موضوع خطير

[press]

موضوع خطير ...

قبل كم يوم أحد الأخوان نزل موضوع أيكول أنو الأميل مالته عطل ، وكل شغله بيه وهو الأميل المعتمد من قبل الـ iom ، حتى كانت أحد الردود على هذا الموضوع أنو واحد كله قابل هو مولده ويعطل ، هذا الرد بكوته لفت أنتباهي .
أخوان أني اليوم نفس الشي صار ويايه ، الأميل مالتي صار سنين عندي وكلشي مابيه يشتغل مثل الورد ، اليوم كل ما أريد أفتحه مينفتح ، كلت يجوز الياهو مضروب عندي بالحاسبه ، رحت على غير حاسبه ونفس الحاله ، ( عطل لا حس ولا خبر ) بعض الأصدقاء كان تخمينهم أنو السكيورتي مال الأميل مضروب ، وهذا ميصير أله أكو واحد يحاول عدة مرات أن يخترق الأميل بس ميكدر ، ويدخل أكثر من باسورد ومينجح ، فينغلق الأميل ، فرأيكم أخوان شدكولون ممكن أكو من يحاول ان يخترق الأميل ووهو أجراء من ضمن أجراءات التجيك الأمني ؟ لو شلووووون ؟ لأن الأميل راح وكلشي بي من طئطأ للسلام عليكم . وأكدر أرسل رساله الى شركة الياهو حتى أرجع أميلي من جديد لأن كلش مهم بالنسبه أليه

تحياتي

[azizaliraqi]

السلام عليكم
عزيزي اذا حافظ المعلومات فتكدر ترجع الاميل خلال دقائق لاتخاف

[Striker]

أي صح, اذا احد يحاول يدخل على الايميل مالتك أبـ كلمات سر مختلفة اكيد الايميل يوكف, لكن يرجع ورة 24 ساعة بلضبط.

يعني بين قوسين اكو احد ديسوي تخمين كلمات سر بحسابك.

[Axil Rose]

اي  اخي  صحيح
اني صار  ويايه  نفس  الشي  عده مرات من  قبل
و  كنت كلش متفاجا  و انت  هسه  دتاكد  لي انه  صار وياك  نفس  الشي
يا ريت  اذا  كان  احد  عنده معلومه  يخبرنا شنو ا للي  ديصير

[ROCK]

صديقي ..

ايملك على الياهو هو ايميل مجاني ...

في حالة اختراق الايمل من قبل احد المتطفلين - وهاي المسألة كلش واردة -- ممكن ترجع الايميل من خلال احد الاسألة الامنية Security questions الي المفروض انته حافظها .... والي تنطلب منك باليوم الاول الي خلقت بيه الايميل

اذا انته ناسي الاجوبة مال هاي الاسألة الامنية .. راح يكون عندك حل اخير .. هو انه انته مسوي ايميل احتياطي backup Email داخل الايميل المسروق .. في حالة حدوث مشكلة مثل الي انته تمر بيها .. ممكن تدز رسالة لسيرفر الياهو .. من خلال الايميل الثاني الي انته المفروض كاتبه بالـ setting  مال الايميل المسروق ..

وقتها راح يدزولك لنك على الايميل الثاني بيه اجراءات استعادة الايميل المسروق ..

اذا ما مسوي هاي الاحتياطات .. فأقره على ايميلك السلام ..

ارجع دز للسفارة وبلغهم انه ايميلك انسرق .. وايميك الجديد هو xxxx


نصيحتي ..
1- شراء ايميل الياهو .. عن طريق الكردت كارد .. وهذا ما يكلفك اكثر من 15 دولار سنويا .. وتكدر تطلب من اي احد عنده كردت كارد يشتريلك الايميل .. في حالة حدوث مثل هيج مشكلة بس تدزلهم المعلومات الي اشتريت بيها الايميل .. راح يرجعوه الك خلال دفائق

2- عمل ايميل بديل داخل ايميل الياهو مالتك .. في حالة حدوث عطل بالايميل الرئيسي ممكن تستخدم الايميل البديل لاسترجاع الايميل الاول

2- عمل نسخ احتياطية لكل الايميلات المهمة خصوصا الايميلات الي بيها استحصال موافقات مثل موافقة القنصل .. ايميلات السفارة الخ ..


Rock

[احمد عباس]

جرب افتحه من موقع الايميل شلون من تريد تقرا رسائل

يعني مثل اذا ياهو تدخل على موقعهم

www.yahoo.com
وتفتح ايميلك مناك

[احمد عباس]

صديقي ..

ايملك على الياهو هو ايميل مجاني ...

في حالة اختراق الايمل من قبل احد المتطفلين - وهاي المسألة كلش واردة -- ممكن ترجع الايميل من خلال احد الاسألة الامنية Security questions الي المفروض انته حافظها .... والي تنطلب منك باليوم الاول الي خلقت بيه الايميل

اذا انته ناسي الاجوبة مال هاي الاسألة الامنية .. راح يكون عندك حل اخير .. هو انه انته مسوي ايميل احتياطي backup Email داخل الايميل المسروق .. في حالة حدوث مشكلة مثل الي انته تمر بيها .. ممكن تدز رسالة لسيرفر الياهو .. من خلال الايميل الثاني الي انته المفروض كاتبه بالـ setting  مال الايميل المسروق ..

وقتها راح يدزولك لنك على الايميل الثاني بيه اجراءات استعادة الايميل المسروق ..

اذا ما مسوي هاي الاحتياطات .. فأقره على ايميلك السلام ..

ارجع دز للسفارة وبلغهم انه ايميلك انسرق .. وايميك الجديد هو xxxx


نصيحتي ..
1- شراء ايميل الياهو .. عن طريق الكردت كارد .. وهذا ما يكلفك اكثر من 15 دولار سنويا .. وتكدر تطلب من اي احد عنده كردت كارد يشتريلك الايميل .. في حالة حدوث مثل هيج مشكلة بس تدزلهم المعلومات الي اشتريت بيها الايميل .. راح يرجعوه الك خلال دفائق

2- عمل ايميل بديل داخل ايميل الياهو مالتك .. في حالة حدوث عطل بالايميل الرئيسي ممكن تستخدم الايميل البديل لاسترجاع الايميل الاول

2- عمل نسخ احتياطية لكل الايميلات المهمة خصوصا الايميلات الي بيها استحصال موافقات مثل موافقة القنصل .. ايميلات السفارة الخ ..


Rock

ايييييي والله صح مال تدفع اشتراك سنوي على الايميل بس الي اعرفه ب22 دولار يمكن
مو 15

بس شي كلش ضروري

[ROCK]

شكرا احمد على التصحيح ..

المبلغ هو 20$ سنويا .. وتكدر تفعله من داخل ايميل تروح على الـ
help--mail plus
 
والصورة المرفقة تبين المميزات الي تحصل عليها


تحياتي

rock

[احمد عباس]

هذا رابط الصفحه
http://overview.mail.yahoo.com

[السفير80]

اخي الايميل فري صح بس ميروح ابد بس نصيحتي خلي باسورد قوي .... والايميل الاحتياط  خلي الباسورد مالته قوي

[(Michael)]

سلام عليكم اخي press
احب اكول للاخوة على كيفكم وي الولد ترى راح ينجلط و عدل على الطواريء
اخي ماكو كل مشكلة
فد يوم خابروني اي او ام الصبح و جنت نايم و انا اول ما اكعد من النوم اكون مطفي جدا
فكلتلي الموظفة انطينا ايميلك لان ما عدنا كلتلها شلون ما عندكم؟
كالت معليش انطينياه مرة ثانية
المهم اريد اذكر ايميلي ما اذكرته فاضطريت انطيها ايميل ثاني اني مخليه احتياط
يعني ماكو مشكلة لا تبيع و لا تشتري
تحياتي

[rawa11]

اخي السلام عليكم
احب اطمنك انو اليوم احنه صارت ويانه نفس الحاله وكدرنا نفتح الايميل فقط من الياهو ميل بيتا اللي منزليه احد الاخوان ولازال العطل موجود

[alanjalil]

والله حبي اني هم صارلي 4 ايام ما جاي يفتح الياهو بس دزيتلهم رسالة لشركة ياهو و كالولي انو اكو خلل  عدهم و من هل اسوالف طبعا اني فرمتت الابتوب مرتين و هم مافتح و رحت فتحت من غير بكان هم ما صار و تقريبا 4 من اصدقائي نفس الحالة و البقية لا عادي يفتح يمهم الياهو
حبس اعتقد فد كم يوم و راح يفتح

[لورنس السفاح]

اخوية بريس
حاول تفتحه من موقع الياهو وجرب اكثر من متصفح
تحياتي

[geb]

حبي لا تدير بال اني صار وياية نفس الشي غيرت الباسوورد مال الايميل الي اراسل بيه المنظمة ونسيت الباسوورد الجديد المهم دزيت ايميل للمنظمة من ايميل جديد سويته وكتلهم اني فلان و الايزي مالتي كذا واحنة 3 نفرات بالكيس ودزيتلهم البايو انفورميشن مال كل الافراد والجناسي هم وكتلهمالايميل السابق انسرق مني وارجو مراسلتي على هذا الايميل وفعلا ردولي عل الايميل الجديد واستمريت وياهم عليه

[press]

الف الف شكر ألكم أخواني وخواتي على مشاركتم وتفاعلكم مع موضوعي ، وأحب أكلكم توقعاتكم كانت بمحله ، لأن الحمدلله رجع أنفتح الأميل من جديد ، والأمور طبيعيه ، بس للعلم تره حتى حاولت أفتح الـ mail عن طريق الياهو بس كان بدون جدوا ، وماكوا طريقه مجربته ، فالهسبب هذا كلش ضجت ، ولكن المهم بالأخير هو من وحده أنفتح .
بس المشكله ألي أني متأكد منه أنو أكو أحد كان يحاول يخترق الأميل ولهسبب هذا قفل فتره معينه ورجع أنفتح وهذا الموضوع يمكن قلقني شويه ، وراح أيخليني أغير الباسورد بين فتره وفتره .

تحياتي للجميع

[ابو مينا]

اخوان اليوم كان اكو عطل بالياهو وتصلح والحمد لله

[razak]

لعد اسمعوا التالي ونطوني رئيكم
اني عندي خمس اميلات تحمل نفس كلمه السر خوش
وكلهن قديمات
اصوروا بس الاميل الي متراسل بيه ويه اي او ام واكف ويكلي الباسورد غلط
طبعا حاولت من غير حاسبه وغير دوله ما انفتح
طبعا ملحوظه يمكن مهمه
الاميل اتوقف بعد ما بصمت ها بعد ما بصمت
تحياتي

[basma_mazen]

اخوان  اعتقد  اكو  اختراق  لان  هل  الشي  شخص  عايش  برة  لاجئ بدوله  اوربيه  حذرني  منه  وكلي  دير  بالج لان  عادي  يحاولون  يفتحون  الاميل  حته  يعرفون  اكثر  عن  تفاصيل  حياتج 
فيجوز  هل  الشي  صار  وياكم

[rayanchase]

اخوان اني  مقريت  الاجوبه مالتكم  كليتكم بس  اني اعرف شنوو السبب        لان اني  هم تصير وياايه    اذا انته   فااتح الرسائل     يعني  الياهو  mail    بلمتصفح   فالمتصفح  يغلق اليااهو مالتك اوتوماتيكيا        هاي  شغلة من الشغلات فجررب افتح  الياهو    بدون الرسائل يعني  سوي ريستاارت للحاسبة    و طفي  كل شي   و افتح المتصفح  اولا   ثم اغلق المتصفح  و شغل اليااهو     
مو تنسه     اول شي شغل المتصفح  حتى الانترنت  يشتغل عدل وبعدين     شغل الياهو وسد المتصفح او بقي  بكيفيك     و ت حيااتي

[Kin]

اني همين صارت عندي نفس الحالة الايميل مالتي افتحة مينفتح طبعا اني مقابل بالسفارة SIV و دا انتظر الفيزا فأعتقد هاي احدى الاجراءات الامنية مالتهم انو يدخلون على الايميل و يراقبون رقم التلفون مالتنا لان بالمقابلة يكلك اكتبلي رقم تلفونك و ايميلك بورقة قابل شيسوون بيها غير يدخلون على ايميليك يشوفون شداز مداز من رسايل و بيمن تتصل...
ايضا بالمقابلة مال الباج مال احدى المعسكرات الامريكية طلب مني المحقق اكتبلة ايميلي و رقم تلفوني بورقة...