اخواني احذروا ايميل من فدكس او من دي اج ال

[ssomeda]

اصدقائي الاعزاء احذروا من ايميل يدعون انهم فدكس او دي اج ال ويحتوي الايميل على فايل اتاجمنت حجمة 8 كيلو بايت فية فايروس واو صي جماعة siv في خاصتا ...وفي بعض الاحيان نورتن انتي فايروس الموجود لفحص الايميلات لايكتشفه ارجو تنصيب انتي فايروس في حاسباتكم والموفقية للجميع

[حسون941]

بارك الله بيك أخي
مشكور

[ssomeda]

From: "FedEx system" <info270705@fedex.com>
هذا نموذج وصلني اليوم انتبه ستجد انه قد ارسل الى الى عدت ايميلات وقد ياتي الى السبام وفي احيان الى انبكس

[مرسي الزناتي]

لا تذكرني لاان صارت بيه
اجاني ايميل بل اسبام من ups و اني بوقتها كنت ده انتظر بكج
اتقشمرت و عبالي صح تراك نمبر و طلع فايروس ضرب الهارد دسك و راحت كل فايلاتي
حته الوندوز الاصلي ماكدر يسوي ري ستور
و اضظريت اتخلص من الوندوز الاصلي
توبه بعد اذا افتح اميل اسبام حته لو كان مال فيزا

[steven_siv]

بس اهم شي ليش هذا الايميل يجي لجماعة منتظري الفيزة وشلون يعرفون بانتظارنا للفيز لان اني مقدم وهم اجاني نفس الشي مو شي غريب شباب

[مغترب بلا وطن]

هاي مؤامرة حايكيها الاعداء ضد المناضلين وابنائنا من القوات المسلحة الباسلة , والصمود ان شاء الله حتى العبور وكلكم راح تجيكم فيزا كما ينبغي 


الرفيق ابو انتصار 

[Cpt_Ali]

أني همين اجاني نفس الايميل 3 مرات خلال اسبوع واحد

"FedEx system" <info236778@fedex.com>

[SARA CALIFORNIA]

هاي مؤامرة حايكيها الاعداء ضد المناضلين وابنائنا من القوات المسلحة الباسلة , والصمود ان شاء الله حتى العبور وكلكم راح تجيكم فيزا كما ينبغي 


الرفيق ابو انتصار 

هسه ابو انتصار لو ابو عروبة؟؟؟اي درسالك على بر يا رفيقنا 

[مغترب بلا وطن]

رفيقة ساره هنة هاي الاسماء كلها في سبيل البعث والمبادئ 

[SARA CALIFORNIA]

احسنت,,,ادامك الله ذخرا للحزب و الثورة و مبادئ البعث السامية 

[rafid82]

ههههههههههه  هسة قبل شوية اجاني الايميل  اخوان ترة الشغلة مقصودة النه احذروا 

[Cpt_Ali]

أحذروا التقليد!!!

[Abnaa Al-Iraq]

نشكرك للنصيحة

[basma_mazen]

شكرا  اخونه  على  التنبيه
بارك  الله  بيك

[ssomeda]

العفو اختي باسمه هذا واجب لان هواي من اخوانه ينتظرون ايميل  من هاي شركات النقل وخاصه جماعت ال اس اي في وطبعا مصيره متوقف على ايميله فاذا فقده هاي كارثة

[لابيلاشوشو]

السلام عليكم

اني قبل شهر صارت بيه هاي الحالة واجاني ايميل من شركة فيديكس وفتحته وعينكم متشوف الا النور بيه 33 فايروس تروجان دمرلي اللاب توب واتبهدلت الى ان شفنا شخص خوش انسان اختصاص حاسبات وفرمتها من جد وجديد بس شنو باقي شوي وتتفجر الحاسبة عبالك قنابل بيها هههههههه بس الحمدلله والشكر اتفرمتت بعد جهد جهيد..

شكرا للتنبيه

[دوت كوم]

الخبر صحيح اني اجاني هذا الايمل وفتحت بنية طيبة وحاسبتي صار بيها صفنه بحيث ما كدرت اشغل انتي فايروس جمدت الحاسبة بعدين سويتها فورمات ورجعت طبيعية فا دربالكم من الايملات لا اي شي تفتحونه قبل التاكد منه