سؤالي للأخ علي أمون وللذين عندهم إجابة شافية رجاءااا...

[العراق بدمي]

السلام عليكم
سوأل إذا امكن لأخي علي امون وأي شخص يعرف بهكذا أمور لكني خصصت علي أمون لدرايته بأمور مطار عمان الدولي والسوأل هو...
هل العوائل القادمة من العراق هذه الفترة ومرورها لأمريكا بمطار عمان الدولي تبقى في الترانزيت لحين موعد الطائرة لو يودوهم للفندق لأن سابقآ كانوا يباتون ليلة كاملة في الأردن قبل الطيران في اليوم التالي لكني لاحظت من قسم من الأخوة قولهم أن الأمر تغير وأصبح السفر في نفس يوم الوصول لمطار عمان فيتم بقائهم بالمطار ...
أني بكل صراحة سبب سوالي لاني عندي غرامات في الأردن فأصلآ لا أستطيع الدخول مع عائلتي وسنبقى إن شاء الله وسافرنا في الترانزيت وخايف يسوولنا مشكلة الأردنيين أو موظفو ال أي أو إم وتأثر سلبآ على سفرنا... عذرآ على الإطالة
وأتمنى أن أحصل على إجابة شافية لان الأمر قلقني جدآ وأكون شاكرآ لكم... تحياتي

[messi10]

حبي هذا جواب لايعتمد عليه ومواكيد انشالله تاخذ الاكيد من ابو حسين سواء يأكد او ينفي
الترانزيت تبقه بلمطار ماتدخل للبلد يعني حته مرح يعرفوك انت منو وشنو عندك حته اذا تبات ليله تبقه بفندق المطار وجوازك مينختم دخوليه بالاردن هالشي بكل المطارات ماشي يعني ماعليك شي من ناحيه الغرامات

[SARA CALIFORNIA]

Gothic
شلون مينختم الجواز بالاردن؟؟؟
الجواز ينختم Arrival و Departure

[Cpt_Ali]

Gothic
شلون مينختم الجواز بالاردن؟؟؟

أي شخص يدخل للمطار ترانزيت فمراح ينطمغ جوازه, وهذا الشي بكل مطارات العالم حتى أبمطار موزنبيق العاوي اللي بي بس موظفين 2 وشرطي واحد وكاتله الهبري

[SARA CALIFORNIA]

اخ علي اني دخلت ترانست لعمان من سافرت بس جوازي مختوم 

[العراق بدمي]

هوا إذا بقوا ترانزيت مايتم ختم الجواز وهذا ما سمعته موخرآ من بعض الأخوة ولست متأكدآ لكن إذا أدخلوهم لفندق المطار فلابد من ختم الجواز وهذا ما أخشاه ولكن موخرآ وأخ علي قد يكون على علم بذلك لم يدخلوهم للفندق وبقوا ترانزيت ... فلا أدري هاي حالة ثابتة لو كل مرة شكل؟؟؟ ... شكرآ وتحياتي

[ديفيد بغداد]

اخي لو تسئل شركة عالية بغداد احسن بلكت عدهم معلومة اكيدة همة بالمرديان مقرهم

[محبوبة]

خويا اني اكليك ترانزين مياختمو بالجواز
لان اني سافرت من سلطنه عمان الى اربيل ومريتن ترازيت بتركيا
فما يختمو ترانزت
تحياتي

[انيس الجالسين]

قبل سنتين تقريبا .. سافرت من اربيل الى باريس ... عمان ترانزيت
في رحلة الذهاب .. كان موعد طائرة باريس بفارق 8 ساعات قضيناها في المطار
وتعبنا كثيرا ... الجواز كان غير مختوم
في رحلة الإياب (العودة) ايضا كان موعد طائرة اربيل بفارق 8 او 9 ساعات تقريبا
لكن ارسلونا الى فندق الملكة عالية التابع للمطار .. ارتحنا كثيرا والحمد لله
لكن الجواز كان مختوم ترانزيت وبقي عند الموظفين .. عند وصولنا بدأوا ينادون بالاسماء
واعطونا الجوازات .

اتمنى اكون قد اضفت شيء للفائدة

[فانتوم]

والله اني نفس الحالة عندي غرامات وما يحقلي ادخل الأردن الأ اسددهه فياريت تفيدونه بأجابات مؤكدة

[Cpt_Ali]

اخ علي اني دخلت ترانست لعمان من سافرت بس جوازي مختوم 

ليش ختمو جوازج؟ اخاف طلعتي من المطار ونمتي ليلة بفندق عاليه؟ اذا طلعتي من المطار فلام ينطمغ جوازج, بس اذا اتضلين بداخل المطار ترانزيت فمراج ينطمغ الجواز, وهذا الشي يطبق بكل مطارات العالم

[السفير80]

الكلام واضح يعني اذا بقيت بالمطار ومطلعت ,الجواز مينختم ,بس اذا طلعت من المطار يعني دخلت للبلد ولازم ينختم الجواز

اما بخصوص قضيتك اخي انت مينختم جوازك وضل بالمطار لان انت غير مسموح بدخولك الى الاردن الا بعد دفع الغرامات وهاي صارت بصاحبي وعن خبرة ..............  علما اني بالاردن








السفير

[SARA CALIFORNIA]

اخ علي اني دخلت ترانست لعمان من سافرت بس جوازي مختوم  

ليش ختمو جوازج؟ اخاف طلعتي من المطار ونمتي ليلة بفندق عاليه؟ اذا طلعتي من المطار فلام ينطمغ جوازج, بس اذا اتضلين بداخل المطار ترانزيت فمراج ينطمغ الجواز, وهذا الشي يطبق بكل مطارات العالم

اي,,اني من الجماعة اللي بيتوهم بفندق عالية و ثاني يوم طلعنه,,,بس حتى اكون دقيقة,,,جوازي مختوم مرة وحدة و مدا اتذكر دخول لو خروج لان قبل جان ميبين الدخول من الخروج,,بس هسه لا الختم تغير الدخول عليه ارايفل و الخروج عليه دبارجر,,,كل الاحوال اذا الاخ راح يختموله بس خروج ببساطة ليدفع الغرامة و عود خلي يدكوله منع خمس سنين قابل هيه مشكلة يعني ليدخل بعد للاردن

[messi10]

Gothic
شلون مينختم الجواز بالاردن؟؟؟
الجواز ينختم Arrival و Departure

سارة 
مو اني ليش كتلة مو اكيد... النظام بكل مطارات العالم حتة بلموزنبيق مادري وين صايرة انو الواحد من ينزل ترانزيت ميحجوون وياه مجرد يدخل للقاعة مال انتظااار و يشوف الطيارة الثانية شوكت و على اي بوابة و قسم من التكتات تكصين مبيت بالفندق تبقين بداخل المطار ميحتاج ختم... بس بالنسبة النة عراقيين بمطار عمان ماعرف شلون اني ممجرب هنا فديوم نازل ترانزيت... بس اعتقد انتي ختمويالج لأنه طلعتوا خارج المطار...او مادري وين الفندق يجوز حتلو بداخل المطار و ختموا... زين انتي من رحتي لأمريكا وين وكفتوا ترانزيت؟؟ يجوز بهولندا مستحيل يختموا للجواز مو صحيح ؟؟

[Cpt_Ali]

اخ علي اني دخلت ترانست لعمان من سافرت بس جوازي مختوم  

ليش ختمو جوازج؟ اخاف طلعتي من المطار ونمتي ليلة بفندق عاليه؟ اذا طلعتي من المطار فلام ينطمغ جوازج, بس اذا اتضلين بداخل المطار ترانزيت فمراج ينطمغ الجواز, وهذا الشي يطبق بكل مطارات العالم

اي,,اني من الجماعة اللي بيتوهم بفندق عالية و ثاني يوم طلعنه,,,بس حتى اكون دقيقة,,,جوازي مختوم مرة وحدة و مدا اتذكر دخول لو خروج لان قبل جان ميبين الدخول من الخروج,,بس هسه لا الختم تغير الدخول عليه ارايفل و الخروج عليه دبارجر,,,كل الاحوال اذا الاخ راح يختموله بس خروج ببساطة ليدفع الغرامة و عود خلي يدكوله منع خمس سنين قابل هيه مشكلة يعني ليدخل بعد للاردن

أي شفتي جنتي طالعه خارج المطار, اي شخص يطلع خارج المطار فلازم ينختم الجواز, لانه المطارات بكل العالم هيه عبارة عن حدود, وبالنسبة الختم مال الاردن هو نفسه متغير وبعده نفسة القديم اللي هو من تطلعين يطمغولج ديبارجر ومن اتدخلين يطمغولج أرايفل

[علي امون]

                                                               ألسلام عليكم جميعآ

أخي العزيز تحياتي الك وللجميع : اول شي لازم تعرفه انو موظف IOM يكرك بالمطار وامكانية قوية هذا الي شفتة
بعدين لازم تعرف شوكت موعد وصولك لعمان وشوكت رحلتك لامريكا وغالبآ ماتكون 12 او 2 ليلآ
اذا وقتك قريب بين الرحلتين تظل بالمطار وفوك راسك الموظف IOM  وجوازك مينختم ) بس اذا الفارق طويل او تاخير24ساعة لا ينختم دخول وياخذوك للفندق مطار عاليا 12ساعة ويرجعوكم للمطار وهم لتخاف اي اجراء بحقك متاخذ الجهات الاردنية

ودليل على كلامي (اختي 2007 عليها منع من الاردن وزوجهه بالاردن ينتظر لان طيارتهم من عمان الى امريكا ودخلت للمطار وانحجزة 2ساعتين وبعدين الموظف دخلهه لعمان وبقت 2شهرين لحين موعد الطيارة وهي عدهه منع ف لدوخ بالحالتين محد يضايقك ) واذا تحتاج اي شي اني بالخدمة واذا عندك كرايبك يريدون يشوفوكم سهلة يكدرون يروحون للادارة مال المطار قرب ترمنل 2 ياخذون موافقة دخول ويدخلون يشوفوكم وانتو بالممر مال الانتظار الترانزيت

وبالتوفيق للجميع وتوصل بسلامة


علي أمون

[ــــ{{{ABADY}}}ـــــ]

    اخى السائل بالنسبه لكم واللى عليه غرامات مهما كان يدخل للمطار او الفندق ما عليه اى شى ولا تخافون


لان دخولك ترانزيت واصلا ممنوع عليك تدخل البلد حتى لو ساعه وحتى لو ما عندك غرامات تظل بالمطار او الفندق


عن تجربه طبعااااا



اما الجواز اذا فندق فراح ينختم

[SARA CALIFORNIA]

Gothic
شلون مينختم الجواز بالاردن؟؟؟
الجواز ينختم Arrival و Departure

سارة 
مو اني ليش كتلة مو اكيد... النظام بكل مطارات العالم حتة بلموزنبيق مادري وين صايرة انو الواحد من ينزل ترانزيت ميحجوون وياه مجرد يدخل للقاعة مال انتظااار و يشوف الطيارة الثانية شوكت و على اي بوابة و قسم من التكتات تكصين مبيت بالفندق تبقين بداخل المطار ميحتاج ختم... بس بالنسبة النة عراقيين بمطار عمان ماعرف شلون اني ممجرب هنا فديوم نازل ترانزيت... بس اعتقد انتي ختمويالج لأنه طلعتوا خارج المطار...او مادري وين الفندق يجوز حتلو بداخل المطار و ختموا... زين انتي من رحتي لأمريكا وين وكفتوا ترانزيت؟؟ يجوز بهولندا مستحيل يختموا للجواز مو صحيح ؟؟

من عمان طلعت لنيوورك و هم ترانزت بفندق,,و من نيوورك لدالاس وره كم ساعة من دالاس لمطار سان هوزية كاليفورنيا 

[Abnaa Al-Iraq]

اخي العزيز اللي اعرفه الترانزيت مينختم بكل اعالم لان اتفاقية دولية وحل ذلك الا اذا اختلفت القوانين بين الدول .


تقبل مروري وشكراً

[العراق بدمي]

جزيل الشكر لأخواني وأخواتي جميعآ وكذلك لأخي علي أمون وتقديمه المساعدة والعون ... حقيقة في موضوع سابق للأخ علي حول ذهابه للمطار ذكر بأن الطائرة تغادر بال 12 ولا جاجة لذهاب للفندق يعني بدون ختم وكذلك بعض الأخوة سافروا كذلك بقوا ترانزيت مثل الأخت أم زين وأنس موخرآ سافرت كذلك أما إذا بقوا لليوم التالي فسيذهبون بهم للفندق وأحتمال يختم الجواز وهنا المشكلة عندي فقلت وعند وصولنا وأنا معي عائلة وطفل أقول لهم الصراحة بأن لدي غرامات أريد أن أبقى ترانزيت (بدل ماتصير مشكلة إذا ظليت ساكت ) ويبهدلونا فشتكولون ما أدري لو أظل ساكت إحتمال أصلآ ما نروح للفندق ..؟وشكرآ لكم ثانية فعلآ أنتو تاج عل راس والنعم منكم ... تحياتي

[ــــ{{{ABADY}}}ـــــ]

اخى لا تقول ولا على بالك هم يعرفوا كل شى ومره ثانيه حتى لو عندك غرامات ما فى احد يقولك ثلث الثلاثه كم





اخى (((((والله العظيم))))لا تخاف


ربى يسهل امرك

[العراق بدمي]

اخى لا تقول ولا على بالك هم يعرفوا كل شى ومره ثانيه حتى لو عندك غرامات ما فى احد يقولك ثلث الثلاثه كم





اخى (((((والله العظيم))))لا تخاف


ربى يسهل امرك

[انفجار البوس]

ورده على امون 

[العراق بدمي]

شكرآ لمشاعرك الطيبة أخي abady‏ وربي يوفق الجميع...تقبل تحياتي