر الخدمة مالتي نوعه (مثل الهوية) يعني بيه بس اسمي و مواليدي ,ممذكور بيه شغلة التواريخ للعسكرية؟ ارجو التوضيح اذا امكن اخوية العزيز...........

[googoo]

أخويه العزيز:

Biographic data هو كالآتي :

Name:
Father’s Name:
Grandfather’s Name:
Family Name (Tribe):
All other Names/ Alias: N/A
Nationality:
Passport Number:
Date of Birth:
Place of Birth:
Gender:
Marital Status:
Phone Number:
Relationship to principal applicant: APPLICANT

تكدر تكتبهه ورد دوكيومنت وتحولهه بي دي أف وتسويه أتاج فايل او تكتبه بنفس الأيميل يعني ما اتسويه اتاج.

اما بالنسبه للخدمه العسكريه انت اكتب تاريخ التحاقك بالخدمه وتاريخ تسريحك من الخدمه وبس.
و سوي سكان للهويه العسكريه و دزهه ويه بقيه المستمسكات (أتاج فايل)

بالتوفيق ان شاء الله

كوو كوو

[Birch]

شكرا اخوية العزيز googoo على الاجابة و التوضيح..............